Jerimaya 51:10 - FỊAFỊA BAỊBỤLỤ

¹⁰ KỊNỊNYANAḄỌ ḅe mẹẹ, “Ị̀ atomi ọmịnị olokuu, ‘KỊNỊNYANAḄỌ ḅe ḍie-pakama tẹ mịnẹ wa kura ḅụ emi. Ó yee wa mu ḍuko Jeruselemu ḅẹ apụ pịrị KỊNỊNYANAḄỌ wamịna Tamụnọ kọrị tẹ ye mẹ.’ ”

Jerimaya 51:10 Iomraidhean Croise

Devidi-Anume 118:17

À fịị ḅịa; anie nakara, à ḍumo tẹ KỊNỊNYANAḄỌ ḅe kọrị tẹ ye mẹ ḍuko wasama ḅa.

Devidi-Anume 37:6

Ọ̀ mịẹ tẹ ị́ karakara mịẹ mẹ: eneḅaka ogbo ḅẹ ịrụa ḅịya ḅara ḅịya ḅa.

Devidi-Anume 64:9

Inimgba ḅalafa ḅa; ịn Tamụnọ mịẹ tẹ ye mẹ kẹ ḅiokoroma ḅa, tẹ ori amịẹaị ma gboloma ẹkwẹn kọn ḅa.

Devidi-Anume 66:16

Tamụnọ kụn-arị apụ mamgba, ó ḅo pokii, tẹ àrị ọ̀ mịẹ ị̀ pịrịtẹ aị ḍuko ọ́ pịrị ḅa.

Devidi-Anume 9:14

tẹ à kpọma-ḅẹlẹmarị Jeruselemu ḅẹ apụ ma tọrọkọ sịẹ tẹ à gotẹ í tokiniarị aị mamgba ḍuko ịn pịrị. À ḍereku ḅa ị́ ị̀ ḅọrọma tẹ ye mẹ ẹrẹsị.

Ayịzaya 24:14

Fịị-a so apụ nume su, su ḍereku ḅa. Ịrụa-ideriarị-anga anga sime apụ ḍuko ḅa KỊNỊNYANAḄỌ ḅe ḍụḅa la ḅara,

Ayịzaya 40:2

Ḅiokpọma ẹkwẹn kọn Jeruselemu ḅẹ apụ ma pịrịị. Ḍuko ịn pịrị ịn tọrụsiẹrị alama tẹ ḅara iḅi tẹẹ tẹ mịọkụ ịna asi ma ịn wẹrịso ịn pịrị tẹ. Ịna asi ma gotẹ àrị in fomu la tẹ ḅara iḅi tẹ.

Ayịzaya 51:11

Ị́ pụkọ-pakamaḅo tẹ apụ ma ḅioḅẹlẹ kẹ mu Jeruselemu la ḅa, nume-suarị, olokuarị, ḍereku ḅụ. In ḅioḅẹlẹ gbamaso ḅa, gbọrsịḅị kururu na ḅioḅẹngbọ-si na ḅio paka-ḅo.

Jerimaya 50:28

(Ọmụ mangị kọn apụ Babịlonịya ḅụ pụkọ-pakaḅo Jeruselemu laarị, tẹ ịn KỊNỊNYANAḄỌ, wamịna Tamụnọ ḅẹ wẹrịtẹ Babịlonịya apụ ma kẹ Tamụnọ Warị mịẹ ye ḅẹ gbẹẹfị ḅiiarị ḅara ḍukoarị.)

Jerimaya 50:45

Mie ḅụ à tọn pẹlẹ tẹ kẹ Babịlọnị mịẹ ḅẹ-yearị ye pokii, à pịkị ḅiiarị à kẹ anị ḅẹ atomi ma mịẹ ḅẹ ye na. Ịna ḍọkọḍọkọ-awọmẹ kịngẹ sọ kịnị in fọnọ so ḅa, tẹ ọrụḅọ-ọrụḅọ sịḅị kanakana ḅa.