Jerimaya 52:3 - FỊAFỊA BAỊBỤLỤ

³ KỊNỊNYANAḄỌ ḅe kpọma Jeruselemu na Juda na gotẹ ịganị tẹ in sikima jen anga mum ọ̀ tọrọkọ ḅụ. Zẹdẹkaya kọngọ-kụrọma Ama-da Nebukadineza, Babịlonịya da ḅọ ḅe pịrịm,

Jerimaya 52:3 Iomraidhean Croise

Suku-saakị 4:14

Ḍikii, mị gbọrụ ene mẹ ḅụ í kiri mẹ ḅụ ì dee-siin tẹ, anịsakị à pịkị ị́ tọrọkọ ḅụ ị̀ ḅụụ ḅọị ḅa; tẹ karakara nimi-a ḅọ sọ tẹ tomikiri mẹ ḅụ ikelekelema-ḅọrọ ḅa, anịsakị ị̀ ẹrị ḅọ ẹrị ḅọ nwẹnị ị̀ ḅaa ḅa.”

Suku-saakị 4:16

Anịtẹso Keni KỊNỊNYANAḄỌ ḅe tọrọkọ ḅụ mẹnjị-som, tẹ mu Ideni sin anga mẹ ḅẹ ịrụa-saakịarị-anga ịn kẹ Nọdị sịn anga ḅụ angam.

2 Samụẹlị 24:1

Jen sakị ḅụ, KỊNỊNYANAḄỌ ḅe ịganị mẹ siin Izirẹlị ọgọnọ kẹngẹma saram, tẹ ò Devidi toluma ịn da-paka tẹ ḅẹẹm, “Ó mu Izirẹlị na Juda na ḅụ simearị atomi kịẹn.”

1 Amadapụ 10:9

KỊNỊNYANAḄỌ ị́ Tamụnọ ḅe tokinii! Ori ḅe tẹ ò nyana ị́ pịrị ḅẹlẹma ḍie-pakama gotẹ ị́ kẹ Izirẹlị ḅẹ amadaḅọ mịẹ ḅọ ḅe, gbala ò nyana Izirẹlị pịrị ḅẹlẹma mẹ sime gbamasom ẹrẹsị ori ị́ kẹ ịna amadaḅọ sọmam mịẹtẹ ị́ karakara ḅẹrẹkọn tẹ pịkị oloko ma ḅụ karakara mịẹ ḅẹ ḅara.”

2 Amadapụ 17:18

Anịẹrẹsị KỊNỊNYANAḄỌ ḅe kpọma ịganị Izirẹlị pịrịm, tẹ ò ḍiki-tọrụ ḅụ ịn saakị siinm; gbọrụḅọ-sọ kirikọn-a Juda furo mẹ ngẹrị sikima.

2 Amadapụ 17:20

KỊNỊNYANAḄỌ ḅe nwẹnị Izirẹlị ḅụ paka-ḅo apụ mamgba sịkị, tẹ ḅụụ-fụka kẹ ịn pịrị, ịn kẹ ye sima apụ ḅara-ḅio suu, nwenii ori ò ḍiki-tọrụ ḅụ ini nguma famam.

2 Amadapụ 17:23

nwenii KỊNỊNYANAḄỌ ḅe ò ḍiki-tọrụ ḅụ ịn saakị siinm, ọ̀ wẹrịtẹ ori afịrịmẹnjịapụ ịkịankoroapụ mamgba ḅụụ ḅụ ḍuko tẹ ḅara. Mị-ḅara mie Izirẹlị kẹ ịn soku-ḅẹ ama ḅụ saakị mu Asiriya ḅụ omoni-sọ nwenii ḅo mịmgba la ye.

2 Amadapụ 24:20

Anị kẹ gotẹ ọkọ mịẹarị KỊNỊNYANAḄỌ ḅe ịganị mẹ ḅo gbọrụ ḅiri la sakị, ọ̀ nwẹnị ọ̀ tọrọkọ ḅụ Jeruselemu na Juda na kẹ wakị nguma. Zẹdẹkaya nwẹnị sịḅị-kụrọma Babịlọnị ḅẹ amadaḅọ ḅe pịrị.

2 Paka-aị 36:13

Ọ̀ nwẹnị pịkị sịḅị kụrọma Amadaḅọ Nebukadineza tẹ ọ̀ mịẹ tẹ ọ̀ Tamụnọ ḅụụ ye karị ḅo ḅe pịrị; ori ọ̀ kọngọ kụrọma tẹ ò ḅioḅẹngbọ kụrọma pịkị KỊNỊNYANAḄỌ Izirẹlịapụ tẹkẹarị Tamụnọ ḅe pịrịm.

Ẹzịra 4:15

mịẹtẹ ini ị́ aḍapụ ye kẹẹ-kẹẹ sụarị ḍiri mẹ ḅio ḍọkị ḍiki ḅẹ ḅara. In ye kẹẹ-kẹẹ sụarị ḍiri mẹ ḅio ị́ ḍọkị-ẹrị tẹ nimi ḅa mịnẹ mị opu ama mẹ anie sịḅị-kụrọ opu ama, tẹ elemu sakị kụra-ḅio ḅụ amadapụ na itu-itu kẹ sịḅịdapụ na tụḅụrụarị opu ama. Ini ma pịkị sịḅịdaa ḅụ ḅụụ-fụkama tomi. Aniemẹ mịẹtẹ mị opu ama mẹ fa tẹ koro-sime ye.

Egberima-Ẹkwẹn 28:2

Gbọrụ sịẹ si mịẹarị kụma anị ama-da apụ ḍima-ḍima-ḍima ḅa. Gbọrụ sịẹ kụrọ tẹ sịẹsime tọrọkọ-tọrọkọ muarị ḅẹḅẹ anị sịḅịḅio nyana ye-nimi sịḅịdapụ nyana wararị.

Nimi Tolumaḅọ 10:16

Sule-ḅịḅị sime ị́ pịrịị, opu sịẹ, ị́ amadaḅọ kala wararị sakị ḅụ; tẹ ị́ amadapụ awọmẹ ma dede kẹ alalị fịarị ḅẹḅẹ.

Ayịzaya 19:4

Arị Ijiputi-ḅẹ-apụ kẹ gadapụ-gadapụ ḅara kẹ kịnị na mịẹarị kụrọ ḅọ ḅara-ḅio suu ḅa, tẹ kụrọ, kụrọ-ḅara kẹ kịnị na mịẹarị amadaḅọ ḅẹrẹtọn ịn pịrị ḅa. Yẹrị Kụrọmamgba nyana KỊNỊNYANAḄỌ ḅe ḍuko tẹ.”

Ayịzaya 3:1

Mịọkụ, KỊNỊNYANAḄỌ ḅe, Kụrọmamgba Nyana KỊNỊNYANAḄỌ ḅe, Jeruselemu ḅụ na, ḅẹẹye-ḅẹẹye na ḅẹḅọ-ḅẹḅọ na, tẹ kịnị kẹ ḅiokpọmarị ye ọkị so ḅẹ-yearị. Ori ịna fịye na minji na ọkị so ḅa,

Ayịzaya 36:5

Ọ̀ nwẹnị gbela kụrọma, “Ó kuromarị aro, mịnẹ ẹkwẹn inetẹ ọmụ aka na opu kụrọ na kiri ọkị ḅẹ? Ó kuromarị ḅarasụa ọ́ pịrịtẹ ọ́ kọngọ kụrọma Asiriya pịrị ḅẹ ḅọ tụḅọ?

Jerimaya 15:1

Anịtẹso KỊNỊNYANAḄỌ ḅe ị̀ ḅẹẹm: Mozizi na Samụwẹlị na ị̀ tọrọkọ sịẹsime tẹ in gotẹ ị̀nịna ḅịḅị-ọkịyam sọ, gbọrụ ọkụrụkụrụ sọ à nyana mịna apụ ma pịrị ḅịa. Mịẹ tẹ in so; mịẹ tẹ ini ị̀ tọrọkọ sikima.

Jerimaya 7:15

Àrị ó dee-siin ḅa, ị̀ tọrọkọ, arị ọmịna amịnapụ Izirẹlịapụ dee-siin ḅara. Yẹrị KỊNỊNYANAḄỌ ḅe ọkọ ḅẹẹm.