Jerimaya 50:5 - FỊAFỊA BAỊBỤLỤ

⁵ Ịn Zayọnị mu etela gbela ḅa, anịtẹso ini anị pakịrị daa mu ḅa. In sime-gbamaso ọḅọkụ kẹ ị̀ na fị ḅa, tẹ gbala-gbala ini anị kan ḅịa.”

Jerimaya 50:5 Iomraidhean Croise

Suku-saakị 17:7

“Àrị ị̀ ọḅọkụ mịẹ pakama ḅa yẹrị na ị́yẹrị na í furo-ḅẹ-apụ na ogboku, anị sime gbamaso ọḅọkụ ḅara ḅụ sime ịna ḅụọ-ḅẹ-atomi pịrị ḅa. À Tamụnọ sọ ị́yẹrị na í furo-ḅẹ-apụ na pịrị ḅa.

2 Samụẹlị 23:5

Karakara-ḅara-ḅụ ị̀ warị mẹ ọkọ kẹ Tamụnọ ḅụụ sịẹsime-a? Kẹ gotẹ ọkọ ḅẹẹarị, ò sime gbamaso ọḅọkụ kẹ ị̀ na fị tẹẹ, ye mamgba ḅụ tọọn tẹ, kpaịn wararị. Kẹ gotẹ ọkọ ḅẹẹarị, ị̀ ḅarasụa mamgba na, à ḅii aị ma na ḅụ ọ̀ mịẹ tẹ à lolo ḅịa?

1 Amadapụ 19:10

Ọ̀ nwẹnị pakịrị, “À KỊNỊNYANAḄỌ, ọmụ-ogbo ma nyana Tamụnọ ḅe gotẹ kpọma afana sọ tẹẹ, gbalaa Izirẹlịapụ ma ị́ na fị ọḅọkụ mẹ sịkị tẹẹ, ị́ agbamịẹ-anga ma sukuruma-gbin, tẹ okologie kẹ ị́ ịkịankoroapụ ma ḅaa fama tẹẹ; yẹrị ngẹrị kpọkpọ gbọrụ sịḅị mịẹ kọn yee, tẹ in pịkị ì ḍumo ọkị ḅẹ ḍọkịarị.”

1 Amadapụ 19:14

Ọ̀ nwẹnị pakịrị, “À KỊNỊNYANAḄỌ, ọmụ-ogbo ma nyana Tamụnọ ḅe gotẹ kpọma afana sọ tẹ, gbala Izirẹlịapụ ma ị́ na fị ọḅọkụ mẹ sịkị tẹẹ, ị́ agbamịẹ-anga ma sukuruma-gbin, tẹ okologie kẹ ị́ ịkịankoroapụ ma ḅaa fama tẹẹ; yẹrị ngẹrị kpọkpọ gbọrụ sịḅị mịẹ kọn yee, tẹ in pịkị ì ḍumo ọkị ḅẹ ḍọkịarị.”

Devidi-Anume 84:7

In muarị sakị in kụrọ tọrọkọ, tọrọkọ muarị; Zayọnị tụndụ mẹ ọgọnọ ịn Tamụnọ ma Tamụnọ ḅẹ ẹrị ḅa.

Ayịzaya 35:8

Anị anga opu etela paka ḅa, ini anị sịn ḅa, “Fịafịa Si Ofori Etela Mẹ.” Gbọrụ si-mịẹḅọ sọ anị etela mẹnjị ḅọrọ ye mu ḅịa; gbọrụ oḅori-ḅọ sọ anị mẹnjịarị apụ ma da-irima ḅịa.

Ayịzaya 55:3

Mịọkụ ó pokii, ị̀ atomi, tẹ ị̀ ḍọkụma-ḅoo; ọmịnị ị̀ ḍọkụma-ḅoo, tẹ ó ḍumo nyana ḅa! À sime alama ḅarị ọḅọkụ kẹ ọmịnị na fị ḅa tẹ à minini Devidi pịrị aboma ma kẹ ọ́ pịrị ḅa.

Jerimaya 3:18

Izirẹlị na Juda na gboloma ḅa, tẹ ịn gbọrụ ḅụ kẹ ọgọnọ-jụ ḅẹ yọ mẹ ḅụ kun-ḅara ḅụ so ḅo à kẹ ịna elemu aḍapụ ma pịrị gbamaso wararị amakiri mẹ la ḅa.

Jerimaya 31:21

Kẹ elekima sụa ḅẹ aị piketẹ etela mẹ lekiri; siin etela ḍọkị ẹrị, ọ́ ḅọrọ so anga mẹ. Izirẹlịapụ, ọ́ pịkị-ḅo, ọmịnị ama ḅoo, ó sime tẹ paka-so ama ma.

Jerimaya 31:6

Inn, sakị mẹ ḅoarị anie ama-koruapụ Iferemu atụndụ ma ḅụ sime tẹ oloku pakama ḅarị sakị mẹ, Ó yee wa Zayọnị mu, KỊNỊNYANAḄỌ wamịna Tamụnọ ḅe dama-mu.”

Jerimaya 32:40

À sime-gbamaso ọḅọkụ kẹ ini na fị ḅa. Iḅi aị mịẹ ịn pịrị ḅụ gbala-gbala à ḅara-siin ḅịa, tẹ à mịẹ tẹ ini ịna ḅioḅẹngbọ mẹmgba kẹ ị̀ ḍiki-ḅalafaa ḅa, mịẹ tẹ ịn ḅarị gbala-gbala ị̀ ḅụụ pịkị-so ḅịa ḅara.

Jerimaya 6:16

KỊNỊNYANAḄỌ ḅe ori atomi ḅẹẹm, “Ọmịnị etela ma jen-jen saḅa-ḅọrọ wararị anga mẹ ḅụ sịẹsime tẹ ḍiki. Ọmịnị elemu sakị ḅẹ mẹnjị ḅọrọ ayọ ma gbela nimii, pịkị iḅi tẹịn etela mẹ simearị anga na. Ọmịnị anị ḅụ mẹnjị, anịsakị ó dein ḅụ anga ḅa.” Kụma ini mẹ, “Ẹn-ẹn, wa mịẹ ḅịa!”

Izikẹlị 16:61

Ị́ ị́ mịẹ tẹ ḅara kẹ ḅiokoroma ḅa, tẹ anị gotẹ ḅụụ-jịrị ḅa ị́ ị́ mịnaḅọ ẹrẹḅọ omongiḅọ ma na ị́ mịnaḅọ iriawọ-tụḅọ ma na pịkịma ị́ ḍọkụma-ḅo sakị. Àrị ịn mịẹ tẹ ini iyi eremịna-awọmẹ sọ ị́ pịrị ḅa, karakaraye miemẹ àrị ị́nịna fị ọḅọkụ mẹ ḅio ofori sọ.

Izikẹlị 37:22

Amakiri mẹ ḅụ arị in gboloma tẹ ịn gbọrụ sịẹ sọ ḅa, Izirẹlị ḅẹ tụndụ ma ọgọnọ ḅụ. Ịn gbọrụ amadaḅọ nyana tẹ ḅẹrẹtọn ịn pịrị ḅa, tẹ ịn ḅarị jen kẹ maa asịẹ puu ḅịa anịanịa ḍiema tẹ maa ama-da ayọ sọ.

Hosiya 1:11

Juda ḅẹ apụ ma na Izirẹlịapụ ma na gbọrụ apụ sọ ḅa. Ịn gbọrụ sịḅịdaḅọ sẹlẹ-pakama-ḅo ịna aḅụụ pịrị ḅa, tẹ gbọrụ sakị kẹ siin ịna amakiri mẹ ḅụ gburo-gburotẹ lolo ḅa. Inn, Jẹzirili ene mẹ gburo-gburotẹ ene sọ ḅa!

Hosiya 3:5

Kụma sakị ḅo ḅa Izirẹlịapụ ma siin pịkị KỊNỊNYANAḄỌ ịna Tamụnọ ḅe dama-ḅo ḅarị sakị, pịkị Devidi furo paka-ḅo ịna amadaḅọ na. Anịtẹso ịn KỊNỊNYANAḄỌ ḅe ḍiki-ḅalafaa ḅa tẹ ori iḅi ḍiepịrị-aị daa-ọkị ḅa.

Hosiya 6:1

Tomi ma ḅẹẹarị, “Ó yee wa pịkị KỊNỊNYANAḄỌ ḅe dama-mu! Ó ye kẹ wa lama tẹ, kụma piki-pikiye-ofori ò wa gwọ ḅa; ọ̀ wamịna ḅụụ ịnọ pakama tẹ, kụma ọ̀ wamịna ịnọ ma fịna ḅa, ori ọkọ mịẹ ḅịa aro?

Jọnị 7:17

Minini tẹ Tamụnọ ḅiiarị ye mịẹ ḍọkị ḅọ, ḍọkị ḅọ nimi ḅa ì tolumaye mẹ Tamụnọ ḅara ḅoarị na yẹrị ḅarana ị̀ kụrọ ḅụ ẹkwẹn-arị na.

Fịrịmẹnjịapụ 11:23

Ò mu la tẹ Tamụnọ kẹ tomi ma boma la ḅara ẹrị sakị, ò ḅioḅẹlẹ tẹ ịn ḅẹẹm mịnẹ in minini kụrọma tẹ iḅiọkụ ịna ḅioḅẹngbọ mamgba kẹ KỊNỊNYANAḄỌ ḅe fịnamaa.

2 Kọrịntị 8:5

Ịn mịẹ ye wa kẹ ḅiotọn ye nẹngịm! Tarị ye, ini ịna ḅụụ saakị KỊNỊNYANAḄỌ ḅe pịrịm; anịtẹso, Tamụnọ ḅii ḅara ḅụ, ịn pịkị ịna ḅụụ kẹ wamịnị sọ pịrịm.