Jerimaya 6:1 - FỊAFỊA BAỊBỤLỤ

¹ Benijamịnị ḅẹ apụ, ọ́ mangị ye ọ́ la ḅịa yọ muu! Ó Jeruselemu ḅụ mangị-soo! Ó Tẹkowa ḅụ ọdụ ofuroo, tẹ Bẹtị-hakeremu ḅụ fịnị tọnọọ anị kọrị gele tẹ elekima sọ. Opu ḅụụ-fụka na guluguluma na ọgọnọ-jụ ḅụ sime tẹ ḅo ḅẹ-yearị.

Jerimaya 6:1 Iomraidhean Croise

2 Samụẹlị 14:2

Johabụ nwẹnị kịnị kẹ Tẹkowa fịrịma, tẹ anịjụ ye-nimi gbọrụ ẹrẹḅọ ọkị-ḅo, tẹ nwẹnị á ḅẹẹ, “Ḍụẹịn ḍuu elekimaa, tẹ ḍụẹịn ḍuu apụ akapa sụa, olo kẹ í oju ọmbị ma, kụma ẹrẹḅọ tẹ tọnwa aḍin kẹ anịngẹ-kụraḅio ḍụẹịn ḍuuarị ḅọ ye mịẹ ḅara kẹ ye mịẹ,

2 Paka-aị 11:6

Ọ̀ Bẹtịlịhẹmụ na, Ẹtamụ na, Tẹkowa na

Nehimaya 3:14

Malikịja, Rekabụ owiḅọtụḅọ, Bẹtị-hakeremu tomi kpo mẹ ḅẹrẹtọnḅọ ḅe “Nama Pọkụ-muaị Ogigo-ḅọkọ” mẹ tẹlẹmam; ò sin anị nama tẹ anị ḅẹ ḅọkọ na, jụkoroma na, ẹngbẹsẹ ma na sụam.

Nehimaya 3:5

Tẹkowa ḅẹ apụ ịn palị tẹ tẹlẹmam kụma ama mẹ ḅẹ opu apụ ma ḅara kẹ ịn nyanaḅọ ḅe kọrịnama mẹ ḅio sụa.

Jerimaya 10:22

Ó poki-ye! Ḅịḅị ḅo tẹẹ! Tomikiri mẹ ọgọnọ-jụ ḅụ gbọrụ sịẹ ḅụ opu gbiri-gbiri-gbiri paka tẹẹ; anị ḅẹ ọmụ-ogbo mẹ Juda ḅẹ opu ama ma kẹ ịkpa mịẹ ḅa, piri-obiri angarị anga.”

Jerimaya 25:9

“Arị ó gotẹ ḅịḅị kẹ tomikiri mẹ ḅẹ ọgọnọ-jụ simearị apụ mamgba na ị̀ fịrịmẹnjịḅọ, Babịlonịya ḅẹ amadaḅọ Nebukadineza na fịrịma ḅoarị. Àrị ini ọkị-ḅo tẹ ini owu kẹ Juda na anị ḅio angarị apụ na anị na kpeki wararị asịẹ mamgba na paka ḅẹ-yearị. À mị sịẹ mẹ na anị na kpeki wararị si na guluguluma ḅẹ-yearị, tẹ arị wẹrịso tẹ arị fa gbamaso ḅa, ḍiki-tọrụ ḅụ kpọma ḅalafama tẹ ḅụụ-ịnọ ḅarịye. Yẹrị, KỊNỊNYANAḄỌ ḅe ọkọ ḅẹẹm.

Jerimaya 4:29

Asụ na iboli na ọmụapụ ma yoko-yokoarị ye mẹ ḅụ ḅẹḅọ-ḅẹḅọ mangị-soarị. Japụ mangị opu piri-ḅio mu ḅa, osi-apụ kpọlị iwo ḅa ịkụ ma ogboku ḅụ. Ama goyegoye ḅụ gbọrụḅọ-sọ kirikọn ḅịa, tẹ gbọrụḅọ-sọ ḅarị jen kẹ arị ḅio anga ḅịa.

Jerimaya 6:22

KỊNỊNYANAḄỌ ḅe mẹẹ, “Ọgọnọ-jụ gbọrụ sịẹ ḅụ kịnị ḅoarị; opu kụrọ nyanatẹ gbọrụ sịẹ sụma-jụ tẹlẹma ọmụ pịrịarị.

Emọsị 1:1

Mịna ẹkwẹn-aḅịḅị ma anie Emọsị, anana-ḍikiḍikiḅọ tẹ Tẹkowa ama ḅụ ḅo ḅọ ḅe kọn ẹkwẹn-aḅịḅị ma. Maa akụra kọnm tẹrẹmẹ kiri-jike mẹ paka ḅụ, tẹ Uzaya Juda da sime sakị mẹ, Jerobohamụ, Jehohazị tụḅọ ḅe nwẹnị pịkị Izirẹlị da sime sakị mẹ ḅụ anie Tamụnọ ma mamgba tẹ Izirẹlị gboloma aị ma kẹ Emọsị ḍie yee.

Emọsị 3:6

Gbọrụ opu ama ḅio ọmụ ọdụ fie kụma, tomi ma in ḅalafaa ḅịa? Opu ḅụụ-fụka ḅo la-la opu ama emi, KỊNỊNYANAḄỌ ḅe anị kẹ fịrịma sikima?

Zẹkaraya 6:6

Kurukuru asụ ma fọnọ mẹnjịarị kirimẹnjị-ọmụarụ mẹ so ọgọnọ-jụ Babịlonịya muarị, pịna-pịna asụ ma ịrụa-ideriarị-anga muarị, tẹ gbọọn-gbọọn oju sụa asụ ma abajị-suku da bebe amakiri mẹ muarị.

Jọsụwa 15:63

Kụma Jeruselemu ḅụ anga Jebusayịtị apụ ma, Juda inetẹ in dee pakama-a; anieḅụ Jebusayịtị apụ ma na, Juda ḅẹ apụ ma na Jeruselemu ḅụ anga ḅo mịmgba lam.

Ḅẹrẹkọn-apụ 1:21

Kụma Benijamịnị atomi ma Jebusayịtị apụ ma tẹ Jeruselemu ḅio sime apụ ma dee pakama-a, anieḅụ Jebusayịtị apụ ma Benijamịnị atomi ma ḅụụ sọ tẹ Jeruselemu ḅụ sime ḅo mịmgba lam.