Jerimaya 50:7 - FỊAFỊA BAỊBỤLỤ

⁷ Ini ẹrịapụ-ẹrịapụ owu kẹ ịn pakam. Si kẹ ịn tọn apụ ma ḅẹẹarị, ‘In si kẹ KỊNỊNYANAḄỌ ḅe mịẹ tẹẹ, tẹ anie ḅụ wa mịẹ ye kura-aye-a. Ịna atẹngịapụ ma KỊNỊNYANAḄỌ ḅe kẹ ḅiokpọmam, tẹ ini ma ḅioju sọ ḅioḅẹngbọ-kẹ-sịrẹrẹ-niḅi ḅara sime ọ̀ pịrị na-iḅim.’ ”

Jerimaya 50:7 Iomraidhean Croise

Devidi-Anume 71:5

KỊNỊNYANAḄỌ, àrị ị́ kẹ ḅiokpọmarị; ị̀ asambịrịma sakị kụra-ḅio ị́ ḅụụ mie à ḅioḅẹngbọ kẹ gbanarị.

Devidi-Anume 79:7

Ini ị́ atomi ma ḅaa tẹ ẹrẹsị; ini ị́ sịẹ mẹ kan sara tẹ.

Devidi-Anume 90:1

Yei KỊNỊNYANAḄỌ, ị́yẹrị anie ḅụọ-fa-ḅụọ-paka ḅụ wamịna sime-yọ.

Devidi-Anume 91:1

Ḅẹḅọ-ḅẹḅọ tẹ ye mḅọ lama gotẹ KỊNỊNYANAḄỌ ḅẹ ḍọkụma-muarị ḅọ mẹ, ḅẹḅọ-ḅẹḅọ tẹ Kụrọ mamgba Nyanaḅọ ḅe gbaịn wararị ḅọ mẹ,

Ayịzaya 47:6

Àrị ịganị ị̀ atomi pịrịm, à kẹ ịn mịẹ ḅara ịn ḅarị sime ị̀ pịrị-a ye ọkụ; àrị ịn kẹ ị̀ kụrọ suku-ḅio suum, tẹ ị́ ọkụrụkụrụ nyana ịn pịrị-a; omongitẹ apụ ma kịngẹ sọ ị́ guda-guda ḅara kẹ ịn mịẹm.

Ayịzaya 56:9

KỊNỊNYANAḄỌ ḅe kịnị tọrụ nimi-a apụ asịẹ ma ḅẹẹ tẹ in piri-ḅio-ḅẹ anama kịka tẹ ḅo ori atomi kanị guluguluma.

Ayịzaya 9:12

Siriya ịrụa mẹ saakịarị anga mẹ ḅụ, tẹ Filisiteni ịrụa mẹ tuuideriarị pakịrị ḅụ, ịna ḅịḅị finjitẹ Izirẹlị sịẹ mẹnị ḅẹ tẹ. Anị sọ KỊNỊNYANAḄỌ ḅe ịganị paa kunoma-a; ọ̀ ḅara paa sụụn-paka wararị kẹ in fomu.

Jerimaya 10:25

Ị́ ịganị pịkị siin sunsin ị́ pịrị-pịrị-a apụ ma ọgọnọ gbana pịkị ị́ sịkịarị apụ ma ọgọnọ sọ. Ini ị́ atomi ḅaa tẹẹ; Ịn gbọrsịḅị wa ḅaa-guluguluma tẹ wamịna ama kaan-sara tẹ yọ sọ tẹẹ.

Jerimaya 14:8

Ị́yẹrị ngẹrị mie Izirẹlị nyana ḅiokpọ; anie opu ḅụụ-fụka ḅụ wa ḅọrọmarị ḅọ, Tiye ẹrẹsị ị́ wamịna amakiri mẹ ḅụ kịnị tọrụ-nimi-a ḅọ kịkarị, gbala ḅọrọ ye muarị tẹ agba tẹ ḍin mẹ kịngẹ kẹ sime ḅọ ọkụ.

Jerimaya 17:13

KỊNỊNYANAḄỌ, anie Izirẹlị ḅiokpọ; í koroma tẹ so apụ mamgba ịna tọrụ-tuu ḅa. Ini ịmaịn-faa ḅarị ḅara fọọn ọgọnọ kẹ ẹrẹ kịka ḅa, ini, KỊNỊNYANAḄỌ ḅe, sịkị tẹ ẹrẹsị, ḍumo-pịrịarị ngụngụḅa minji ḅe.

Jerimaya 2:3

Izirẹlị, í sime yẹrị ngẹrị pịrịm; ị́ tọn-tọn ḅara sime ị̀ pịrịm. Ye kẹ ị́ lama ḅọ lama ḅọ, à tọrụsiẹrị na opu ḅụụ-fụka na kẹ mḅọ fịrịmam. Yẹrị, KỊNỊNYANAḄỌ ḅe ọkọ ḅẹẹm.

Jerimaya 31:23

Kụrọmamgba nyana KỊNỊNYANAḄỌ, Izirẹlịapụ tẹkẹarị Tamụnọ ḅe ḅẹẹm: À tomi ma kẹ pịkị ịna amakiri ḅo sakị, ịn pịkị siin ḅẹẹ ḅa Juda ḅẹ amakiri mẹ na ama ma ḅio na ḅụ, Yee KỊNỊNYANAḄỌ ḅe Jeruselemu ḅẹ tụndụ mẹ boma, ori angarị fịafịa yọ mẹ.

Jerimaya 33:15

Anị sakị mẹ ḅụ arị ama-da ḅẹ ḅọ sẹlẹ pakama-ḅo ḅa, Devidi furo paka tẹ karakara mịẹarị ḅọ. Anị amadaḅọ ḅe kura ḅara na inoma ofori ḅara na mie ọ̀ kẹ ye mịẹ ḅarịye, bebe amakiri mẹ ikelema-koro ḅụ.

Jerimaya 33:16

Juda na Jeruselemu na ḅẹ apụ ma arị ịn pụkọ-pakamaḅo tẹ ịn ye-ḅụụ-la-a ḅara kẹ anga ḅa. Ịn kẹ opu ama mẹ sịn ḅarị ẹrẹ — KỊNỊNYANAḄỌ Ḅe Wamịna Ḅọrọmaḅọọ.

Jerimaya 5:17

Ini ọ́ ḍụọ ḅio soku ḅo aị na ọmịna afịaị na fị siin ḅa. Ini ọmịna owiapụ-awọmẹ na eremịna-awọmẹ na ḅaa ḅa. Ini ọmịna anana na ja anama ogbo-ogbo ma na ḅaa sara ḅa, tẹ ọmịna kụrọ-asịn ma na figi-asịn ma na sima guluguluma ḅa. Ọ́ kẹ ḅiokpọmarị ọmụ dasịẹma ḅẹ ama ma ini ịna opu ọmụ-ogbo mẹ kẹ arị guluguluma ḅa.

Jerimaya 50:14

“Iboli tẹịn owiapụ, ọmịnị ọgbụrụ-sụn tẹ Babịlọnị ikelema-koroo. Ọmịnị ọmịna ḍiein mamgba kẹ Babịlọnị tẹịn, anị si kẹ yẹrị KỊNỊNYANAḄỌ ḅe mịẹ tẹ ẹrẹsị.

Jerimaya 50:17

KỊNỊNYANAḄỌ ḅe mẹẹ, “Izirẹlịapụ ma ọkụkụ ḍuka tẹ dee gala-galamatẹ anana ogbo kịkarị. Tarị-tarị, Asiriya tomikiri mẹ daa sime ḅọ ḅe owu kẹ ịn pakam, anịtẹso Ama-da Nebukadineza, Babịlonịya da ḅọ ḅe, ịna mgbe ma kụngụrụm.

Jerimaya 50:33

KỊNỊNYANAḄỌ ḅe mẹẹ, “Izirẹlịapụ ma na Juda ḅẹ apụ ma na ini in ponomarị. In kun-so apụ mamgba tọrụ kẹ kiri lama tẹ ịn kẹ wẹrịarị tẹ ḍụkụ tẹ ịn so-a.

Izikẹlị 34:5

Anana ma ḍikiḍikiḅọ nyana-a ẹrẹsị ịn gala-gala tẹ piri-ḅio-ḅẹ si anama ịn ḅaa tẹ pẹịm.

Izikẹlị 35:12

Anịtẹso ó nimi ḅa mịnẹ yẹrị, KỊNỊNYANAḄỌ ḅe ọ́ naam, ó ḍiki-iderima ḅara kẹ ḅẹẹarị sakị, mịnẹ Izirẹlị ḅẹ tụndụ ma gulugulu fama tẹẹ, tẹ arị sime ọ́ pịrịm, tẹ ọ́ gbọrsịḅị arị mẹnị ọkị ḅẹm.

Danẹlị 9:16

Ḅọrọtẹ sakị ḅụ ị́ wa ḍụam, mie ḅụ ḅarị jen kẹ Jeruselemu ḍiki-ịganị ma. Í opu amaa, ị́ fịafịa tụndụu. Kpeki wararị asịẹ ma ḅẹ apụ mamgba Jeruselemu ḍiki iderimarị, pịkị ị́ atomi ma sọ, wamịna asi na wamịna elemu-aḍapụ mịẹ siye na ẹrẹsị.

Danẹlị 9:6

Amụ wa ị́ afịrịmẹnjịapụ ịkịankoroapụ ma poki-a, anie ị́ ẹrẹ ḅụ ẹkwẹn wamịna amadapụ, wamịna ḅẹrẹtọn-apụ, wamịna elemu-aḍapụ na wamịna bebe sịẹ na pịrị apụ ma.

Zẹkaraya 1:15

tẹ àrị ịganị nyana sịẹ-sịẹ ma tẹ gbene na dein na tọrụ-ḅẹlẹ nyanarị apụ ma pịrị lama wararị. Kẹ gotẹ ọkọ ḍukoarị àrị ị̀ atomi ḅụ ị̀ ịganị dasịẹmarị sakị arị asịẹ ma ịna ḅụụ-fụka mịẹ tẹ arị sii ḅakarị.

Zẹkaraya 11:5

Ịn nyana apụ mie ịn ḅaarị, tẹ fomu-ḅara nyana-a. Ịn nama mẹ dẹrị-dẹrị tẹ ḅẹẹarị, ‘KỊNỊNYANAḄỌ ḅe tokinii! Wa kọn tẹẹ!’ In ḍikiḍikiarị apụ ma kịngẹ sọ in ḍiki-sịḅịjịrị-a.”

1 Timoti 1:1

Pọlụ, Kịrayịsị Jizọsị fịrịmẹnjịḅọ ḅe, Tamụnọ wamịna Ḅọrọmaḅọ ḅe na Kịrayịsị Jizọsị wamịna ḅiokpọ ḅe na tọn ḅara ḅụ: