Jerimaya 51:41 - FỊAFỊA BAỊBỤLỤ

⁴¹ KỊNỊNYANAḄỌ ḅe Babịlọnị gboloma ye ḅụ ḅẹẹarị, “Bebe tomikiri mamgba tokiniarị opu ama mẹ ini anị ọkị tẹ ọmụ ḅụ! Ḍiki-tọrụ ḅụ Babịlọnị kpọma sịḅị-kanakanamaye sọ sịẹ-sịẹ ma pịrị tẹ ḅara ḍikii!

Jerimaya 51:41 Iomraidhean Croise

2 Paka-aị 7:21

“Anịsakị mị warị mẹ tẹ saakị geletẹ ye mẹ ḅụ mẹnjị-ḅọrọ ḅọ ḅọrọ ḅọ ḅụụ-bua tẹ ḅẹẹ ḅa, ‘Tiye gotẹ KỊNỊNYANAḄỌ ḅe mị ḅara kẹ mị ama mẹ na, mị warị mẹ na mịẹ?’

Ayịzaya 13:19

Babịlonịya anie amadapụ daarị anga mamgba ḅụ iḅi tẹịn anga; anị anie tomi ma kẹ ḅụụ-tọn-arị yọ mẹ. Kụma yẹrị, KỊNỊNYANAḄỌ ḅe, Babịlọnị sukuruma-gbin ḅa, à kẹ Sọdọmụ na Gomora na mịẹ ḅara mẹ!

Ayịzaya 14:4

Ò miemẹ mịẹarị sakị, ịn Babịlonịya ḅẹ amadaḅọ ḅe kombo tẹ ḅẹẹ ḅa: “Kụrọ-ḅara kẹ kịnị na mịẹarị amadaḅọ ḅe ḅịkị tẹẹ! Ọ̀ ḅarị jen kẹ gbọrụḅọ-sọ ponoma ḅịa.

Jerimaya 25:26

pịkị tomikiri mẹ ḅẹ ọgọnọ-jụ ḅẹ amadapụ mamgba, kpeki anga na sụma-jụ na simearị amadapụ mamgba, ọrụḅọ-ọrụḅọ tomikiri ḅụ amadapụ daarị ayọ mamgba. Inimgba ḅọrọ tẹso, Sisakị ḅe amadaḅọ sọ anị ḅuu ḅa.

Jerimaya 49:25

Ḅioḅẹlẹ ḅio sime-sime opuma mẹ kịnị anị koroma mangị fama tẹẹ.

Jerimaya 50:23

Babịlonịya amana kẹ bebe tomikiri mẹ ḅakụ kọsịmam, tẹ mịọkụ anị amana mẹ ini anị anyịma kọsịma tẹẹ! Tomikiri ḅẹ asịẹ mamgba sịḅị-kanakanam anị sịẹ mẹ ḅụ paka ye mẹ gotẹ.

Jerimaya 50:46

Babịlọnị ḅịkịarị sakị anị fie lama tẹ kiri mẹmgba jike ḅa, tẹ anị ḅẹ ḅalafa oloku mẹ osi asịẹ ma naa ḅa.”

Jerimaya 51:37

Anị sịẹ mẹ ḅẹ amakiri mẹ sara sọ tẹ, piri-ḅio-ḅẹ anama angarị anga sọ ḅa. Ḍiki-tọrụ ḅụ anị sịḅị-kụrụkụrụma ḅa. Gbọrụḅọ-sọ anị ḅio anga ḅịa, tẹ anị ẹrị apụ mamgba tẹmẹ-naịn-naịn ḅa.

Izikẹlị 27:35

Tọrụ-akaka angarị ḅọ goḅọ-goḅọ ḅụụ-gbiripu tẹ ị́ ḅụ paka ye mẹ gotẹ. Ịna amadapụ ma kịngẹ sọ tẹmẹ-naịn-naịntẹ ḅalafa ịna fụḅara-ḅọkọ kẹẹ tẹ.

Danẹlị 2:38

Ori ị́ kẹ tomikiri angarị apụ mamgba ḅẹrẹtọnḅọ mịẹ tẹẹ, pịkị nama na feni na amẹẹ mamgba ḅẹrẹtọnḅọ naa. Ị́yẹrị anie golu sịḅị mẹẹ.

Danẹlị 4:22

“Gburo-gburo Opuḅọ, ị́yẹrị anie sịn mẹẹ, anie gele-fa tẹ pịkị kụrọ wararị sịn mẹ. Ị́ ḍụḅa ḅụra tẹ So la tẹẹ, ị́ kụrọ pịkị tomikiri-ngisịẹ mẹ kana tẹẹ.

Danẹlị 4:30

nwẹnị ḅẹẹ, “Ḍikii, Babịlọnị gburo-gburo la ḅara mẹ! Àrị anị namam, anị sịḅịda ama sọ kẹ ị̀ pịrị, tẹ ị̀ kụrọ na, ị̀ ịnyọ na, ì ebube na pịkị ì opu na ḍie pakama.”

Ditẹrọnọmị 28:37

Anịsakị KỊNỊNYANAḄỌ ḅe etela kẹ ó ḍie sọ mu ḅarị anga ḅụ ó ḅo tọrụsiẹrị apụ na, kẹ egberi gbaa ḅẹrẹ ḍuko apụ na, gbaịma ẹkwẹn kọn pịrị apụ na, sọ ḅa tomi-kụlọkụlọ mamgba ogboku ḅụ.