Jerimaya 51:11 - FỊAFỊA BAỊBỤLỤ

¹¹ KỊNỊNYANAḄỌ ḅe Midiya ḅẹ amadapụ ma jike-saakịma tẹẹ, ọ̀ tọn tẹ ọ̀ Babịlọnị guluguluma ḅẹ ẹrẹsị. Anị ḅara mie ọ̀ kẹ ini ọ̀ Tamụnọ-warị mẹ kan guluguluma ye mẹ ḅẹ gbẹẹfị ḅii ḅẹ ḅara. Owu mẹ pakarị ọmụ-alapụ ma tọn ọmụapụ ma pịrịarị, “Ọmịnị ọmịna aḍịẹịn ma farị oḅumaa! Ekpeke ma tẹlẹma wẹrịị.

Jerimaya 51:11 Iomraidhean Croise

1 Amadapụ 11:14

Ọkọẹrẹsị KỊNỊNYANAḄỌ ḅe nwẹnị mịẹtẹ Ẹdadị, Idọmụ ḅụ amada-furo ḅẹ ḅo ḅe nwẹnị Sọlọmọnị si anga ḅụ sịẹ.

1 Amadapụ 11:23

Tamụnọ nwẹnị pịkị Rezọnị, Ẹlịyada tụḅọ ḅe mịẹtẹ ọ̀ Sọlọmọnị si anga ḅụ sịẹ. Rezọnị ḅe anie ọ̀ sịḅịdaḅọ Zoba ḅẹ amadaḅọ Adadeza ḅara ḅụ mangị-so ḅọ,

1 Paka-aị 5:26

Anieḅụ Izirẹlịapụ tẹkẹarị Tamụnọ ḅe nwẹnị Pulu (ò jen ẹrẹ Tigilati-pilesa) Asiriya ḅẹ amadaḅọ ḅe tẹmẹ sịn-saakịma tẹ ọ̀ nwẹnị Rubẹnị na, Gadi na ḅụụ paka-ḅo apụ ma na, Manasẹ furo mẹ kẹ maa anga ḍiya ḅẹ gbọrụ pakịrị mẹ na dogi-so, tẹ ịn kẹ ḅo Hala na, Habọ na, Hara na, Gozanị Tọrụ akaka na ḅụụ koroma ḅo mịmgba lam.

2 Paka-aị 36:22

Sayịrọsị Pasịya ḅẹ amadaḅọ ḅe tarị kụra ḅụ, mịẹ tẹ KỊNỊNYANAḄỌ ḅe ẹkwẹn-ḅịḅị mẹ tẹ Jerimaya ḅịḅị ḅụ kọọn ye mẹ paka ḅarị ḅara, KỊNỊNYANAḄỌ ḅe nwẹnị Sayịrọsị Pasịya ḅẹ amadaḅọ ḅe tẹmẹ sịn-saakịma tẹ ọ̀ nwẹnị ḍuko wasa ori ama-da kiri mẹmgba ikelema-koro, pịkị anị kẹ ḍiri sọ kẹẹ:

Ẹzịra 1:1

Sayịrọsị Pasịya ḅẹ amadaḅọ ḅe tarị kụra ḅụ, mịẹtẹ KỊNỊNYANAḄỌ ḅe ẹkwẹn-ḅịḅị mẹ tẹ Jerimaya ḅịḅị ḅụ kọn ye mẹ paka ḅarị ḅara, KỊNỊNYANAḄỌ ḅe nwẹnị Sayịrọsị Pasịya ḅẹ amadaḅọ ḅe tẹmẹ sịn saakị, tẹ ọ̀ nwẹnị ḍuko wasa ori ama-da kụrọ mẹmgba ikelema-koro, pịkị anị kẹ ḍiri sọ kẹẹ.

Ayịzaya 10:26

Yẹrị, Kụrọmamgba nyana KỊNỊNYANAḄỌ ḅe ì fomuye kẹ in fomu ḅa, anie Orẹbụ Ịkụ mẹ akaka ḅụ à kẹ Midiya ḅẹ apụ fomu-ḅara mẹ. Arị Asiriya fomu ḅa, à kẹ Ijiputi fomu-ḅara mẹ.

Ayịzaya 21:2

À kụrọ-kụrọ mịẹ-aị mịẹ ḅẹ ịkịan ẹrị tẹ, jụmọ-jụmọ kẹ dẹrịma na ḅaa-guluguluma na. Ẹlamụ ọmụ-ogbo ọmụ saakị tẹ! Midiya ọmụ-ogbo ama ma gbori tẹ ḅụụ kikima tẹ ẹbịarị! Tamụnọ ḅe Babịlọnị dogi-ḅo tẹ tọrụsiẹrị mẹ kunoma ḅẹ tẹ.

Ayịzaya 21:5

Ịkịan mẹ ḅụ arị ẹrịarị alalị fịye dẹẹ wararị. Rọgụ bịlangịdị mie ịn kẹ alalị fịye mẹ fị ḅẹ ḅo apụ lẹgị anga ma dẹẹ wararị. Ịn fị-na-ḅuu-naarị. Ḅiotọntọn-a oloku pọkọ tọn-arị, “Ọmụ-alapụ! Ọmịnị ọmịna ekpeke ma tẹlẹmaa!”

Ayịzaya 41:25

Ịrụa mẹ saakịarị pakịrị anga mẹ ḅụ à gbọrụ tomḅọ sẹlẹ pakama-ḅo tẹ; Arị ori ọkị-ḅo ḅa ọgọnọ-jụ mẹ ḅụ, tẹ ori owu paka ḅa. Ọ̀ ḅẹrẹtọn apụ nanga ḅọrọ ḅa, lịka ọkụ, aḅaịn-ḅẹlẹ tẹmẹḅọ ọgbọịn-lịka nanga ḅara kịka ḅara.

Ayịzaya 45:1

KỊNỊNYANAḄỌ ḅe Sayịrọsị sẹlẹ pakama-ḅo tẹẹ, ori ama-daa! Ori ọ̀ tọn tẹ ọ̀ sịẹ-sịẹ ma nẹngịma ḅa; ori ọ̀ kẹ fịrịmarị, ò mu amadapụ kụrọ siin ịna aḅara; KỊNỊNYANAḄỌ ḅe opu ama ma ḅẹ ogigo aḅọkọ ma finji ọ̀ pịrị ḅa. KỊNỊNYANAḄỌ Sayịrọsị ḅẹẹarị:

Ayịzaya 45:5

Yẹrị anie KỊNỊNYANAḄỌ ḅee, jen tamụnọ ofori. Àrị ị́ nyana na-iḅi ịnyọ kẹ ị́ pịrị ḅa, karakaraye ị́ ì nimi-a sọ.

Ayịzaya 46:11

Arị ịrụa mẹ saakịarị pakịrị anga mẹ ḅụ gbọrụ tomḅọ sịn-arị ò ḅoo; ori ekule kịka tẹ fiin ḅo jịasịma sịẹ tẹ yẹrị tọn wẹrịtẹ ye mẹ mịẹ ḅa. À ḍuko tẹẹ, anị mịẹ ḅa.

Jerimaya 25:25

Zimiri na, Ẹlamụ na, Midiya na ḅẹ amadapụ mamgba;

Jerimaya 46:3

Ijiputi ḅẹ ọmụ-alapụ ma olokuarị: Ọmịnị ọmịna ekpeke ma ọlọ wẹrị tẹ mẹnjị ọmụ ḅio sọọ!

Jerimaya 46:4

Ọmịnị ọmịna asụ ma tẹlẹma tẹ arị kpọlịị! Ọmịnị ọgbụrụ-sụn tẹ ọmịna okpoko-asun suree! Ọmịna aḅẹkẹrẹ farị oḅumaa! Ọmịna owuna-aị ọkị ḅirii!

Jerimaya 46:9

Tọn asụ ma pịrị in muu, tẹ kirimẹnjị-ọmụarụ sọ mbelembelee! Ọmụapụ fịrịma pakamaa; Sudanị na Libiya na ḅụ ḅo owiapụ, ekpeke na ini na, tẹ Lidiya ḅụ ḅo aka-nimi iboli dogiapụ.”

Jerimaya 50:25

Arị ì owuna-aị kẹ koko wẹrị yọ mẹ ḅẹ ḅọkọ mẹ à finjitẹ, tẹ àrị arị pakama ḅo tẹ ị̀ ịganị ḅụ, anie Yẹrị, Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe, Babịlonịya ḅụ kọrị ḅẹ ye emi ẹrẹsị.

Jerimaya 50:3

“Ọgọnọ-jụ ḅụ gbọrụ sịẹ sime tẹ owu kẹ Babịlọnị paka ḅẹ ḅo tẹ, tẹ anị kẹ ịkpa sọma ḅa. Tomi na nama amẹẹ na mangị-so ḅa, tẹ gbọrụḅọ sọ anịanga anga ḅịa.”

Jerimaya 50:45

Mie ḅụ à tọn pẹlẹ tẹ kẹ Babịlọnị mịẹ ḅẹ-yearị ye pokii, à pịkị ḅiiarị à kẹ anị ḅẹ atomi ma mịẹ ḅẹ ye na. Ịna ḍọkọḍọkọ-awọmẹ kịngẹ sọ kịnị in fọnọ so ḅa, tẹ ọrụḅọ-ọrụḅọ sịḅị kanakana ḅa.

Jerimaya 50:9

À kụrọ-kụrọtẹ asịẹ ogbo jike saakịma ḅẹ-yearị ọgọnọ-jụ ḅụ, tẹ arị ịn mịẹ tẹ ini owu kẹ Babịlonịya paka ḅa. Ini ọmụ ọgbụrụ-sụn sịẹ mẹ pịrị tẹ anị nẹngịma ḅa. Ini ma piri-dee aka nimi apụụ; iboli tẹịn kụma, ini anie ḅara daa ye gbarị-gbarị-a apụ.

Jerimaya 51:12

In kẹ owu kẹ Babịlọnị onu ma paka ḅẹ elekima kẹ ịn ḍiee. Ama-koru anga mẹ mịẹ kụrọmaa! Anga-anga ḅụ, ye-yọ mẹ ḍikiḍiki ḅẹ ọmụapụ koromaa. Pịkị owiapụ kẹ ḅọị ini ọmụapụ ẹbị!” KỊNỊNYANAḄỌ ḅe ḍukom ọ̀ kẹ Babịlonịya mịẹ ḅẹ ye mẹ ọ̀ mịẹ tẹ.

Jerimaya 51:24

KỊNỊNYANAḄỌ ḅe mẹẹ, “À kẹ Babịlonịya na anị ḅẹ apụ na gbẹẹ ḅẹ ḅara ọmịnị ẹrị ḅa ịn kẹ Jeruselemu mịẹ siye mẹmgba gotẹ.

Jerimaya 51:35

Yee Zayọnị ḅẹ apụ ma ḅẹẹ, “Yee Babịlonịya ḅẹ apụ ma ịn kẹ wa mịẹ tẹ kụrọ-kụrọ aị ḅẹ ḅẹrẹ-ḅarasii minini ọkị!” Yee Jeruselemu ḅẹ apụ ma ḅẹẹ, “Yee Babịlonịya ḅẹ apụ ma kẹ wa ẹrịma tẹ atọrụsiẹrị ma ḅẹ ḅẹrẹ-ḅarasii minini ọkị!”

Jerimaya 51:36

Tẹ mie ḅụ KỊNỊNYANAḄỌ ḅe Jeruselemu ḅẹ apụ ma ḅẹẹm, “Yẹrị ḅarana ọmịna ḅẹrẹ mẹ ọkị mịẹ ḅa, tẹ mịẹ tẹ si kẹ ọ́ tọn apụ ma ịn kẹ ọ́ mịẹ tẹ ye mẹ gbẹẹ ḅa. Babịlonịya ḅụ minji sime tẹ paka-ḅoarị anga mẹ à samụnọma ḅa, à pịkị anị ḅẹ atọrụ ma mịẹ tẹ arị samụnọ ḅa.

Danẹlị 5:30

Anị gbọrụ ḍin mẹ ḅụ ịn nwẹnị Bẹlịsaza, Babịlonịya amadaḅọ ḅe ḅaam,

Jowẹlị 3:10

Ọmịnị amana kẹ ọmịna kiri soku ọgụ ma ḅakụ pẹndẹmatẹ arị okologie sọ; tẹ ọmịna ḍụọ kọrị kala-ogie ma kẹ sụḅa mịẹẹ. Yee ịnyọ ḅụụ ḅụ ofori ḅọ ḅẹẹ, “Ị̀ ḅụụ ịnyọ emii!”

Jowẹlị 3:9

“Miemẹ ḍuko wasamaa, sịẹ-sịẹ ma ogboku: ‘Ọ́ ḅụụ tẹlẹma ọmụ pịrịị! Ọmụapụ sịn ḅoo! Ị́ ọmụgbin-apụ kobiri tẹ ịn mẹnjị paka!

Lẹvitikọsị 26:25

Àrị ọmụ ọkị-ḅo ọmịna ọgọnọ gbana ḅa, tẹ gbẹẹfị ḅii ọḅọkụ mẹ pịrị ḅa; tẹ ọ́ nwẹnị ọmịna opu ama ma ḅio kobiri, kobiri, sime, sime arị ama gbaịn obi kẹ ọmịna ogbo-ḅio fịrịma ḅa, tẹ ọmịnị na fịya-a apụ ḅara-ḅio ini ọ́ ḅọrọma suu ḅa.

Zẹkaraya 14:12

KỊNỊNYANAḄỌ ḅe ḅalafama si obi ọkị-ḅo sịẹ-sịẹ ma tẹ ọmụ kẹ Jeruselemu koro apụ ma ọgọnọ gbana ḅa. Ịn paa ḍumo wararị ogbo ḅụ ịna meni oju ḅụrụ-faa ḅa; ịna atọrụngbọ na ịna ḅịḅị-ḅio ḅẹ aḅẹlẹ na ḅụrụ fa so ḅa.

Zẹkaraya 14:2

KỊNỊNYANAḄỌ ḅe sịẹ-sịẹ mamgba kobiri ḅo tẹ in Jeruselemu kẹ ọmụ kiri sọma ḅa. Ini opu ama mẹ ọkị ḅa, warị-warị ma fọịn, tẹ nwẹnị kụrọ ḅara kẹ ereme ma na tii. In tomi ma kẹ maa anga ḍie ḅa, gbọrụ anga kun-so mu jen sịẹ ḅụ angama ḅa, kụma ịna ḅụ kirikọn-apụ ma opu ama mẹ ḅio ini ini ọkị so ḅịa.