Jerimaya 51:6 - FỊAFỊA BAỊBỤLỤ

⁶ Babịlonịya ḅụ mangị-soo! Ọmịnị ọmịna aḍumo mangị kọn! Ọ́ Babịlonịya si gotẹ fịị ma. Mịọkụ arị ị̀ gbẹẹfị ḅiiarị, tẹ arị anị gbẹẹ ḅara kẹ anị fomuarị.

Jerimaya 51:6 Iomraidhean Croise

Devidi-Anume 94:1

KỊNỊNYANAḄỌ, ị́yẹrị anie si-mịẹḅọ fomu-fomu Tamụnọ; mịẹẹ tomi ị́ ịganị ẹrị!

Egberima-Ẹkwẹn 13:20

Ye-nimiapụ na mẹnjị gbolomaa, anịsakị í ḅo ye-nimiḅọ sọ ḅa. Ị́ apantu amẹẹ ma na ikia-sọ kụma í gulugulu-faa ḅa.

Ayịzaya 48:20

Ọ́ Babịlọnị ḅụ paka-so, ọ́ ḅarana sịḅị nyana ḅara kẹ so! Ọmịnị ịba mẹ oloku pakama ḅioḅẹlẹ ḅụ ọ̀ mịẹ tẹ anga-anga ḅụ kịnị anị nimi: “KỊNỊNYANAḄỌ ḅe ọ̀ fịrịmẹnjịḅọ Izirẹlị ḅọrọma tẹ!”

Ayịzaya 63:4

À tọn-pẹlẹm mịnẹ ì atomi ḅọrọma ḅẹ sakị mẹ ḅo la tẹẹ; anie à fomu-ḅara kẹ si kẹ ịn tọn apụ ma pịrị ḅẹ sakị mẹ.

Jerimaya 25:14

Babịlonịya ḅẹ apụ mịẹ tẹ ye mẹ gbẹẹ-ye kẹ in gbẹẹ ḅa, tẹ tọnwa asịẹ na opu amadapụ na ịn kẹ omoni sọma ḅa.”

Jerimaya 25:16

Ini anị ḅio ḅuu sakị, in pụmbụma-pụmbụma tẹ ịna akuroma ḅarị tụkụ ḅịa, à kẹ ịn fịrịmarị ọmụ mẹ ẹrẹsị.”

Jerimaya 27:7

Sịẹ-sịẹ mamgba fịrịmẹnjị ọ̀ pịrị ḅa, ịn pịkị fịrịmẹnjị ori owiḅọtụḅọ na ọ̀ taa-owiḅọtụḅọ na pịrị ḅa, nwenii ọ̀ ḅara-kuḅu ḅẹ sịẹ mẹ ḅịkị ḅẹ sakị ḅo la ḅa. Anịtẹso ọ̀ sịẹ mẹ fịrịmẹnjị opu kụrọ nyana asịẹ na opu amadapụ na pịrị ḅa.

Jerimaya 46:10

Mịmgba mẹ mie Tẹịn-Ḅẹrẹtọn-Kụrọ-Nyana Kụrọmamgba nyana KỊNỊNYANAḄỌ ḅe eneḅaka mẹ, mịmgba ọ̀ gbẹẹfị ḅii ḅa; mịmgba ò fomu-ḅara kẹ si kẹ ọ̀ tọn apụ ma pịrị ḅa. Ori okologie ḅuru fị nwenii anị furo ḅin ḅa, tẹ ịna ọmbie ḅuu nwenii anị anị pọkọ-ta ḅa. Mịmgba Kụrọmamgba Nyanaḅọ ḅe amịna anama kẹ agba mịẹarị ọgọnọ-jụ mẹ ḅụ, Yuferetisi tọrụ akaka ḅụ.

Jerimaya 48:6

Ini mẹẹ: Saramaa, í ḍumo-mangị kọn! Ịkpa ḅio ḅẹ kala asụ mangị ḅara mangịị!

Jerimaya 50:15

Ọmụ oloku mẹ kọn bebe opu ama mẹ kana-koroo! Mịọkụ Babịlọnị ḅara saakị tẹẹ. Ini anị ḅẹ onu ma kan tolu-ḅọrọ tẹ sukuruma kan kiri lama tẹẹ. À Babịlonịya ḅẹ apụ ḅara ị̀ gbẹẹfị ḅiiarị. Mie ḅụ ị́ gbẹẹfị ọkị ịna aḅara, tẹ ịn kẹ jen-apụ mịẹ tẹ ḅara kẹ ịn mịẹẹ.

Jerimaya 50:28

(Ọmụ mangị kọn apụ Babịlonịya ḅụ pụkọ-pakaḅo Jeruselemu laarị, tẹ ịn KỊNỊNYANAḄỌ, wamịna Tamụnọ ḅẹ wẹrịtẹ Babịlonịya apụ ma kẹ Tamụnọ Warị mịẹ ye ḅẹ gbẹẹfị ḅiiarị ḅara ḍukoarị.)

Jerimaya 50:31

“Ị́yẹrị, Babịlonịya, ḅụụ-gelema ị́ ḅụụ ḅio ḅin wararị, mie ḅụ yẹrị, Tẹịn-Ḅẹrẹtọn-Kụrọ-Nyana Kụrọmamgba nyana KỊNỊNYANAḄỌ ḅe, àrị ị́ na tụḅụrụ wararị! Fomu-ḅara kẹ ị́ pịrị ḅẹ sakị mẹ ḅo laa tẹẹ.

Jerimaya 50:8

“Izirẹlị ḅẹ atomi, ọ́ Babịlonịya ḅụ mangị-soo! Ọ́ sịẹ mẹ koroma tẹ soo! Ọmịnị tarị apụ sọọ, mangị-so ḅụ!

Jerimaya 51:11

KỊNỊNYANAḄỌ ḅe Midiya ḅẹ amadapụ ma jike-saakịma tẹẹ, ọ̀ tọn tẹ ọ̀ Babịlọnị guluguluma ḅẹ ẹrẹsị. Anị ḅara mie ọ̀ kẹ ini ọ̀ Tamụnọ-warị mẹ kan guluguluma ye mẹ ḅẹ gbẹẹfị ḅii ḅẹ ḅara. Owu mẹ pakarị ọmụ-alapụ ma tọn ọmụapụ ma pịrịarị, “Ọmịnị ọmịna aḍịẹịn ma farị oḅumaa! Ekpeke ma tẹlẹma wẹrịị.

Jerimaya 51:36

Tẹ mie ḅụ KỊNỊNYANAḄỌ ḅe Jeruselemu ḅẹ apụ ma ḅẹẹm, “Yẹrị ḅarana ọmịna ḅẹrẹ mẹ ọkị mịẹ ḅa, tẹ mịẹ tẹ si kẹ ọ́ tọn apụ ma ịn kẹ ọ́ mịẹ tẹ ye mẹ gbẹẹ ḅa. Babịlonịya ḅụ minji sime tẹ paka-ḅoarị anga mẹ à samụnọma ḅa, à pịkị anị ḅẹ atọrụ ma mịẹ tẹ arị samụnọ ḅa.

Jerimaya 51:45

Izirẹlịapụ, ọmịnị anị anga mangị-so! Ì owi-ịganị mẹ ḅụ ọmịnị ọmịna ḍumo-mangị kọọn.

Jerimaya 51:50

KỊNỊNYANAḄỌ ḅe ḍuko ori atomi pịrịarị Babịlonịya ḅụ, “Fịị ḅio ọ́ pụkọ-so tẹẹ! Ó soo, mịọkụ! Ó koru ma. Karakaraye ọmịnị ama na kpeki-a sọ, ọmịnị ị̀ kẹ ḅiokoromaa, ọ́ Nyanaḅọ ḅe, ọ́ pịkị Jeruselemu kẹ ḅiokoromaa.

Jerimaya 51:56

In ḅo Babịlọnị guluguluma ḅẹm; ini anị ḅẹ ọmụapụ ma kun tẹ, ịna iboli ma anyịma tẹ. Yẹrị anie fomu-ḅara kẹ siye pịrịarị Tamụnọ, tẹ à Babịlọnị gbẹẹ ḅara kẹ anị na mịẹ ḅa.

Jerimaya 51:9

Jen asịẹ ḅẹ apụ ḅẹẹm, ‘Wa ḅụụkụrọma tẹ ḅarasụa Babịlonịya pịrị ḅẹẹm, kụma sakị fa ḅaka tẹẹ. Ò yee wa á wẹrịso mịọkụ mẹ ḅụ, tẹ so ama mu. Tamụnọ ori opu kụrọ mẹmgba kẹ Babịlonịya fomu tẹ anị guluguluma fama tẹẹ.’ ”

Kururu Owu-apọkọ 3:64

Yei KỊNỊNYANAḄỌ, ị́yẹrị ịna aḅara ḅẹ kọrịnama sime-ḅara ḍiki ịn gbẹẹ ḅa.

Kịẹn-aḅịḅị 16:26

Tẹ ọ̀ nwẹnị tomina-ogbo mẹ ḅẹẹ, Àrị ọ́ tẹkẹm, mịna si-sịḅịḅio-sụa atomi ma akpụrụ-awarị ma ḅụ ọ́ ḅụụ ḅelema-a, tẹ ḅara kẹ sime ịn pịrị kpọkpọ gberie-sọ lama ma, anieofori ó ḅofa ịna asi mamgba na ḅụ sọ tẹ ọfịn so.

Ditẹrọnọmị 32:25

Etela-ogbo ḅụ okologie mẹ kịnị ḅaa ḅa tẹ kala-ḅio ḅụ tẹmẹ-naịn-naịn paka ḅa asawọ na iriawọ na fịị ḅa, ndo-ndoarị tụḅọ ḅe na, iḅulu sịḅị ḅụ ḅịyatẹ owiḅọ ḅe na sọ.

Ditẹrọnọmị 32:41

à nwanam-ma ḅịyarị ì okologie mẹ farị oḅuma, tẹ ị̀ ḅara ḅẹrẹkọn ọkị ọlọ-ọlọọ, arị ì ḍiki-ḅioḅẹlẹ-a apụ ma ḅụụ gbẹẹfị ḅii ḅa, tẹ inima tẹ ì ḍiki-ḅioḅuarị apụ ma mịẹ ye kẹ ịn gbẹẹ ḅa.

Ditẹrọnọmị 32:43

Ọmịnị ori atomi tokinii, yei opu asịẹ; gbala ori ori afịrịmẹnjịapụ ọmbie gbẹẹfị ḅiim, tẹ ò ḍiki-ḅioḅẹle-a apụ ma ọgọnọ gbẹẹfị ọkịm, tẹ ḅẹrẹ fama kẹ ori atomi ma ama pịrịm.

1 Timoti 5:22

Owima owima, ị́ aḅara kẹ gbọrụḅọ-sọ ọgọnọ gbana tẹ mḅọ wẹrị sikima KỊNỊNYANAḄỌ ḅe fịrị mẹ pịrị ma. Ja apụ asi ḅụ ḅara kẹ suu ma; ị́ ḅụụ wẹrị fịafịamaa.

Mịẹfinji 16:19

Opu ama mẹ tẹra kiri puum, tẹ tomikiri ḅẹ asịẹ ma ḅẹ opu ama mamgba fa famam. Tamụnọ opu Babịlọnị mẹ sọ kẹ ḅio kuromam, tẹ mịẹtẹ árị ọ̀ kọpụ mẹ ḅio sime iru mẹ ḅuum — anie ori opu ịganị iru mẹ.