Jerimaya 51:12 - FỊAFỊA BAỊBỤLỤ

¹² In kẹ owu kẹ Babịlọnị onu ma paka ḅẹ elekima kẹ ịn ḍiee. Ama-koru anga mẹ mịẹ kụrọmaa! Anga-anga ḅụ, ye-yọ mẹ ḍikiḍiki ḅẹ ọmụapụ koromaa. Pịkị owiapụ kẹ ḅọị ini ọmụapụ ẹbị!” KỊNỊNYANAḄỌ ḅe ḍukom ọ̀ kẹ Babịlonịya mịẹ ḅẹ ye mẹ ọ̀ mịẹ tẹ.

Jerimaya 51:12 Iomraidhean Croise

Egberima-Ẹkwẹn 21:30

Tomina nimi-o, sarasarama ḍawọ ye ḍin-o, ye ḅio sime-ḅara lekiri-o — ma ma arị ḅarasụa ị́ pịrị ḅịa; KỊNỊNYANAḄỌ ḅe ị́ na ofori ḅẹḅẹ.

Ayịzaya 11:12

Kẹ tomikiri ḅẹ asịẹ ma ḍie mịnẹ, ò siin ori atomi ma kobiri gboloma ḅo ḅa ḅẹ ye ḅụ, KỊNỊNYANAḄỌ ḅe arụ pike ḅịtẹ pike gelema ḅa, tẹ Izirẹlị na Juda na ḅụ gala-gala atomi ma, tomikiri ḅẹ ini ịkọlị ma ḅụ, ini ọkị pịkị ḅoarị.

Ayịzaya 13:2

Gbọrụ sịn sọ ofori tụndụ ọgọnọ ḅụ arụ pike ḅịtẹ mẹ pikee! Oloku ọmụapụ ma pịrị, tẹ ḅara-kọngọ saakị gelema tẹ kẹ in ḍie mịnẹ ini owu kẹ ḅụụ-gelemarị opu ama mẹ paka onu aḅọkọ ma ḅụ.

Jerimaya 23:20

tẹ anị fie pẹlẹ ḅịa nwenii ò ḅiotọn-arị ọ̀ mịẹ ḅa nwẹn ḅẹẹ ye goyegoye mịẹ fama ḅa. Ḅo ḅarị ene ma ḅụ ori atomi giregire ḅara kẹ miemẹ fiearị ye naa ḅa.”

Jerimaya 4:28

Kiri mẹ kururu ḅa, So-tọrụ mẹ ḅo kanakana ḅa, KỊNỊNYANAḄỌ ḅe ọkọ ḅẹẹm, ori ò kuroma ḍima ḅịa. Ọ̀ tọn pẹlẹ tẹẹ, Ọ̀ ḅarị ọḅụ ḍiki ḅịa.

Jerimaya 50:2

Oku mẹ ḍuko sịẹ-sịẹ ma pịrịị; anị ḍuko wasamaa! elekima pịrị tẹ kịnị mamgba naa ḅẹ ḅara kẹ oku mẹ ḍukoo! Anị kẹ ḅọị ma! Babịlọnị ḅịkị tẹẹ! Árị ẹkẹkẹ-tamụnọ Madọkụ ḅe ini ò puu kọsịma tẹẹ! Babịlọnị ḅẹ oru-afụḅara ma ḅụụ-jịrị tẹẹ. Á sịḅị-ngụngụnma ḍụẹịn-afụḅara ma kaan-sara tẹẹ!

Jerimaya 50:25

Arị ì owuna-aị kẹ koko wẹrị yọ mẹ ḅẹ ḅọkọ mẹ à finjitẹ, tẹ àrị arị pakama ḅo tẹ ị̀ ịganị ḅụ, anie Yẹrị, Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe, Babịlonịya ḅụ kọrị ḅẹ ye emi ẹrẹsị.

Jerimaya 51:11

KỊNỊNYANAḄỌ ḅe Midiya ḅẹ amadapụ ma jike-saakịma tẹẹ, ọ̀ tọn tẹ ọ̀ Babịlọnị guluguluma ḅẹ ẹrẹsị. Anị ḅara mie ọ̀ kẹ ini ọ̀ Tamụnọ-warị mẹ kan guluguluma ye mẹ ḅẹ gbẹẹfị ḅii ḅẹ ḅara. Owu mẹ pakarị ọmụ-alapụ ma tọn ọmụapụ ma pịrịarị, “Ọmịnị ọmịna aḍịẹịn ma farị oḅumaa! Ekpeke ma tẹlẹma wẹrịị.

Jerimaya 51:27

“Kẹ ọmụ mẹ saakị ḅẹ elekima mẹ pịrịị! Ọdụ ofuroo, mịẹ tẹ sịẹ-sịẹ ma inetẹ naa ḅẹ ḅara. Sịẹ-sịẹ ma tẹlẹma ọmụ kẹ Babịlonịya paka pịrịị! Ḍuko amadapụ daarị ayọ ma pịrị — Araratị, Mini, na Asịkẹnazị na pịrị mịnẹ ini ọmụ saakịị. Ọmụ-alaḅọ tọn ori ọmụ mẹ sịḅịda tẹ saakịị. Asụ ma ọkị-ḅoo, igurube ḅaka ḅara ḅaka wararị aị ma.

Jerimaya 51:29

Kiri mẹ sẹkị-sẹkị tẹ jikearị, KỊNỊNYANAḄỌ ḅe tọnm ọ̀ kẹ Babịlonịya mịẹ tẹ anị ịkpa sọ ḅa ḅẹ ye mẹ mịẹarị ẹrẹsị, gbọrụḅọ-sọ anga-a yọ.

Kururu Owu-apọkọ 2:17

KỊNỊNYANAḄỌ ḅe ọ̀ mịẹ ḅẹ tọn ye mẹ mịẹ tẹẹ, ori ẹrẹma ye mẹ ọ̀ mịẹ tẹ; ọ̀ wẹrịtẹ ala tẹ sakị ḅụ tọn kuroma ḅara, ori ọkụrụkụrụ nyana-a ḅara kẹ kan-sara tẹ; ọ̀ mịẹ tẹ kịnị-na-fịya-a ḅọ ḅe í gotẹ ḍerekum, tẹ ị́ ọmụḅọ ḅe kụrọ saakị-gelemam.

Jowẹlị 3:2

À sịẹ-sịẹ mamgba kobiri tẹ ịn kẹ ‘KỊNỊNYANAḄỌ Ḅe Ḅẹrẹkọn-arị’ sịn tụndụ-suku mẹ ḅo ḅa. Anị anga ḅụ àrị ịn kọn ḅa, ịn kẹ ị̀ atomi mịẹ aị mamgba gotẹ. Ini Izirẹlịapụ ma gala-galama tẹẹ, kịnị tọrụ nimi-a asịẹ ḅụ tẹ ị̀ amakiri, Izirẹlị mẹ kẹ pakịrị-pakịrị ḍiya tẹẹ.

Nahọmụ 2:1

Kaan gala-gala tẹ ḅaa guluguluma mẹ, ḅo ị́ da-paka tẹẹ. Owiapụ kẹ nama amẹẹ kikimarị finjimatẹ onu ma ọgọnọ kụrọmaa; opu etela mẹ ḅii; ḅiri-ponoye kẹ ị́ aḅiri ponoo ị́ ịnyọ mẹmgba kobiri ḅo gbolomaa.

Jọsụwa 8:14

Ayị ḅẹ amadaḅọ miemẹ ẹrị tẹso, ori na, ori atomi mamgba na anie opu ama mẹ ḅẹ owiapụ ma, nwẹnị fọnya mịẹ tẹ ḅaaso ḅio tuuideri ịkpa ḅio ḅẹ ele mẹ da-mu anga mẹ ḅụ owu ḅụ Izirẹlị na bịama ḅẹ mu; kụma ò nimi-a mịnẹ kịnị opu ama mẹ ọḅụjụ ḅọị sime tẹ owu kẹ ọ̀ paka ḅẹ ẹbịarị.