Jerimaya 51:5 - FỊAFỊA BAỊBỤLỤ

⁵ Yẹrị, KỊNỊNYANA-TAMỤNỌ, Kụrọmamgba Nyanaḅọ ḅe, amụ àrị Izirẹlị na Juda na kẹ gbin-koroma so-a, karakaraye in si kẹ yẹrị Izirẹlị tẹkẹarị Fịafịa Ḅọ ḅe mịẹ tẹẹ sọ.

Jerimaya 51:5 Iomraidhean Croise

1 Amadapụ 6:13

Àrị ị̀ atomi Izirẹlịapụ ma ogboku anga ḅa mie ị́ namarị Tẹkẹ-warị mẹ ḅio, tẹ ḅarị jen-maaịn kẹ in koroma-so ḅịa.”

2 Amadapụ 21:16

Anie sikima, Manasẹ kpọma mịẹye-ofori apụ ḅaam Jeruselemu ḅụ, gbọrụ kunoma ḅụ saakị mu jen kunoma la; ò miemẹ mịẹm, ò Juda ḅẹ apụ toluma mu sunsin oru-afụḅara pịrị tẹ KỊNỊNYANAḄỌ ḅe ḍiki-tọrụ ḅụ siye mịẹ ye mẹ sikima.

Ẹzịra 9:9

Kẹ gotẹ ọkọ ḅẹẹarị, wamịnị anie omoniapụ; anịsọ wamịna Tamụnọ wamịna omoni kiri mẹ ḅio wa sịkị-a, kụma ò jike-a ḅẹlẹma mẹ sụụn ḅo Pasịya ḅẹ amadapụ ma tọrọkọ wa lamam, tẹ ịnyọ kẹ wa pịrị tẹ wa wamịna Tamụnọ warị mẹ nama, anị ḅẹ si anga ma tẹlẹma, tẹ Judiya na Jeruselemu na ḅụ ye ḅụụ la-a ḅara sime ḅẹ ḅara.

Devidi-Anume 94:14

KỊNỊNYANAḄỌ ḅe ori atomi kẹ gbin kuroma so ḅịa; sime ọ̀ pịrị apụ ma ori ịna ḅụ mangị-so ḅịa.

Ayịzaya 44:21

KỊNỊNYANAḄỌ ḅe mẹẹ, “Izirẹlị, miemẹ kẹ ḅiokoroma; ḅiokoroma mịnẹ ị̀ fịrịmẹnjịḅọọ. Arị ị́ tẹmẹm ị́ ị̀ fịrịmẹnjịḅọ sọọ, anị sakị gbala-gbala arị ị́ kẹ ḅioḅọrọ ḅịa.

Ayịzaya 51:15

Yẹrị anie KỊNỊNYANAḄỌ ị́ Tamụnọ ḅe; àrị abajị mẹ jikema tẹ anị ḅẹ ọnụngọ ma ḍụrụkụarị. Ị̀ ẹrẹ anie Kụrọmamgba nyana KỊNỊNYANAḄỌ!

Ayịzaya 62:12

Ịn kẹ ịn sịn ḅarị ye: “Tamụnọ Fịafịa Atomi, KỊNỊNYANAḄỌ Ḅe Ḅọrọma Tẹ Apụ.” Ịn kẹ Jeruselemu sịn ḅarị ye: “Ḍọkị Pakama-ḅotẹ Ama, Tamụnọ Sịkị-a Opu Ama Mẹ.”

Jerimaya 14:19

KỊNỊNYANAḄỌ, ị̀ gbọrsịḅị Juda sịkị tẹ? Ị́ Zayọnị ḅẹ apụ ma ḍiki-ḅioḅuarị? Tiye ẹrẹsị ị́ mị-ḅara kẹ ye kẹ wa lama, mịẹ tẹ wa inetẹ gwọ ḅịa ḅara? Wa tọrụ kẹ dein ḍikim, kụma gbọrụ iḅiye sọ paka-a, wa wa gwọ ḅẹ ḅiokpọ nyanam, kụma tẹmẹ-naịn-naịnmaye ẹrẹ mie ḅo ye.

Jerimaya 14:9

Tiye ẹrẹsị í ye bẹkẹ-ḅara-kẹ paka pịrị tomḅọ kịkarị, gbala ọmụḅọ tẹ ḅarị kẹ ḅarasụa ḅẹ kụrọ nyana-a ḅọ ọkụ? Piki-pikiye-ofori ḅara ḅụ, KỊNỊNYANAḄỌ, ị́ wamịnị na emi! Wamịnị ị́ atomii; wa kẹ gbin-koroma so ma.

Jerimaya 16:18

Àrị ịn mịẹ tẹ ịn maa kiri kẹ ịna si na si-sịḅịḅio na gbẹẹ ḅa, ịn fịtẹ tomḅọ oju akpakpa ḍumo nyana-a ḅara kẹ ḍumo nyana-a oru-afụḅara kẹ ị̀ amakiri mẹ pilema tẹ ẹrẹsị, tẹ ịn pịkị iruo atamụnọ kẹ anị ḅio ḅinma tẹ.”

Jerimaya 19:4

À gotẹ miemẹ mịẹ ḅẹ-yearị, ị̀ atomi ma ị̀ kẹ gbin koroma-so tẹ agba mịẹ-mịẹ oru-atamụnọ ma pịrị ḅụ mị yọ mẹ pilema tẹẹ — oru-atamụnọ ma tẹ ịna elemu aḍapụ-o, Juda ḅẹ amadapụ ma-o arị gboloma ye ḅụ ḅẹ gberie-sọ nimi-a aị ma. Ịn mịẹye-ofori apụ ọmbie kẹ mị yọ mẹ ḅinma tẹẹ,

Jerimaya 23:15

Mie ḅụ mie yẹrị Kụrọmamgba nyana KỊNỊNYANAḄỌ ḅe mẹẹ ye Jeruselemu ḅẹ ịkịankoroapụ ma gboloma ye ḅụ: À pilema-pilema kẹ ịn pịrị tokuru ḅa, tẹ kịnị-ḅaaḅa ye kẹ ịn pịrị ḅuu ḅa, ịn Tamụnọ nimi-a ḍumo kẹ bebe amakiri mẹ ikelema-koro tẹ ẹrẹsị.

Jerimaya 31:37

Gbọrụḅọ nwẹnị So-tọrụ mẹ ḅẹ finji mẹ tọn nimi tẹ kiri mẹ Suku-saakị mẹ ḍọkị ḅom ḅẹḅẹ anị sakị kịngẹ ẹrẹ mie arị Izirẹlị ḅẹ apụ ma sịkị ḅarịye ịn mịẹ tẹ aị mamgba gotẹ. KỊNỊNYANAḄỌ ḅe ọkọ ḅẹẹm.

Jerimaya 46:28

Àrị ọ́ ḍọkụma-ḅo tẹ ọ́ ḅọrọma ḅa. À sịẹ-sịẹ mamgba guluguluma ḅa, àrị ọ́ gala-gala mu tẹ ayọ ma, kụma ọmịnị rẹ arị ó guluguluma ḅịa. À fomu-ḅara kẹ ọ́ pịrị-a ḅara kẹ ọ́ wẹrịso tẹ ó so ḅịa, kụma àrị ó fomu ḅẹ sakị à fomu na-iḅi ḅara kẹ ó fomu ḅa. Yẹrị, KỊNỊNYANAḄỌ ḅe, ọkọ ḅẹẹm.

Jerimaya 50:20

Anị sakị mẹ ḅụ, Izirẹlị ḅụ si paka ḅịa, tẹ si-sịḅịḅio sọ paka ḅịa Juda ḅụ, kẹ gotẹ ọkọ ḍukoarị, à ḍumo fama-a so apụ ma si à wẹrịso ḅa. Yẹrị, KỊNỊNYANAḄỌ ḅe ọkọ ḅẹẹm.”

Jerimaya 51:19

Jekọbụ Tamụnọ ḅe ori ịn kịka-a; ori anie ye goyegoye mịẹ ḅọ ḅe, tẹ ori Izirẹlị sẹlẹ-ọkị tẹ ịn karakara mịẹ tẹ sime ọ́ pịrị apụ sọọ. Kụrọmamgba nyana KỊNỊNYANAḄỌ ḅe anie ori ẹrẹ.

Izikẹlị 8:17

KỊNỊNYANAḄỌ ḅe nwẹnị ị̀ ḅẹ, “Fịị-fịị tomḅọ, aniemẹ ị̀ kọkọ ẹrịarị? Mịna Juda ḅẹ apụ ma, mịanga ị́ ẹrị tẹ ịn mịẹarị sịḅị-ngụngụnma aị mamgba ngẹrị mịẹ mẹ ịna furo ḅin-a, arị na kụrọ-kụrọ amịẹaị tẹ bebe amakiri mẹ ḅụ ịn mịẹarị ma na. Ẹn-ẹn, ịn mịanga Tamụnọ-warị mẹ ḅio ḅụ sọ mịẹ-a so ḅịa, tẹ ị̀ mịẹ tẹ arị ịganị ḅaka ḅẹ ḅara. Ḍiki ini ị̀ ḅụụ si tẹịn ḅẹ ḅara kẹ ini inetẹ ḅẹ ḅara-ḅara kẹ ị̀ mịẹ-simarị ḅara!

Izikẹlị 9:9

Tamụnọ pakịrịm, “Izirẹlị na Juda na ḅẹ apụ ma ḅalafama asi mịẹ tẹ. Bebe amakiri mẹ ikelema-koro ḅụ ịn kịnị ḅaa si mịẹ tẹ, pịkị kịrị-kịrị si-amịẹaị kẹ Jeruselemu ḅinma tẹ. Ini mẹẹ, yẹrị KỊNỊNYANAḄỌ ḅe ịna bebe amakiri mẹ kẹ gbin-koroma-so tẹ ḅarị ini ẹrị-a.

Hosiya 1:10

Izirẹlịapụ ma ḅo tọrụ-kọngọ ḅẹ onwi na kịka ḅa, ịn ḅaka ḅarị ḅara kịẹnkịẹn-ọkụ-ofori ḅara anịanịa iku-la-ḅara tọn-ḍikiḍiki-a ḅara. Mịọkụ Tamụnọ ịn ḅẹẹm, “Ọmịnị ị̀ atomi-a,” kụma gbọrụ ene ḅụ ori ịn ḅẹẹ ḅa, “Ọmịnị ḍumo wararị Tamụnọ ḅe awọmẹ!”

Hosiya 2:1

Mie ḅụ ọmịnị ọmịna pembema Izirẹlịapụ ma sịịn, Ami na Ruhama na.

Hosiya 2:3

Á ḍụkụ-a ḅẹḅẹ, àrị á paụma fama tẹ árị ini árị iyi ene mẹ ḅụ á sime-ḅara sime ḅa. Àrị á mịẹ tẹ árị ịkpa kịka ḅa, tẹ á minji-pọkọtarị ḅụ fịị ḅa.

Hosiya 4:1

KỊNỊNYANAḄỌ ḅe kẹ amakiri mẹ ḅụ angarị apụ ma sịḅị sẹịn ḅẹ ḅẹrẹ nyana wararị. Izirẹlị, ọmịnị ò ḍukoarị ye pokii: “Amakiri mẹ ḅụ mininiye-mịẹ na ḅẹlẹma na ofori, tẹ tomi ma pịkị ị̀ kẹ ịna Tamụnọ ḅara ọkị-a.

Hosiya 4:2

In ye minini-minini tẹ in minini ḅara kan-arị; ini iruoarị, kịnị ḅaarị, furuarị, tẹ pịkị sẹfịarị. Si amịẹaị ḅaka-ḅaka-ḅakarị tẹ in tomi ḅaa-ḅaa sararị.

Mayịka 7:18

Yei KỊNỊNYANAḄỌ, ị́ kịka jen tamụnọ ofori; ị́ atomi ma ḅụ fịị-a tẹ ḍumo apụ ma, í si-wẹrịso ịn pịrị famam. Ị́ ịganị ḅụ sime gbamaso-a; kụma í jike-a ḅẹlẹma kẹ wa ḍie mẹ, ị́ ḅụụ-ḅẹlẹ ye sọm.

Mayịka 7:20

Ị́ wẹrịtẹ kẹ iḅere-iḅerea kụra-ḅio wamịna atẹngịapụ karịma ḅara, ị́ í minini na, jike-a ḅẹlẹma na nyana ị́ atomi, Ebira-amụ ḅụụ paka-ḅo apụ ma na, Jekọbụ ḅụụ paka-ḅo apụ ma na pịrị ḅa.

Zẹkaraya 12:6

“Anị ene mẹ ḅụ, à mịẹ tẹ Juda ḅẹ afuro-furo ma opu-piri ḅio anịanịa ḅịyatẹ mbịaka ḍụọ ḅio kọrịarị fịnị kịka ḅa, tẹ ini in gbori-ikelema wararị asịẹ mamgba guluguluma ḅa. Jeruselemu ḅẹ apụ ma ye ḅụụ la-a ḅara kẹ ịna opu ama ḅio anga ḅa.”

Zẹkaraya 12:8

Anị ene mẹ ḅụ, yẹrị KỊNỊNYANAḄỌ ḅe Jeruselemu ḅụ angarị apụ ma gbaịn ḅọrọma ḅa, ịna ogboku ịnyọ nyana-a tẹịn ḅọ kịngẹ sọ Devidi kụrọ ḅara kụrọ ḅa. Devidi furo-ḅẹ-apụ ma ịna tọrọkọ tarị ḅa, ì enjẹlị ọkụ, pịkị yẹrị ḅioju kịka ḅara.

Zẹkaraya 2:12

Jen gbọrụ sakị ḅụ Juda karakara ḅara kẹ sime KỊNỊNYANAḄỌ ḅe pịrị apụ sọ ḅa fịafịa amakiri mẹ ḅụ, tẹ Jeruselemu arịmgba ḅụ ori ḅẹlẹma tẹịn opu ama sọ ḅa.

1 Samụẹlị 12:22

Kẹ gotẹ ọkọ ḅẹẹarị, KỊNỊNYANAḄỌ ḅe ori atomi kẹ wakị-nguma ḅịa, ori opu ẹrẹ mẹ ẹrẹsị, anị gbala KỊNỊNYANAḄỌ ḅe ḅụụ-ḅẹlẹm ọ́ kẹ gbọrụ atomi mịẹ ọ̀ ḅụụ pịrị.