Jerimaya 51:16 - FỊAFỊA BAỊBỤLỤ

¹⁶ Ori tọn tẹ So-tọrụ ḅẹ minji mẹ ḍụrụkụm; kiri mẹ ḅẹ ịkọlị ma ḅụ mie ori oḅuto ọkị-ḅoarị. Eene koroarị sakị ọ̀ mịẹ tẹ so-ḅalapụarị tẹ ọ̀ fẹrụ koko anga ḅụ anị fịrịma pakamarị.

Jerimaya 51:16 Iomraidhean Croise

Suku-saakị 8:1

Kụma Tamụnọ Noha na, piri-ḅio-ḅẹ anama mamgba na, opu anama mamgba na tẹ ori na opu arụ mẹ ḅio sime aị ma kẹ ḅiokoromam. Tẹ Tamụnọ mịẹtẹ fẹrụ tomikiri mẹ ḅụ fiem, tẹ minji mẹ saakị ọmọ iderim;

Jobu 37:13

Ọ̀ ḅọrọ datụkụma, anịanịa ori ama, anịanịa ḅẹlẹma gotẹ ọ̀ mịẹ tẹ anị paka ḅoto.

Jobu 38:22

Eene mgbọlị koko awarị ma ḅio ị́ sọ-mu tẹ, anịanịa so ḍụḅarị koko awarị ma ị́ ẹrị tẹ,

Jobu 40:9

Ị́ Tamụnọ ḅara-kọngọ pembe ḅara-kọngọ nyana? Ị́ pọkọ inetẹ ọ̀ pọkọ so-alagba tẹịn-arị ḅara tẹịn ḅẹ?

Devidi-Anume 104:7

Í minji ma ḍiki-ịganị sakị, arị ọḅụ-na-isemam, ini í oloku pọkọ kẹ tọn ye mẹ naa sakị, ịn mangị faam.

Devidi-Anume 135:7

Tomikiri ḅe akunoma ma ḅụ mie ori erise oḅuto ma ọkị-ḅoarị; ọ̀ mịẹ tẹ so-ḅalapụ tẹ erise fiearị, tẹ nwẹnị ọ̀ fẹrụ mẹ pakama ḅoarị ori anị koko wẹrị yọ ḅụ.

Devidi-Anume 147:18

Anịtẹso ọ̀ tọn tẹ kpootẹ minji mẹ sanịarị; ọ̀ fẹrụ fịrịma tẹ mịẹ tẹ minji mẹ mẹnjịarị.

Devidi-Anume 18:13

Anịtẹso KỊNỊNYANAḄỌ ḅe so-alagba tẹịnm; tẹ tomi nwẹnị Gele Tẹịnḅọ ḅe pọkọ naa.

Devidi-Anume 46:6

Ama sịẹ-sịẹ ma tẹmẹ-naịn-naịn tẹẹ, amadapụ ma daarị anga ma jike tẹẹ; Tamụnọ so-alagba tẹịn-arị, tẹ kiri mẹ mẹnịma-faarị.

Devidi-Anume 68:33

ó su So-tọrụ mẹnjịarị ḅọ ḅe bomaa elemu sakị kụra-ḅio emi So-tọrụ mẹ. Ọmịnị ori opu ma oloku tẹ fiearị ye mẹ pokii.

Devidi-Anume 78:26

Ọ̀ pịkị mịẹ tẹ ịrụa sakị paka-ḅoarị anga mẹ ḅụ fẹrụ fiem, tẹ ọ̀ kụrọ ḅụ ọ̀ pịkị abajị fẹrụ fiemam;

Paka-so 10:13

Mie ḅụ Mozizi ori mkpara sụn-pakama Ijiputi ama mẹ dam, tẹ KỊNỊNYANAḄỌ ḅe nwẹnị ịrụa-saakịarị-anga mẹ ḅụ kụrọ fẹrụ ọkị-ḅo ama mẹ pịrị tẹ bebe anị eneḅaka mẹmgba na, anị ḍin mẹmgba na anị fiem; tẹ anị ḅo dede-ḅio la sakị ịrụa-saakịarị-anga mẹ ḅẹ kụrọ fẹrụ mẹ igurube ma tan ḅo tẹ.

Paka-so 10:19

Tẹ KỊNỊNYANAḄỌ ḅe nwẹnị fẹrụ mẹ da pịkị ịrụa-ideriarị-anga ḅẹ kụrọ lamatẹ fẹrụ mịẹ, aniemẹ tẹ igurube ma tan saakị tẹ ịn dee mu Awụ Tọrụ mẹ ḅio sara ye mẹ; Ijiputi opu sịẹ mẹmgba ḅụ paa igurube gbọrụmgbọ kirikọn gbọrụ anga sọ ofori.

Paka-so 14:21

Anịtẹso Mozizi ọ̀ ḅara sụn-pakama tọrụ mẹ dam tẹ KỊNỊNYANAḄỌ ḅe nwẹnị ịrụa-saakịarị-anga anga ḅụ kụrọ fẹrụ fiema ḅo tọrụ mẹ sukuruma ọḅụ da bebe ḍin mẹmgba ḅụ, tẹ mịẹtẹ minji mẹ ḍiema, tẹ tọrụ mẹ nwẹnị samụnọ ḅọ kpongbo-kiri mịẹ.

Izikẹlị 10:5

Nama ma apamba ma fie ye mẹ ogigo mẹ paka ḅụ sọ kịnị naam. Anị nwẹnị Kụrọmamgba nyana Tamụnọ ḅe pọkọ fie ḅara fie.

Emọsị 9:7

KỊNỊNYANAḄỌ ḅe ḅẹẹarị, “Izirẹlị ḅẹ apụ, arị ọ́ kẹ ḅiokoromarị gbọrụ ḅara mẹ mie à kẹ Sudanị kẹ ḅiokoromarị. Yẹrị anie Filisiteni ma ọkị-ḅo yee, Kiriti ḅụ pịkị Siriya ḅẹ apụ ma Kiri ḅụ, àrị Ijiputi ḅụ ọmịnị ọkị-ḅo gbọrụ ḅara mẹ.

Jona 1:4

Kụma KỊNỊNYANAḄỌ ḅe kụrọ fẹrụ kẹ tọrụ mẹ fịrịmam, tẹ erise mẹ kpọma kụrọ tẹ arụ mẹ puu ḅẹ ḅara simem.

Jona 4:8

Ịrụa mẹ saakị paka-ḅo tẹso, Tamụnọ anị saakị pakịrị mẹ ḅụ ọfịrịarị fẹrụ kẹ nwẹnị fịrịma, tẹ kẹlẹ kọnm Jona ịrụa mẹ ọ̀ sịḅị fọị ye ḅụ ḅọrọ tẹ naịn-ḅọrọ tẹ. Mie ḅụ ò ḅiim mimgbe ọ̀ fịị tẹ. Ori mẹẹ, “À fịị ḅọrọ so iḅi à ḍumo wararị mẹ nẹngị lamam.”