Jerimaya 50:2 - FỊAFỊA BAỊBỤLỤ

² Oku mẹ ḍuko sịẹ-sịẹ ma pịrịị; anị ḍuko wasamaa! elekima pịrị tẹ kịnị mamgba naa ḅẹ ḅara kẹ oku mẹ ḍukoo! Anị kẹ ḅọị ma! Babịlọnị ḅịkị tẹẹ! Árị ẹkẹkẹ-tamụnọ Madọkụ ḅe ini ò puu kọsịma tẹẹ! Babịlọnị ḅẹ oru-afụḅara ma ḅụụ-jịrị tẹẹ. Á sịḅị-ngụngụnma ḍụẹịn-afụḅara ma kaan-sara tẹẹ!

Jerimaya 50:2 Iomraidhean Croise

Devidi-Anume 64:9

Inimgba ḅalafa ḅa; ịn Tamụnọ mịẹ tẹ ye mẹ kẹ ḅiokoroma ḅa, tẹ ori amịẹaị ma gboloma ẹkwẹn kọn ḅa.

Devidi-Anume 96:3

Ọmịnị ori ebube opu mẹ ḍuko wasama sịẹ, sịẹ ma pịrị, ori opu kụrọ kọrịnama ma ḍuko tomi mamgba pịrị.

Devidi-Anume 97:7

Sunsin oru-afụḅara pịrịarị-ḅọ pịrịarị-ḅọ ḅụụ-jịrị ḅa; papaa atamụnọ mamgba KỊNỊNYANAḄỌ ḅe tọrọkọ iḅoarị.

Ayịzaya 12:4

Ene ḅoarị Tamụnọ atomi ma nume-suu tẹ ḅẹẹ ḅa: Ịmịẹtẹ kẹ KỊNỊNYANAḄỌ ḅe ḅẹẹ! Ọ̀ sịịn, ori ị́ ḅọrọma! Ọ̀ kọrị tẹ ye ḍuko sịẹ mamgba pịrị! Ọ̀ ḍụḅa la ḅara ḍuko ịn pịrị!

Ayịzaya 13:2

Gbọrụ sịn sọ ofori tụndụ ọgọnọ ḅụ arụ pike ḅịtẹ mẹ pikee! Oloku ọmụapụ ma pịrị, tẹ ḅara-kọngọ saakị gelema tẹ kẹ in ḍie mịnẹ ini owu kẹ ḅụụ-gelemarị opu ama mẹ paka onu aḅọkọ ma ḅụ.

Ayịzaya 21:9

Ḅiotọn-a ḅara ḅụ in ḅoarị! Asụ ọgọnọ kpọlị wararị owiapụ, maa apụ, maa apụ. Ama-koru ḅọ ḅe ori ẹrị ye ḍukoarị. “Babịlọnị ḅịkị tẹ! In sunsin pịrịarị oru-afụḅara mamgba kiri ḅio gala-gala wararị.”

Ayịzaya 37:19

pịkị ịna atamụnọ ma dọkịmam — anie gbala-gbala tamụnọ-a aị ma, tomi ḅara kẹ sịn na ḍụḅarị na kẹ mịẹ ye afụḅara kịngẹ.

Ayịzaya 39:1

Mị sakị pembe sakị ḅụ, Babịlonịya ḅẹ amadaḅọ Mẹrodakị Baladanị, Baladanị tụḅọ, nwẹn-sịn ḅọ ḅe, naam mịnẹ Hẹzịkaya obi simem ḅẹ sakị, ò ḍiri kẹẹ tẹ pịkị ḍiepịrịye na kẹ ọ̀ sẹmam.

Ayịzaya 46:1

Mie Babịlọnị ḅẹ oru-atamụnọ ma kunoma mẹ! Gbọrụ sakị ḅụ in sunsin Bẹlị na Nebo na pịrị simem, kụma ini arị tan yedogi-anama ọgọnọ gbanatẹ, arị nwẹnị iku dogiye sọ ịnyọ-pọkọta tẹ anama ma pịrịarị.

Ayịzaya 48:20

Ọ́ Babịlọnị ḅụ paka-so, ọ́ ḅarana sịḅị nyana ḅara kẹ so! Ọmịnị ịba mẹ oloku pakama ḅioḅẹlẹ ḅụ ọ̀ mịẹ tẹ anga-anga ḅụ kịnị anị nimi: “KỊNỊNYANAḄỌ ḅe ọ̀ fịrịmẹnjịḅọ Izirẹlị ḅọrọma tẹ!”

Ayịzaya 48:6

À Ḍuko ḅọrọma tẹ aị ma mịọkụ kiri ọkị tẹ; ị́ mịẹ-mịẹ jen ọkụ ḅarị ofori tẹ minini ḅa mịnẹ à ḍuko aị ma kuram. Mịọkụ à tọrọkọ ḅo ḅarị ịwọ aị ḍuko ị́ pịrịarị, mịẹ ḅẹ ịwọ aị tẹ jen ene amụ à mịẹfinji ị́ pịrị-a aị.

Jerimaya 10:11

(Ọmịnị tomi, ó ḍuko ịn pịrị nyanam, mịnẹ tomikiri mẹ na So-tọrụ mẹ na tẹmẹ-a atamụnọ ma ini arị guluguluma ḅa. Ịn ḅarị jen kẹ tomikiri mẹ ḅẹ gbọrụ pakịrị anga ḅụ sọ sime ḅịa.)

Jerimaya 10:15

In kẹ mịẹ-mịẹ ye ofori, tẹ kịnị in ḍiki iderima ḅa; KỊNỊNYANAḄỌ ḅe ḅo ọ̀ kẹ ịn mịẹ ḅẹ ye kẹ ịn mịẹ sakị in gulugulu ḅa

Jerimaya 31:10

KỊNỊNYANAḄỌ ḅe mẹẹ, “Tomikiri ḅẹ asịẹ, ọmịnị ì pokii, tẹ ị̀ ẹkwẹn ma ḍuko wasama mu ala-jụ simearị dọkụ mu sọmarị ayọ ma lama. Yẹrị ị̀ atomi gala-galam, kụma arị in kobiri ḅa tẹ in kikima ḅa anana-ḍikiḍikiḅọ amịna anana-ogbo kikima ḅara.

Jerimaya 4:16

In ḅo sịẹ-sịẹ ma ḅeri nụnụ tẹ ḍuko Jeruselemu pịrị ḅa mịnẹ kịnị na fịya-a apụ ala-lamatẹ yọ ḅụ sime tẹ ḅoarị. Mịna kịnị-na-fịya-a apụ ma oloku Juda ḅẹ opu ama mẹ da ḅa,

Jerimaya 4:6

Ḅọrọ mu etela mẹ tọkịma Zayọnị pịrịị. Ḍumo mangị kọn! Sakị fama ma! KỊNỊNYANAḄỌ ḅe opu ḅụụ-fụka na opu ḅaa-guluguluma na ọkị-ḅoarị ọgọnọ-jụ ḅụ.

Jerimaya 46:14

Ijiputi ḅẹ ama ma ḅio ḍuko wasama, Migidọlị na, Mẹmụfịsị na, Tafanisi na ḅụ, ọ́ tẹlẹma tẹ ọmịna aḅụụ ḍụa; ọmịnị-mgba ọmụ ḅio ini ọ́ ḅaa-guluguluma ḅa!

Jerimaya 50:46

Babịlọnị ḅịkịarị sakị anị fie lama tẹ kiri mẹmgba jike ḅa, tẹ anị ḅẹ ḅalafa oloku mẹ osi asịẹ ma naa ḅa.”

Jerimaya 51:12

In kẹ owu kẹ Babịlọnị onu ma paka ḅẹ elekima kẹ ịn ḍiee. Ama-koru anga mẹ mịẹ kụrọmaa! Anga-anga ḅụ, ye-yọ mẹ ḍikiḍiki ḅẹ ọmụapụ koromaa. Pịkị owiapụ kẹ ḅọị ini ọmụapụ ẹbị!” KỊNỊNYANAḄỌ ḅe ḍukom ọ̀ kẹ Babịlonịya mịẹ ḅẹ ye mẹ ọ̀ mịẹ tẹ.

Jerimaya 51:27

“Kẹ ọmụ mẹ saakị ḅẹ elekima mẹ pịrịị! Ọdụ ofuroo, mịẹ tẹ sịẹ-sịẹ ma inetẹ naa ḅẹ ḅara. Sịẹ-sịẹ ma tẹlẹma ọmụ kẹ Babịlonịya paka pịrịị! Ḍuko amadapụ daarị ayọ ma pịrị — Araratị, Mini, na Asịkẹnazị na pịrị mịnẹ ini ọmụ saakịị. Ọmụ-alaḅọ tọn ori ọmụ mẹ sịḅịda tẹ saakịị. Asụ ma ọkị-ḅoo, igurube ḅaka ḅara ḅaka wararị aị ma.

Jerimaya 51:31

Oku-mẹnjịḅọ jen oku-mẹnjịḅọ palịarị, mangị mu ḍuko Babịlonịya ḅẹ amadaḅọ pịrị mịnẹ ori opu ama mẹ ịn kan tolu-sọ ḅo tẹ pakịrị-pakịrị ḅụ.

Jerimaya 51:44

À fomu-ḅara kẹ Bẹlị pịrị ḅa, Babịlonịya ḅẹ tamụnọ ḅe, tẹ ọ̀ mịẹ tẹ ori ò furu tẹ ngọ ma pakama-ḅo nyana apụ pịrị ḅa; sịẹ-sịẹ ma ḅarị jen kẹ sunsin ọ̀ pịrị ḅịa.” Babịlọnị ḅẹ onu ma ḅịkị tẹẹ.

Jerimaya 51:47

Anie ḅụ sakị mẹ ḅoarị à Babịlonịya ḅẹ oru-afụḅara ma na mịẹ ḅẹ sakị mẹ. À bebe sịẹ mẹ kẹ ḅụụ-jịrị ḅio suu ḅa, tẹ ini anị ḅẹ atomi mamgba ḅaa ḅa.

Jerimaya 51:52

Ọkọ ẹrẹsị mie ḅụ, à ḍukoarị mịnẹ sakị mẹ ḅoarị à Babịlonịya ḅẹ oru-afụḅara ma na mị ḅẹ sakị mẹ, tẹ bebe sịẹ mẹ ikelema-koro ḅụ ye la tẹ apụ ma iningi ḅa.

Jerimaya 51:8

Babịlonịya ḅiotọn-a ḅara kẹ ḅịkị tẹ gulugulu tẹẹ! Á ḍuu!. Obi-gwọ-ḍiri ọkị mu anị ḅẹ ịnọ ma mịẹẹ, tẹ ẹbịsịya anị inetẹ gwọ ḅẹ ḅoto.

Jerimaya 52:31

Ẹvili-Merodakị ḅo Babịlonịya da kụra mẹ ḅụ, ori ọkụrụkụrụ nyana Ama-da Jehohakịnị, Juda da sime ḅọ ḅe pịrị tẹ ikoli ḅio ọ̀ pakama-ḅom. Miemẹ paka ene anie ini ikoliḅọ ḅara kẹ Jehohakịnị ọkị so tẹ tẹra kụra fa mesi karama kụra mẹ ḅẹ oyi maa akalụ finji karama akalụ mẹ ḅụ si sọnọ finji karama ene mẹ ḅụ.

Jerimaya 6:18

Mie ḅụ KỊNỊNYANAḄỌ ḅe ḅẹẹm, “Ọmịnị sịẹ-sịẹ ma, ó pokii, tẹ ì atomi ḅụ paka ḅẹ-yearị ye mẹ ḅụ ye ḍawọọ.

Danẹlị 1:2

KỊNỊNYANAḄỌ ḅe minini ọ̀ pịrị tẹ ori Ama-da Jehohakịnị kun tẹ pịkị Tamụnọ-warị mẹ ḅẹ ngọ ma ḅẹ jaị fọịn ọkịm. Ori ikoliapụ ḅara kẹ jen-apụ ọkị ọ́ ḅụ sụa so ori atamụnọ ma warị mum Babịlọnị ḅụ, tẹ fọịn so ngọ ma kẹ ọ̀ tẹkẹarị tamụnọ-warị mẹ ḅẹ ye koko aḅio ḅụ kokom.

Danẹlị 3:14

Ori in gbelam, “Sẹdarakị, Mẹsakị na Abẹdinigo na, karakaraye aro, mịnẹ ó sunsin ị̀ tamụnọ ḅe pịrị tẹ iḅo à mịẹ sịẹma wararị mḅudu mẹ pịrị-a?

Zẹfanaya 2:11

KỊNỊNYANAḄỌ ḅe ịna tẹmẹ-naịn-naịnma ḅa. Ò tomikiri ḅẹ atamụnọ ma iderima-ḅo papaa aị sọ ḅa, anị tẹso, sịẹ goyegoye sunsin ọ̀ pịrị ḅa, ọrụ-na-ọrụ-na amịna amakiri ḅụ.

Mịẹfinji 18:2

Ọ̀ nwẹnị kụrọma gele pọkọ kẹ oloku pakama: “Á ḅịkị tẹ! Opu Babịlọnị ma ḅịkị tẹ! Mịọkụ oru na si-atẹmẹ na mie á ḅio anga tẹ ẹkpẹarị ye, sịḅị-ngụngụnmarị tẹ ḅụụ ḅẹlẹma-a afeni mamgba á ḅio angarị.