Jerimaya 51:8 - FỊAFỊA BAỊBỤLỤ

⁸ Babịlonịya ḅiotọn-a ḅara kẹ ḅịkị tẹ gulugulu tẹẹ! Á ḍuu!. Obi-gwọ-ḍiri ọkị mu anị ḅẹ ịnọ ma mịẹẹ, tẹ ẹbịsịya anị inetẹ gwọ ḅẹ ḅoto.

Jerimaya 51:8 Iomraidhean Croise

Ayịzaya 21:9

Ḅiotọn-a ḅara ḅụ in ḅoarị! Asụ ọgọnọ kpọlị wararị owiapụ, maa apụ, maa apụ. Ama-koru ḅọ ḅe ori ẹrị ye ḍukoarị. “Babịlọnị ḅịkị tẹ! In sunsin pịrịarị oru-afụḅara mamgba kiri ḅio gala-gala wararị.”

Ayịzaya 47:11

Opu ḅụụ-fụka ḅo ị́ la ḅa, tẹ í pilearị agba ma ḅẹ gberie-sọ inetẹ anị dasịẹma ḅịa. Ḅiotọn-a ḅara ḅụ opu fa ḅo ị́ la ḅa opu fa tẹ gbala-gbala ḍawọ-jụ sọ amụ ị́ ẹrị-a ye!

Ayịzaya 47:9

Kụma tọrụ-gbaịn finji ḅụ, kpọkpọ gbọrụ ene ḅụ, ma maaịn mamgba paka ḅa. Í pile ḅarị agba mẹmgba ḅụ sọ, í di na ị́ awọmẹ na paa fịị ḅa.

Jerimaya 46:11

Ijiputi-ḅẹ-apụ, ó Giliyadi mu tẹ obi-gwọ-ḍiri ḍọkịị! Ọmịna obi-gwọ-aḍiri mamgba ye mịẹ-a aị sọ tẹẹ; gberie-sọ ḅarị inetẹ ọ́ gwọ ḅịa.

Jerimaya 48:20

Ịn pakịrị ḅa: Mohabụ ḅịkị tẹẹ, anị gotẹ owuu, miemẹ tọrụ-tuu ye. Anọnị Tọrụ akaka ḅụ anị ḍuko wasamaa, mịnẹ in Mohabụ guluguluma tẹẹ!

Jerimaya 48:31

Tẹ anie ḅụ arị owu Mohabụ ḅụ sime-ḅọ sime-ḅọ na Ka-hẹrẹsị ḅẹ apụ ma na pịrị ḅa.

Jerimaya 50:2

Oku mẹ ḍuko sịẹ-sịẹ ma pịrịị; anị ḍuko wasamaa! elekima pịrị tẹ kịnị mamgba naa ḅẹ ḅara kẹ oku mẹ ḍukoo! Anị kẹ ḅọị ma! Babịlọnị ḅịkị tẹẹ! Árị ẹkẹkẹ-tamụnọ Madọkụ ḅe ini ò puu kọsịma tẹẹ! Babịlọnị ḅẹ oru-afụḅara ma ḅụụ-jịrị tẹẹ. Á sịḅị-ngụngụnma ḍụẹịn-afụḅara ma kaan-sara tẹẹ!

Jerimaya 51:41

KỊNỊNYANAḄỌ ḅe Babịlọnị gboloma ye ḅụ ḅẹẹarị, “Bebe tomikiri mamgba tokiniarị opu ama mẹ ini anị ọkị tẹ ọmụ ḅụ! Ḍiki-tọrụ ḅụ Babịlọnị kpọma sịḅị-kanakanamaye sọ sịẹ-sịẹ ma pịrị tẹ ḅara ḍikii!

Jerimaya 8:22

Giliyadi ḅụ kịnị gwọ-gwọ gbọrụ ḍiri sọ ḅarị ofori? Anị anga ḅịrịapụ ḅarị ofori? Ọkọ kụma, tiye ẹrẹsị ị̀ atomi amụ paa gwọ-a?

Izikẹlị 30:2

Ori mẹẹ: Fịị-fịị tomḅọ, yẹrị Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ḍukoarị ye mẹ ḅẹ ịkịan koroo, tẹ ḍuko wasamaa. Mịna ẹkwẹn ma oloku-pakama mẹ anie ị́ nyana tẹ mịẹ ḅẹ ye: opu ḅalafa ene ḅoarị!

Danẹlị 5:24

Miemẹ gotẹ anie Tamụnọ mị-ḅara mẹ fịrịma tẹ mịna ẹkwẹn-aḅịḅị ma kẹẹ ye.

Danẹlị 5:31

tẹ Darịyọsị Midi ḅẹ ḅọ ḅe, anie sịḅị ḅụ kụra atesi maaịn finji ḅọrọ tẹ ḅọ ḅe, ama-da kụrọ mẹ pụkọ-ọkịm.

Nahọmụ 3:19

Kẹ ị́ la ye mẹ gwọ-gwọ ye ofori, ị́ la ye mẹ gwọ sọ iḅi ḅịa. Ị́ ḅụụ paka ye mẹ gbolomaye naa apụ mamgba ịna aḅara farị-farị ị́ pịrịarị, anị kẹ gotẹ ọkọ mịẹarị, ị́ sịkọpẹlẹ-a ḅara kẹ mịẹarị siye mẹ, tụḅọ ọgọnọ kụma anị amụ la-a?

Mịẹfinji 14:8

Maaịn karama enjẹlị nwẹnị tarị ye ḅe pono tẹ ḅẹẹ, “Á ḅịkị tẹ! Opu Babịlọnị ma ḅịkị tẹ. Árị mie amịna iru mẹ kẹ tomi mamgba pịrị ḅuu ye — anie owiapụ na ereme na si mẹnjị kụrọtẹ iru mẹ!”

Mịẹfinji 18:2

Ọ̀ nwẹnị kụrọma gele pọkọ kẹ oloku pakama: “Á ḅịkị tẹ! Opu Babịlọnị ma ḅịkị tẹ! Mịọkụ oru na si-atẹmẹ na mie á ḅio anga tẹ ẹkpẹarị ye, sịḅị-ngụngụnmarị tẹ ḅụụ ḅẹlẹma-a afeni mamgba á ḅio angarị.