Jerimaya 51:57 - FỊAFỊA BAỊBỤLỤ

⁵⁷ À mịẹ tẹ anị ḅẹ ḅẹrẹtọn-apụ iru ḅuu ḅa Ye-nimi atomi, sịḅịdapụ na ọmụapụ na. In mu mono tẹ ḅarị gbala-gbala saakị ḅịa. Yẹrị, amadaḅọ ḅe, ọkọ ḅẹẹm, Yẹrị, anie Kụrọmamgba nyana KỊNỊNYANAḄỌ ḅee.”

Jerimaya 51:57 Iomraidhean Croise

Ayịzaya 37:36

KỊNỊNYANAḄỌ ḅe gbọrụ enjẹlị nwẹnị Asiriya ḅẹ ọmụapụ ma sime yọ mẹ mu tẹ ọmụapụ ma ḅẹ kịnị tẹra puku fa suei na sọnọ ẹndẹ na ḅaa. Ene ḅaa sakị inimgba anịanga fịị sara wararị!

Ayịzaya 44:25

Ḅịrị-ẹrịapụ ma arị ịn kẹ oḅori apụ sọmarị tẹ lolia ḍiki apụ tọrọkọ paka ḅẹ tẹ ḍukoarị aị ma mịẹ tẹ arị gbarịarị. Ye-nimiapụ ma ẹkwẹn ma à ḍuko kan-siin-arị tẹ mịẹ tẹ kịnị ẹrịarị mịnẹ ịna nimi mẹ oḅori.

Ayịzaya 6:5

À ḅẹẹm, “Gbọrụ ḅiokpọ sọ ị̀ ḅụụ ofori! À fa tẹẹ. Àrị ẹkwẹn pakama-ḅoarị ẹkwẹn mamgba si-aị famam, tẹ si-aị si-aị ẹkwẹn-arị atomi ogboku mie à pịkị angarị ye. Tẹ anịsọ, à ḅarana ị̀ atọrụngbọ kẹ Amadaḅọ ḅe ẹrị tẹẹ, Kụrọmamgba nyana KỊNỊNYANAḄỌ ḅe!”

Jerimaya 13:13

Anịtẹso ḍuko ịn pịrị mịnẹ, yẹrị KỊNỊNYANAḄỌ ḅe, iru kẹ amakiri mẹ ḅẹ apụ ma pịrị gbasịma ḅẹ muarị, nwenii in ḅuu tọrụ-ḅaama ḅa; amadapụ ma, anie Devidi furo paka apụ ma, agbamịẹapụ ma, ịkịankoro apụ ma, na Jeruselemu ḅẹ apụ mamgba na.

Jerimaya 25:27

Anịtẹso KỊNỊNYANAḄỌ ḅe ị̀ ḅẹẹm, “ḍuko tomi ma pịrịị mịnẹ yẹrị Kụrọmamgba nyana KỊNỊNYANAḄỌ ḅe, Izirẹlịapụ tẹkẹarị Tamụnọ ḅe, tọn in pịrịarị ini iru mẹ ḅuu nwenii anị ịna tọrụ-ḅaa tẹ ini ọsụ nwenii in ḅịkị koro tẹ ḅarị inetẹ saakị-so, anie à kẹ in fịrịmarị okologie mẹ gotẹ.”

Jerimaya 46:18

Yẹrị, Kụrọmamgba nyana KỊNỊNYANAḄỌ ḅee, amadaḅọọ. Yẹrị anie Ḍumo wararị Tamụnọ ḅe. Tabọ Tụndụ gele fatẹ tụndụ ma saḅa ḅọrọ ḅara tẹ Kamẹlị Tụndụ mẹ sịẹ gele iwo abajị mẹ ḅọrọ ḅara, anị ḅara mie owu kẹ ị́ pakarị ḅọ ḅe kụrọ sime ḅarị ḅara.

Jerimaya 48:15

Mohabụ na anị ḅẹ opu ama ma na ini arị guluguluma tẹ; anị ḅẹ iḅitẹịn asawọ ma ịn ḅaa pẹị ḅẹ anama ḅaa ḅara kẹ ịn ḅaa tẹẹ. Yẹrị anie amadaḅọ ḅe, Kụrọmamgba nyana KỊNỊNYANAḄỌ ḅe, ọkọ ḅẹẹm.

Jerimaya 50:30

Mie ḅụ ịn Jeruselemu etela-ogbo ḅụ ịna asawọ ma ḅaa ḅa, ịna ọmụapụ mamgba ịn ḅaa guluguluma ḅa anị ene mẹ ḅụ. Yẹrị, KỊNỊNYANAḄỌ ḅe, ọkọ ḅẹẹm.

Jerimaya 51:39

Ini opu-pọkọḅẹngbọ sụam aro? Arị alalị fịye mịẹ ịn pịrị tẹ mịẹ tẹ ini iru ḅuu tẹ ḅioḅẹlẹ ḅa. In mu mono tẹ ḅarị gbala-gbala saakị ḅịa.

Izikẹlị 20:33

“Gbala-gbala piki-pikiye-ofori ḅara ḅụ, yẹrị Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe anie ḍumo wararị Tamụnọ ḅee ẹrẹsị, àrị ọmịna aḅeri nụnụarị mịnẹ ị̀ ịganị mie à kẹ ḅẹrẹtọn ọ́ pịrị ḅarịye kụrọ-ḅara ḅụ, ị̀ opu kụrọ mamgba ḅụ.

Nahọmụ 1:10

Jen-jen fịnama wararị anangị dọkị fa ḅara, ịn dọkị fa tẹ samụnọtẹ ịkpakụ dọkị fa ḅara.

Nahọmụ 3:18

Yei Asiriya ḅẹ amadaḅọ, ị́ anana-ḍikiḍikiapụ in monoarị; ị́ opu atomi ma sịngẹarị. Ị́ atomi tụndụ ma ọgọnọ ḅụ gala-gala wararị, ịn kobiri ḅẹ gbọrụḅọ-sọ ofori ḅara.

Malakayị 1:14

Wori-nume sime kịnị-inomaḅọ ḅe tẹ yela-a nama kẹ agbamịẹ-mịẹ ị̀ pịrịarị ḅọ mẹ pịrịị, ori anama ogbo ḅụ iḅi nama tẹ ò minini ị̀ pịrị ye mẹ emi ogbo! Yẹrị anie Opu Amadaḅọ, tẹ sịẹ-sịẹ ma ḅẹ atomi ma ì kụn-arị.”

Mịẹfinji 18:9

Tomikiri ḅẹ amadapụ ma, tẹ árị na sọ tẹ ama-mẹnjị eremịna si na ḅụụ ọlọ-ọlọ-a si mẹ na mịẹ apụ ma opu ama mẹ owu ḅa, ini opu ama mẹ dọkịma famarị orumo mẹ ḅẹ onwin mẹ ẹrị sakị.