Jerimaya 51:18 - FỊAFỊA BAỊBỤLỤ

¹⁸ Arị yela-a tẹ kịnị pịkị arị ḍiki-simarị; KỊNỊNYANAḄỌ ḅe ini na mịẹ ḅẹ sakị in gulugulu ḅa.

Jerimaya 51:18 Iomraidhean Croise

Paka-so 12:12

“Kẹ gotẹ ọkọ ḅẹẹarị, anị ḍin mẹ ḅụ arị Ijiputi ama mẹ mẹnjị-toluḅọrọ ḅa, tẹ Ijiputi ama mẹ ḅio tomi-o, nama-o, tarị iyi awọmẹ mamgba à ḅaa fama ḅa, anịsakị arị ị̀ ḅẹrẹkọn mịẹ-pakama ḅa Ijiputi ḅẹ oru-atamụnọ mamgba ọgọnọ ḅụ. Yẹrị anie KỊNỊNYANAḄỌ ḅee.

Ayịzaya 19:1

Mie Ijiputi gboloma oku mẹ. KỊNỊNYANAḄỌ ḅe Ijiputi ḅoarị, oḅuto ọgọnọ mie ọ̀ dọkụ ma-ḅoarị sarasara ḅara ḅụ. Ijiputi oru-afụḅara ma oju-sẹkịarị ọ́ tọrọkọ, tẹ Ijiputi-ḅẹ-apụ ma ḅarị ḅiokpọ nyana-a.

Ayịzaya 2:18

tẹ oru-afụḅara mamgba kịnị ḅarị arị ẹrị ḅịa.

Ayịzaya 46:1

Mie Babịlọnị ḅẹ oru-atamụnọ ma kunoma mẹ! Gbọrụ sakị ḅụ in sunsin Bẹlị na Nebo na pịrị simem, kụma ini arị tan yedogi-anama ọgọnọ gbanatẹ, arị nwẹnị iku dogiye sọ ịnyọ-pọkọta tẹ anama ma pịrịarị.

Ayịzaya 57:12

Ó kuromarị ọ́ mịẹarị aị ma kura-aị, kụma à mịẹ tẹ kịnị ọmịna ye-mịẹ-ḅara mẹ nimi ḅa, anịsakị ọmịna oru-afụḅara ma inetẹ ḅarasụa ọ́ pịrị ḅịa.

Jerimaya 10:11

(Ọmịnị tomi, ó ḍuko ịn pịrị nyanam, mịnẹ tomikiri mẹ na So-tọrụ mẹ na tẹmẹ-a atamụnọ ma ini arị guluguluma ḅa. Ịn ḅarị jen kẹ tomikiri mẹ ḅẹ gbọrụ pakịrị anga ḅụ sọ sime ḅịa.)

Jerimaya 10:14

Miemẹ ẹrị atomi oḅori ḅara na nuaa ḅara na sime ḅa; oru-afụḅara kịrarị apụ ma ḅo arị papaa aị ḅara lekiri ḅa, tamụnọ nwẹn ḅẹẹ aị ma iruo aị, tẹ in ḍumo nyana-a ẹrẹsị.

Jerimaya 10:15

In kẹ mịẹ-mịẹ ye ofori, tẹ kịnị in ḍiki iderima ḅa; KỊNỊNYANAḄỌ ḅe ḅo ọ̀ kẹ ịn mịẹ ḅẹ ye kẹ ịn mịẹ sakị in gulugulu ḅa

Jerimaya 10:8

Inimgba oḅori atomi famam. Sịn kẹ kara oru-afụḅara ḅụ ịn ḍawọ ḅo ḅẹ ye tiye?

Jerimaya 18:15

Anịsọ ị̀ atomi ị̀ kẹ ḅioḅọrọma tẹẹ; ịn kụnụaị dọkịma-dọkịma oru-afụḅara pịrịarị. Ịn mẹnjị ḅii etela mẹ ḅụ ịn pụmbụ tẹ; elemu etela ma ḅụ ịn ḅarị mẹnjị-a; elekima ofori mẹnjị-ḅọrọ-anga ma mie ịn mẹnjịarị.

Jerimaya 46:25

Kụrọmamgba nyana KỊNỊNYANAḄỌ ḅe, Izirẹlịapụ tẹkẹarị Tamụnọ ḅe, ḍukoarị, “À fomu-ḅara kẹ Amọnị pịrị ḅẹ-yearị, Tibesi tamụnọ ḅe, Ijiputi na anị ḅẹ atamụnọ ma na amadapụ ma na kẹ sụa. Àrị Ijiputi ḅẹ amadaḅọ ḅe na ọ̀ kẹ ḅiokpọmarị apụ mamgba na ọkị

Jerimaya 48:7

“Mohabụ, ị́ ị́ ịnyọ na ị́ nyana sara aị na kẹ ḅiokpọmam, kụma mịọkụ í ḅioju sọ ini ị́ nẹngịma ḅa; ị́ tamụnọ Kẹmosi ḅe ini ori ọkị so ḅa, ini ori amadapụ awọmẹ na agbamịẹapụ na ọkị so ḅarị sakị mẹ ḅụ.

Jerimaya 50:2

Oku mẹ ḍuko sịẹ-sịẹ ma pịrịị; anị ḍuko wasamaa! elekima pịrị tẹ kịnị mamgba naa ḅẹ ḅara kẹ oku mẹ ḍukoo! Anị kẹ ḅọị ma! Babịlọnị ḅịkị tẹẹ! Árị ẹkẹkẹ-tamụnọ Madọkụ ḅe ini ò puu kọsịma tẹẹ! Babịlọnị ḅẹ oru-afụḅara ma ḅụụ-jịrị tẹẹ. Á sịḅị-ngụngụnma ḍụẹịn-afụḅara ma kaan-sara tẹẹ!

Izikẹlị 6:6

Izirẹlị ḅẹ opu ama mamgba in guluguluma ḅa, mịẹ tẹ ịna agbamịẹ-anga mamgba na ịna oru-afụḅara ma na kọsị-sara ḅarị ḅara, ini ịna kụnụaị-dọkịma-ayọ à sima fama ḅa, tẹ mịẹ ye goyegoye kịnị ḅarị ẹrị ḅịa.

Jona 2:8

Sunsin gberie-sọ ḅụ ofori oru-afụḅara pịrịarị apụ ma ini ị́ sịkị tẹẹ, ị́yẹrị ọkụrụkụrụ nyana in pịrị ḅọ ḅe.

Zẹfanaya 2:11

KỊNỊNYANAḄỌ ḅe ịna tẹmẹ-naịn-naịnma ḅa. Ò tomikiri ḅẹ atamụnọ ma iderima-ḅo papaa aị sọ ḅa, anị tẹso, sịẹ goyegoye sunsin ọ̀ pịrị ḅa, ọrụ-na-ọrụ-na amịna amakiri ḅụ.

Fịrịmẹnjịapụ 14:15

“Ó tiegotẹ nwẹn sime ye mịẹarị? Wamịnị kọkọ ọmịna pembema tomi! Wa gotẹ mịanga ḅo ye Iḅi Oku mẹ ḍuko ọ́ pịrị tẹ ọ́ mịna papaa aị ma ḅụ pịkị ḍumo wararị tẹ So na Kiri na, tọrụ na, arị ḅio sime aị mamgba tẹmẹ Tamụnọ ḅe da ḅẹ ḅara.