Jerimaya 51:53 - FỊAFỊA BAỊBỤLỤ

⁵³ Babịlọnị nwẹnị So-tọrụ kpọlị mu ḅụ kụrọtẹ ama-ḍụayọ nama sọ, à paa kịnị fịrịma tẹ ini anị guluguluma ḅa. Yẹrị KỊNỊNYANAḄỌ ḅe, ọkọ ḅẹẹm.”

Jerimaya 51:53 Iomraidhean Croise

Suku-saakị 11:4

Anịtẹso ịn nwẹnị ḅẹẹ, “Ó ḅoo, yee wa gbọrụ opu ama nama wamịna-aḅụụ pịrị, na pịkị sịḅị mu so la tẹ gbọrụ kụrọtẹ gele-warị na, tẹ ẹrẹ nyana wamịna-aḅụụ pịrị, anieofori wa ḅofa bebe tomikiri tọrụ mẹ ḅụ gala-gala ọrụ-jụjụ da.”

Jobu 20:6

Ò gele mu So ma la, tẹ ọ̀ sịḅị mu So-tọrụ oḅuto akpo ma la sọ,

Ayịzaya 13:17

KỊNỊNYANAḄỌ ḅe ḅẹẹarị, “À Midi apụ jikema tẹ ini owu kẹ Babịlọnị paka ḅa. Ini ma in seleḅa kẹ gberie-sọ sịn-a, golu sọ ịna pọkọ sọlịma-a.

Ayịzaya 41:25

Ịrụa mẹ saakịarị pakịrị anga mẹ ḅụ à gbọrụ tomḅọ sẹlẹ pakama-ḅo tẹ; Arị ori ọkị-ḅo ḅa ọgọnọ-jụ mẹ ḅụ, tẹ ori owu paka ḅa. Ọ̀ ḅẹrẹtọn apụ nanga ḅọrọ ḅa, lịka ọkụ, aḅaịn-ḅẹlẹ tẹmẹḅọ ọgbọịn-lịka nanga ḅara kịka ḅara.

Ayịzaya 47:5

KỊNỊNYANAḄỌ ḅe Babịlọnị ḅẹẹarị: Gbọsime na kanakana na ḅio lẹgịị; ịn ḅarị jen sịẹ-sịẹ ma amada-ẹrẹḅọ kẹ ị́ sịn ḅịa!

Ayịzaya 47:7

Í kuromam ị́ amada-ẹrẹḅọ sọ gbamaso ḅa, tẹ mịna aị ma kẹ í ḅioḅẹngbọ suu wẹrị-a, anịanịa kuroma mịnẹ mie mẹmgba kuno ḅa.

Jerimaya 49:16

Ị́ ḅụụ-gelema mẹ oḅori kẹ ị́ sịn tẹẹ. Gbọrụḅọ sọ í ḍiki-ḅalafa-a, í kuroma mu laarị ịn mịẹarị ḅara. Ịkụ ọgọnọ-jụ ḅio mie ị́ angarị, gele-tụndụ mẹ ọgọnọ ḅụ, kụma karakaraye igo fiin gele mu la-la anga ḅụ ị́ angarị ḅẹsọ, KỊNỊNYANAḄỌ ḅe í ọkị-ḅo kiri lama ḅa. KỊNỊNYANAḄỌ ḅe ọkọ ḅẹẹm.”

Jerimaya 50:21

KỊNỊNYANAḄỌ ḅe mẹẹ, “Owu kẹ Merateyimu na Pẹkọdị na ḅẹ apụ pakaa. Ịn ḅaa gulugulumaa. À tọn ị̀ pịrịye pịrịye mịẹẹ. Yẹrị, KỊNỊNYANAḄỌ ḅe, ọkọ ḅẹẹm.

Jerimaya 50:25

Arị ì owuna-aị kẹ koko wẹrị yọ mẹ ḅẹ ḅọkọ mẹ à finjitẹ, tẹ àrị arị pakama ḅo tẹ ị̀ ịganị ḅụ, anie Yẹrị, Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe, Babịlonịya ḅụ kọrị ḅẹ ye emi ẹrẹsị.

Jerimaya 50:45

Mie ḅụ à tọn pẹlẹ tẹ kẹ Babịlọnị mịẹ ḅẹ-yearị ye pokii, à pịkị ḅiiarị à kẹ anị ḅẹ atomi ma mịẹ ḅẹ ye na. Ịna ḍọkọḍọkọ-awọmẹ kịngẹ sọ kịnị in fọnọ so ḅa, tẹ ọrụḅọ-ọrụḅọ sịḅị kanakana ḅa.

Jerimaya 51:11

KỊNỊNYANAḄỌ ḅe Midiya ḅẹ amadapụ ma jike-saakịma tẹẹ, ọ̀ tọn tẹ ọ̀ Babịlọnị guluguluma ḅẹ ẹrẹsị. Anị ḅara mie ọ̀ kẹ ini ọ̀ Tamụnọ-warị mẹ kan guluguluma ye mẹ ḅẹ gbẹẹfị ḅii ḅẹ ḅara. Owu mẹ pakarị ọmụ-alapụ ma tọn ọmụapụ ma pịrịarị, “Ọmịnị ọmịna aḍịẹịn ma farị oḅumaa! Ekpeke ma tẹlẹma wẹrịị.

Jerimaya 51:25

Babịlonịya, í tụndụ kịka tẹ bebe tomikiri mẹ gulugulumarị, kụma yẹrị, KỊNỊNYANAḄỌ ḅe, ị́ na fịya-a ḅọ sọ tẹẹ. À gịẹsịma í kuun-sịẹma tẹ ị́ ḅaa lẹsẹrẹma ḅa, tẹ ị́ wẹrịso tẹ ị́ fọọn sọ tẹ koro-sime ḅa.

Jerimaya 51:48

Kiri ọgọnọ na So-tọrụ na ḅụ sime-ye sime-ye oloku ḅa ḍereku ḅụ, Babịlonịya ḅịkị ọgọnọ-jụ ḅo anị fama ḅẹ apụ ma ḅara-ḅio sọ ḅarị sakị mẹ ḅụ.

Jerimaya 51:56

In ḅo Babịlọnị guluguluma ḅẹm; ini anị ḅẹ ọmụapụ ma kun tẹ, ịna iboli ma anyịma tẹ. Yẹrị anie fomu-ḅara kẹ siye pịrịarị Tamụnọ, tẹ à Babịlọnị gbẹẹ ḅara kẹ anị na mịẹ ḅa.

Jerimaya 51:58

Kụrọtẹ opu Babịlọnị onu ma, in sukuruma-gbin ḅa; tẹ anị ḅẹ sịẹ kperere-kperere wararị ogigo aḅọkọ ma dọkịma kiri pịrị ḅa. Tomikiri ḅẹ asịẹ ma mịẹarị aị mamgba papaa aị; ịn ḅụụ-kọsịtẹ kọrị aị ma dọkị faarị. “Yẹrị, Kụrọmamgba nyana KỊNỊNYANAḄỌ ḅe, ọkọ ḅẹẹm.”

Danẹlị 4:30

nwẹnị ḅẹẹ, “Ḍikii, Babịlọnị gburo-gburo la ḅara mẹ! Àrị anị namam, anị sịḅịda ama sọ kẹ ị̀ pịrị, tẹ ị̀ kụrọ na, ị̀ ịnyọ na, ì ebube na pịkị ì opu na ḍie pakama.”

Emọsị 9:2

In kiri soku tẹ ideri-mu ḍuḅu ḅio la sọ, àrị in kun ḅa. Ịn kpọlị iwo mu So la sọ, àrị ini ọkị ideri ḅo ḅa.

Emọsị 9:4

Ini na fịya-a apụ in kun so-so à tọn ịn pịrị tẹ ini ịn ḅaa ḅa. À tọn pẹlẹ tẹ àrị ịn ḅaa guluguluma ḅa, à ḅarasụa ịn pịrị ḅịa.”

Habakọkụ 2:9

Ị́ fa tẹẹ! Ị́ kụrọ-kụrọ ḅara kẹ ọkị aị ḅụ ị́ warị-suku kọnma tẹ, ị́ pịkị ḅụụ kụrọma tẹ mịẹ tẹ í sime yọ mẹ gberie-sọ anị la ḅịa ḅara sime tẹ!