Jerimaya 51:7 - FỊAFỊA BAỊBỤLỤ

⁷ Babịlonịya ị̀ ḅara-ḅio golu kọpụ kịkam, mịẹ tẹ bebe tomikiri mẹ anị ḅio ḅuuarị. Sịẹ-sịẹ ma anị ḅẹ iru mẹ ḅuum, tẹ ịn nwẹnị nọmụ.

Jerimaya 51:7 Iomraidhean Croise

Ayịzaya 14:4

Ò miemẹ mịẹarị sakị, ịn Babịlonịya ḅẹ amadaḅọ ḅe kombo tẹ ḅẹẹ ḅa: “Kụrọ-ḅara kẹ kịnị na mịẹarị amadaḅọ ḅe ḅịkị tẹẹ! Ọ̀ ḅarị jen kẹ gbọrụḅọ-sọ ponoma ḅịa.

Jerimaya 13:13

Anịtẹso ḍuko ịn pịrị mịnẹ, yẹrị KỊNỊNYANAḄỌ ḅe, iru kẹ amakiri mẹ ḅẹ apụ ma pịrị gbasịma ḅẹ muarị, nwenii in ḅuu tọrụ-ḅaama ḅa; amadapụ ma, anie Devidi furo paka apụ ma, agbamịẹapụ ma, ịkịankoro apụ ma, na Jeruselemu ḅẹ apụ mamgba na.

Jerimaya 25:9

“Arị ó gotẹ ḅịḅị kẹ tomikiri mẹ ḅẹ ọgọnọ-jụ simearị apụ mamgba na ị̀ fịrịmẹnjịḅọ, Babịlonịya ḅẹ amadaḅọ Nebukadineza na fịrịma ḅoarị. Àrị ini ọkị-ḅo tẹ ini owu kẹ Juda na anị ḅio angarị apụ na anị na kpeki wararị asịẹ mamgba na paka ḅẹ-yearị. À mị sịẹ mẹ na anị na kpeki wararị si na guluguluma ḅẹ-yearị, tẹ arị wẹrịso tẹ arị fa gbamaso ḅa, ḍiki-tọrụ ḅụ kpọma ḅalafama tẹ ḅụụ-ịnọ ḅarịye. Yẹrị, KỊNỊNYANAḄỌ ḅe ọkọ ḅẹẹm.

Jerimaya 50:38

Minji kụrọ ọkị-ḅo ịna amakiri ḅụ tẹ anị ḅẹ atọrụ ma samụnọmaa. Babịlonịya anie tẹmẹ-naịn-naịnmarị oru-afụḅara ama, Ini amịna aḅụụ kẹ oḅori apụ sọma tẹ.

Izikẹlị 23:42

Kịnị inetẹ ye-bala-a gbiri-gbiri-gbiriarị inweni-ogbo fie ma ḅọrọarị ye na ḅa, ịkpa mẹ ḅio ini ọkị-ḅo inweni-ogbo. Ịn ḅarasụa aị kẹ ereme ma aḅara kọngọ sụam, pịkị iḅi-fịtẹ akịranị kẹ ịna asịḅị surem.

Danẹlị 2:32

Iḅi tẹịn golu mie ịn kẹ sịḅị mẹ mịẹ yee; ekpe mẹ na ḅara-akọngọ ma na nwẹnị seleḅa; konju mẹ na ḅụọ-ẹtẹnẹ ma na ini ojo kẹ mịẹm;

Danẹlị 2:38

Ori ị́ kẹ tomikiri angarị apụ mamgba ḅẹrẹtọnḅọ mịẹ tẹẹ, pịkị nama na feni na amẹẹ mamgba ḅẹrẹtọnḅọ naa. Ị́yẹrị anie golu sịḅị mẹẹ.

Mịẹfinji 14:8

Maaịn karama enjẹlị nwẹnị tarị ye ḅe pono tẹ ḅẹẹ, “Á ḅịkị tẹ! Opu Babịlọnị ma ḅịkị tẹ. Árị mie amịna iru mẹ kẹ tomi mamgba pịrị ḅuu ye — anie owiapụ na ereme na si mẹnjị kụrọtẹ iru mẹ!”

Mịẹfinji 17:2

Tomikiri ḅẹ asịẹ ma ḅẹ amadapụ ma, arị na, ama-mẹnjị-ẹrẹḅọ na kọn, kọn si mẹnjị kọnm, tẹ tomikiri ḅẹ atomi ma pịkị arị ama-mẹnjị si mẹ ḅẹ iru ḅuu tọrụ-ḅaamam.”

Mịẹfinji 17:4

Ẹrẹḅọ ma sọ awụ tọrụ sụa ḅiriye ḅiri wararị, tẹ á pịkị golu na, ye la aḍụḅarị na, palị nwẹn-sịn aị na, ḅiri ḅụlụ-ḅụlụ wararị. Árị á ḅara ḅụ golu bọlị ọlọm, tẹ anị ḅio ḅụ ḍiki na-iḅi-a, ịlọlị aị na, arị ama-mẹnjị amịẹaị ḅụ ḅo aị na sikima jen ofori.

Mịẹfinji 18:23

Tọnjọ sọ ḅarị jen kẹ í ḅio kọrị tẹ kịnị ẹrị ḅịa; ịyarị ama-na-ere-na pọkọ sọ í ḅio kịnị ḅarị naa ḅịa. Tomikiri ḅụ ị́ atuḅoni ma kụrọ nyana tẹịnm, tẹ ị́ pịkị majịkị kẹ oḅori kẹ tomikiri ḅẹ atomi mamgba sịnm.”

Mịẹfinji 18:3

Gbala sịẹ-sịẹ mamgba árị iru mẹ ḅuu tẹ — árị ama-mẹnjị si mẹ ḅẹ kụrọtẹ iru mẹ. Tomikiri ḅẹ amadapụ ma árị na ama-mẹnjị-ẹrẹḅọ si mẹ mịẹm, tẹ tomikiri ḅẹ atuḅoni ma á ḅụụ ọlọ-ọlọ-a ḍumo mẹ ḅụ ḅọrọ tẹ ngọ kọnm.”

Mịẹfinji 19:2

Ori aḅẹrẹkọn ma karakaram, aḍụa pịkị arị ḅụ ofori. Amịna ama-mẹnjị si ḍumo kẹ tomikiri mẹ simarị ẹrẹḅọ ma, ọ̀ ḅẹrẹ si pẹlẹ á pịrị tẹ, árị ori afịrịmẹnjịapụ ḅaa ye gotẹ, ò fomu-ḅara kẹ á pịrị tẹ.”