Jerimaya 51:1 - FỊAFỊA BAỊBỤLỤ

¹ KỊNỊNYANAḄỌ ḅe mẹẹ, “À ye guluguluma fẹrụ ọkị-ḅo arị, kẹ Babịlonịya na anị ḅẹ apụ na ọgọnọ sara.

Jerimaya 51:1 Iomraidhean Croise

2 Amadapụ 19:7

Ḍikii, à gbọrụ tẹmẹ kẹ ọ̀ ḅụụ ḅio sụa ḅa tẹ mịẹtẹ ori ịba naa tẹ pịkịma-so ori ama mu ḅa; anịsakị arị ọ̀ mịẹ tẹ ori ama-kuḅu ḅẹ okologie ḅụ ọ̀ ḅịkị ḅa.’ ”

Devidi-Anume 137:8

Babịlọnị, ini ị́ kan guluguluma ḅa. Ḅioḅẹlẹ sime ị́ kẹ wa mịẹ ye mẹ kẹ ị́ gbẹẹarị ḅọ mẹ pịrịị;

Ayịzaya 13:13

Yẹrị Kụrọmamgba nyana KỊNỊNYANAḄỌ ḅe ịganị ḍie pakama ḅarị eneḅaka mẹ, à mịẹ tẹ So ma jike ḅa, tẹ Kiri mẹ jike nwenii tẹ amịna sime yọ ḅụ sikima ḅa.

Ayịzaya 14:14

Ị́ ḅẹẹm mịnẹ ị́ kpọlị iwo mu oḅuto ma ọgọnọ jụ sime tẹ Kụrọmamgba nyanaḅọ ḅe kịka ḅa.

Ayịzaya 21:1

Mie Babịlonịya gboloma oku. Nume-naowu ḅara ḅụ, fa ḅalafama amakiri ḅụ sime tẹ mịẹ ma ḅoarị, ịkpa mẹ ḅio.

Ayịzaya 47:1

KỊNỊNYANAḄỌ ḅe mẹẹ, “Babịlọnị, í emine ọgọnọ koro ḅoo, tẹ kiri ḅio ḅẹ fọọn ḅio lẹgịị. Gbọrụ sakị ị́ ḅụụ-gboloa ẹrẹḅọ kịkam, kịnị kan-kan-a opu ama, kụma ị́ ḅarị jen kẹ lọkọ tẹ ḅẹtẹ-ḅẹtẹ ḅara sime-a! Mịọkụ í omoniḅọ sọ tẹẹ!

Jerimaya 23:19

Ori ịganị mẹ anie erisee, opu ḅara fiearị fẹrụ tẹ fie mu si-sịḅịḅio-sụapụ ma asịḅị sara ḅa,

Jerimaya 49:36

À mịẹ tẹ fẹrụ fie-fie ḅo Ẹlamụ bịan ḅa pakịrị-pakịrị mamgba ḅụ, tẹ à mịẹ tẹ anị ḅẹ atomi gala-gala mu anga goyegoye la ḅa, nwenii tẹ tomikiri ḅẹ sịẹ tẹ á ḅụ sime tẹ ọmụ mangị-kọn-apụ la ḅịa anga paka ḅịa.

Jerimaya 50:21

KỊNỊNYANAḄỌ ḅe mẹẹ, “Owu kẹ Merateyimu na Pẹkọdị na ḅẹ apụ pakaa. Ịn ḅaa gulugulumaa. À tọn ị̀ pịrịye pịrịye mịẹẹ. Yẹrị, KỊNỊNYANAḄỌ ḅe, ọkọ ḅẹẹm.

Jerimaya 50:24

Babịlonịya, í owu kẹ ị̀ pakam, tẹ mịọkụ à tuu ị́ pịrị ḍiein í kuun-sịẹma tẹẹ, tụkụmaye ị́ anị gboloma ye nimi-a ḅẹsọ.

Jerimaya 50:29

Ḍuko iboli tẹịn owiapụ ma pịrịị ini owu kẹ Babịlọnị pakaa. Iboli na ḍiein na kẹ mịẹ-mịẹ ye nimi ḅọ nimi ḅọ fịrịma pakamaa. Ọmịnị opu ama mẹ ikelema-koroo, tẹ ḍụkụtẹ gbọrụḅọ-sọ pụkọ-so ma. Ịn mịẹ tẹ aị mamgba kẹ ịn gbẹẹ, tẹ ịn kẹ jen apụ mịẹ ḅara kẹ ịn mịẹẹ, ịn ḅụụ-gelema si kẹ ị̀ mịẹm ẹrẹsị, yẹrị Izirẹlị tẹkẹarị Fịafịa Ḅọ ḅe.

Jerimaya 50:33

KỊNỊNYANAḄỌ ḅe mẹẹ, “Izirẹlịapụ ma na Juda ḅẹ apụ ma na ini in ponomarị. In kun-so apụ mamgba tọrụ kẹ kiri lama tẹ ịn kẹ wẹrịarị tẹ ḍụkụ tẹ ịn so-a.

Jerimaya 50:9

À kụrọ-kụrọtẹ asịẹ ogbo jike saakịma ḅẹ-yearị ọgọnọ-jụ ḅụ, tẹ arị ịn mịẹ tẹ ini owu kẹ Babịlonịya paka ḅa. Ini ọmụ ọgbụrụ-sụn sịẹ mẹ pịrị tẹ anị nẹngịma ḅa. Ini ma piri-dee aka nimi apụụ; iboli tẹịn kụma, ini anie ḅara daa ye gbarị-gbarị-a apụ.

Jerimaya 51:53

Babịlọnị nwẹnị So-tọrụ kpọlị mu ḅụ kụrọtẹ ama-ḍụayọ nama sọ, à paa kịnị fịrịma tẹ ini anị guluguluma ḅa. Yẹrị KỊNỊNYANAḄỌ ḅe, ọkọ ḅẹẹm.”

Jerimaya 51:60

Ḅo Babịlonịya ọgọnọ gbana ḅarị guluguluma mamgba na osi-aị mamgba tẹ Babịlonịya gboloma aị ma na à kẹ ḍiri kẹẹm.

Izikẹlị 19:12

Kụma ịganịarị aḅara kuno ma anị nụnụ pakama-ḅom tẹ anị kẹ kiri ọgọnọ gbin koromam. Okiringa fẹrụ ḅo anị ḅẹ mgbọlụ ma samụnọmam. Ini anị ḅẹ aḅara ma anyịma siinm arị samụnọ tẹ ịn dọkịmam.

Hosiya 13:15

Karakaraye Izirẹlị nwẹnị osuka berebere ḅara bereberearị sọ, àrị ịkpa mẹ ḅio ịrụa-saakịarị-anga ḅụ ọfịrịarị fẹrụ fịrịma mu tẹ ịna ngụngụḅa ma na suḅe ma na samụnọma ḅa. Anị yela ye goyegoye dogi-so ḅa, ịna ngọ-koko-aḅio ḅio.

Emọsị 3:6

Gbọrụ opu ama ḅio ọmụ ọdụ fie kụma, tomi ma in ḅalafaa ḅịa? Opu ḅụụ-fụka ḅo la-la opu ama emi, KỊNỊNYANAḄỌ ḅe anị kẹ fịrịma sikima?

Zẹkaraya 2:8

Ó fomu ḅọ fomu ḅọ, ị̀ ḅụụ yelatẹịn ye fomu tẹẹ.” Mie ḅụ Kụrọmamgba nyana KỊNỊNYANAḄỌ ḅe mịẹ oku mẹ kẹ ị̀ kẹ sịẹ ma tẹ ori atomi fọịn apụ ma fịrịmam:

Fịrịmẹnjịapụ 9:4

Ọ̀ nwẹnị ḅịkị kiri koro tẹ pọkọ naa, ọ̀ ḅẹẹarị, “Sọlụ, Sọlụ, í tiegotẹ ḅaa-ḅọkọ kẹ ị̀ ḍọkịarị?”