Jerimaya 50:3 - FỊAFỊA BAỊBỤLỤ

³ “Ọgọnọ-jụ ḅụ gbọrụ sịẹ sime tẹ owu kẹ Babịlọnị paka ḅẹ ḅo tẹ, tẹ anị kẹ ịkpa sọma ḅa. Tomi na nama amẹẹ na mangị-so ḅa, tẹ gbọrụḅọ sọ anịanga anga ḅịa.”

Jerimaya 50:3 Iomraidhean Croise

Suku-saakị 6:7

Mie ḅụ KỊNỊNYANAḄỌ ḅe nwẹnị ḅẹẹ, “Tomi ma tẹ à tẹmẹ tẹ apụ ma, tomikiri mẹ ḅụ arị ịn ọfịn siin ḅa, anị tomḅọ-o, piri-ḅio-ḅẹ nama-o, ikiriarị aị-o, So-tọrụ fiin-arị afeni-o, à gbala ịn tẹmẹ ye mẹ ḅụ tiye-ì-gbo ḅẹẹ tẹ ẹrẹsị.”

Paka-so 12:12

“Kẹ gotẹ ọkọ ḅẹẹarị, anị ḍin mẹ ḅụ arị Ijiputi ama mẹ mẹnjị-toluḅọrọ ḅa, tẹ Ijiputi ama mẹ ḅio tomi-o, nama-o, tarị iyi awọmẹ mamgba à ḅaa fama ḅa, anịsakị arị ị̀ ḅẹrẹkọn mịẹ-pakama ḅa Ijiputi ḅẹ oru-atamụnọ mamgba ọgọnọ ḅụ. Yẹrị anie KỊNỊNYANAḄỌ ḅee.

Ayịzaya 41:25

Ịrụa mẹ saakịarị pakịrị anga mẹ ḅụ à gbọrụ tomḅọ sẹlẹ pakama-ḅo tẹ; Arị ori ọkị-ḅo ḅa ọgọnọ-jụ mẹ ḅụ, tẹ ori owu paka ḅa. Ọ̀ ḅẹrẹtọn apụ nanga ḅọrọ ḅa, lịka ọkụ, aḅaịn-ḅẹlẹ tẹmẹḅọ ọgbọịn-lịka nanga ḅara kịka ḅara.

Ayịzaya 45:1

KỊNỊNYANAḄỌ ḅe Sayịrọsị sẹlẹ pakama-ḅo tẹẹ, ori ama-daa! Ori ọ̀ tọn tẹ ọ̀ sịẹ-sịẹ ma nẹngịma ḅa; ori ọ̀ kẹ fịrịmarị, ò mu amadapụ kụrọ siin ịna aḅara; KỊNỊNYANAḄỌ ḅe opu ama ma ḅẹ ogigo aḅọkọ ma finji ọ̀ pịrị ḅa. KỊNỊNYANAḄỌ Sayịrọsị ḅẹẹarị:

Jerimaya 21:6

Mị opu ama mẹ ḅio angarị ḅọ goḅọ-goḅọ à ḅaa ḅa; tomi na nama amẹẹ na gbọrụ ḅara kẹ fịị ḅa ḅalafama obi ḅụ.

Jerimaya 50:9

À kụrọ-kụrọtẹ asịẹ ogbo jike saakịma ḅẹ-yearị ọgọnọ-jụ ḅụ, tẹ arị ịn mịẹ tẹ ini owu kẹ Babịlonịya paka ḅa. Ini ọmụ ọgbụrụ-sụn sịẹ mẹ pịrị tẹ anị nẹngịma ḅa. Ini ma piri-dee aka nimi apụụ; iboli tẹịn kụma, ini anie ḅara daa ye gbarị-gbarị-a apụ.

Jerimaya 51:11

KỊNỊNYANAḄỌ ḅe Midiya ḅẹ amadapụ ma jike-saakịma tẹẹ, ọ̀ tọn tẹ ọ̀ Babịlọnị guluguluma ḅẹ ẹrẹsị. Anị ḅara mie ọ̀ kẹ ini ọ̀ Tamụnọ-warị mẹ kan guluguluma ye mẹ ḅẹ gbẹẹfị ḅii ḅẹ ḅara. Owu mẹ pakarị ọmụ-alapụ ma tọn ọmụapụ ma pịrịarị, “Ọmịnị ọmịna aḍịẹịn ma farị oḅumaa! Ekpeke ma tẹlẹma wẹrịị.

Jerimaya 51:48

Kiri ọgọnọ na So-tọrụ na ḅụ sime-ye sime-ye oloku ḅa ḍereku ḅụ, Babịlonịya ḅịkị ọgọnọ-jụ ḅo anị fama ḅẹ apụ ma ḅara-ḅio sọ ḅarị sakị mẹ ḅụ.

Jerimaya 51:62

Anịtẹso mị-ḅara tẹkẹẹ, ‘KỊNỊNYANAḄỌ, ị́yẹrị ḍuko tẹẹ mịnẹ ị́ mị yọ mẹ fama ḅa, mịẹ tẹ ḍumo wararị gberie-sọ anị ḅio anga ḅịa ḅara, anị ḅọrọ tomḅọ-o, nama-o, tẹ anị nwẹnị ịkpa kịka gbamaso ḅa.’

Jerimaya 7:20

Tẹ mie ḅụ, yẹrị Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ì owi ịganị ọsụma mị Tamụnọ-warị mẹ ọgọnọ sara ḅa. Àrị anị kẹ tomi na nama amẹẹ na ọgọnọ sọ sara ḅa, kịrị ofori ḅara ḅụ, pịkị sịn ma na ḍụọ ḅio soku la tẹ ḍiḅi-aị ma kịngẹ ọgọnọ sọ. Ị̀ ịganị gbọrụḅọ sọ inetẹ biinma ḅịa orumo kịka ḅa.”

Jerimaya 9:10

À ḅẹẹm, “À tụndụ ma gotẹ kururu ḅa tẹ owu iḅi-osuka-akiri ma pịrị ḅa, arị samụnọ-kpakịkịtẹ ẹrẹsị, tẹ gbọrụḅọ-sọ ye-muarị tẹ arị ḅụ mẹnjị tolu ḅọrọ-a. Kịnị ḅarị jen kẹ opu anama olokuarị ye naa-a; feni amẹẹ na piri-ḅio-ḅẹ anama na sọ mangị-so fama tẹẹ.”

Jerimaya 9:11

KỊNỊNYANAḄỌ ḅe mẹẹ, “À Jeruselemu kẹ sara sọma ḅa, piri-obiri amẹẹ angarị yọ; Juda ḅẹ opu ama ma ḅo ịkpa sọ ḅa, gbọrụḅọ-sọ anga-anga-a anga.”

Zẹfanaya 1:3

tomi mamgba na nama amẹẹ na, feni ma na inji na. À mịẹ tẹ si-sịḅịḅio-sụapụ ma ḅịkị ḅa. À tomi mamgba ḅaa guluguluma ḅa, tẹ fịị-a so ḅẹ ḅọ paka ḅịa. Yẹrị KỊNỊNYANAḄỌ ḅe ọkọ ḅẹẹm.”