Jerimaya 50:9 - FỊAFỊA BAỊBỤLỤ

⁹ À kụrọ-kụrọtẹ asịẹ ogbo jike saakịma ḅẹ-yearị ọgọnọ-jụ ḅụ, tẹ arị ịn mịẹ tẹ ini owu kẹ Babịlonịya paka ḅa. Ini ọmụ ọgbụrụ-sụn sịẹ mẹ pịrị tẹ anị nẹngịma ḅa. Ini ma piri-dee aka nimi apụụ; iboli tẹịn kụma, ini anie ḅara daa ye gbarị-gbarị-a apụ.

Jerimaya 50:9 Iomraidhean Croise

2 Samụẹlị 1:22

Ịn ḅaa ḅọ ḅe ọmbie mẹ ḅụ, opuḅọ ḅe ḅẹlẹkị mẹ ḅụ Jonatanị iboli mẹ pịkịma-ḅo-a, anịsakị Sọlụ okologie mẹ ye ofori ḅụ pịkịma-ḅo-a.

Sọlọmọnị Ḅẹlẹtẹịn Nume 3:8

Inimgba okologie owu aka nimi apụ; Ini ma ọmụ gbin ḅụụ-kpọtẹ opu apụ. Ịna ḅụ ọrụḅọ-ọrụḅọ okologie sụkam, ḍin ḅụ owu paka ḅẹ apụ ẹbịarị.

Ayịzaya 21:2

À kụrọ-kụrọ mịẹ-aị mịẹ ḅẹ ịkịan ẹrị tẹ, jụmọ-jụmọ kẹ dẹrịma na ḅaa-guluguluma na. Ẹlamụ ọmụ-ogbo ọmụ saakị tẹ! Midiya ọmụ-ogbo ama ma gbori tẹ ḅụụ kikima tẹ ẹbịarị! Tamụnọ ḅe Babịlọnị dogi-ḅo tẹ tọrụsiẹrị mẹ kunoma ḅẹ tẹ.

Ayịzaya 41:25

Ịrụa mẹ saakịarị pakịrị anga mẹ ḅụ à gbọrụ tomḅọ sẹlẹ pakama-ḅo tẹ; Arị ori ọkị-ḅo ḅa ọgọnọ-jụ mẹ ḅụ, tẹ ori owu paka ḅa. Ọ̀ ḅẹrẹtọn apụ nanga ḅọrọ ḅa, lịka ọkụ, aḅaịn-ḅẹlẹ tẹmẹḅọ ọgbọịn-lịka nanga ḅara kịka ḅara.

Jerimaya 15:14

À mịẹ tẹ ị̀ atomi fịrịmẹnjị ini na fịya-a apụ pịrị ḅa, ịn gbala-gbala amụ anị gboloma ye nimi-a amakiri ḅụ; ị̀ ịganị fịnị kịka tẹ kọrị gbamaso ḅa ẹrẹsị.”

Jerimaya 25:14

Babịlonịya ḅẹ apụ mịẹ tẹ ye mẹ gbẹẹ-ye kẹ in gbẹẹ ḅa, tẹ tọnwa asịẹ na opu amadapụ na ịn kẹ omoni sọma ḅa.”

Jerimaya 25:26

pịkị tomikiri mẹ ḅẹ ọgọnọ-jụ ḅẹ amadapụ mamgba, kpeki anga na sụma-jụ na simearị amadapụ mamgba, ọrụḅọ-ọrụḅọ tomikiri ḅụ amadapụ daarị ayọ mamgba. Inimgba ḅọrọ tẹso, Sisakị ḅe amadaḅọ sọ anị ḅuu ḅa.

Jerimaya 50:14

“Iboli tẹịn owiapụ, ọmịnị ọgbụrụ-sụn tẹ Babịlọnị ikelema-koroo. Ọmịnị ọmịna ḍiein mamgba kẹ Babịlọnị tẹịn, anị si kẹ yẹrị KỊNỊNYANAḄỌ ḅe mịẹ tẹ ẹrẹsị.

Jerimaya 50:21

KỊNỊNYANAḄỌ ḅe mẹẹ, “Owu kẹ Merateyimu na Pẹkọdị na ḅẹ apụ pakaa. Ịn ḅaa gulugulumaa. À tọn ị̀ pịrịye pịrịye mịẹẹ. Yẹrị, KỊNỊNYANAḄỌ ḅe, ọkọ ḅẹẹm.

Jerimaya 50:26

Owu kẹ anị paka pakịrị-pakịrị ḅụ, tẹ anị ḅẹ mgbọlị afịaị koko anga mẹ kan finji. Fọịn aị tan-tan kpolima mgbọlị afịaị tan ḅo kpolima-kpolima ḅara! Sịẹ mẹ guluguluma famaa! Gbala-gbala gberie-sọ kọnma ma!

Jerimaya 50:29

Ḍuko iboli tẹịn owiapụ ma pịrịị ini owu kẹ Babịlọnị pakaa. Iboli na ḍiein na kẹ mịẹ-mịẹ ye nimi ḅọ nimi ḅọ fịrịma pakamaa. Ọmịnị opu ama mẹ ikelema-koroo, tẹ ḍụkụtẹ gbọrụḅọ-sọ pụkọ-so ma. Ịn mịẹ tẹ aị mamgba kẹ ịn gbẹẹ, tẹ ịn kẹ jen apụ mịẹ ḅara kẹ ịn mịẹẹ, ịn ḅụụ-gelema si kẹ ị̀ mịẹm ẹrẹsị, yẹrị Izirẹlị tẹkẹarị Fịafịa Ḅọ ḅe.

Jerimaya 50:3

“Ọgọnọ-jụ ḅụ gbọrụ sịẹ sime tẹ owu kẹ Babịlọnị paka ḅẹ ḅo tẹ, tẹ anị kẹ ịkpa sọma ḅa. Tomi na nama amẹẹ na mangị-so ḅa, tẹ gbọrụḅọ sọ anịanga anga ḅịa.”

Jerimaya 51:11

KỊNỊNYANAḄỌ ḅe Midiya ḅẹ amadapụ ma jike-saakịma tẹẹ, ọ̀ tọn tẹ ọ̀ Babịlọnị guluguluma ḅẹ ẹrẹsị. Anị ḅara mie ọ̀ kẹ ini ọ̀ Tamụnọ-warị mẹ kan guluguluma ye mẹ ḅẹ gbẹẹfị ḅii ḅẹ ḅara. Owu mẹ pakarị ọmụ-alapụ ma tọn ọmụapụ ma pịrịarị, “Ọmịnị ọmịna aḍịẹịn ma farị oḅumaa! Ekpeke ma tẹlẹma wẹrịị.