Jerimaya 5:8 - FỊAFỊA BAỊBỤLỤ

⁸ Ini ma in ḍikiḍikiḅọ ofori owi-asụ amẹẹ tẹ ye fị ḅụụ na gbasịmatẹ aị kịkam, lẹlẹarị tẹ ọrụḅọ-ọrụḅọ mḅọ na kpeki tẹ angarị ḅọ taḅọ ḍukarị.

Jerimaya 5:8 Iomraidhean Croise

Suku-saakị 39:9

Mị warị mẹ ḅio ọ̀ ḅarị ḍụḅa ị̀ nẹngị-a, ị́yẹrị ọ̀ ta gotẹ í sikima ọ̀ kẹ ì kikima gberie-sọ ofori; anịtẹrẹmẹ à tọ-ḅara kẹ mu Tamụnọ ḅụụ ḅụ nwẹn sime opu si-sịḅịḅio-sụa ḅẹ?”

Jobu 31:9

Ì ḅioḅẹngbọ nwẹnị gbọrụ ẹrẹḅọ sọlịma tẹ, tẹ àrị ị̀ na anga gbolomarị ḅọ ḅe ḅọkọ ḅụ sime koru-koru;

Paka-so 20:14

Gbọrụḅọ-sọ jụmọ taḅọ anịanịa jụmọ diḅọ na sẹfị ma.

Paka-so 20:17

Gbọrụḅọ-sọ amịna pembe tomḅọ warị mọnị ma; mḅọ taḅọ anịanịa diḅọ, anịanịa omoniapụ, anịanịa mḅọ pootẹ-anambulo, anịanịa mḅọ yedogi-nama, anịanịa ḅẹẹye-ḅẹẹye tẹ sime mḅọ pịrị ye goyegoye sọ mọnị ma.

Egberima-Ẹkwẹn 6:29

Anị gbọrụ ḅara mẹ mie jụmọ ta na gbọrụ iḅila ọgọnọ mono mẹ siye dogi-ḅo la ḅara. Anị mịẹ ḅọ mịẹ ḅọ ḅụụ-fụka da ḅa.

Jerimaya 13:27

Ori ị́ ẹrị tẹ í ò ḍiki-ḅioḅuarị aị ma mịẹarị. Ori ị́ ẹrị tẹ í oru nimi apụ ma ḍuka muarị tụndụ ma ọgọnọ na ḍụọ ḍiḅi akiri ma ḅio na, tomḅọ mḅọ na kpekitẹ angarị ḅọ taḅọ gotẹ lẹlẹ tẹ à ḍukarị ḅara, anịanịa owi-asụ ịyọrọ gotẹ lẹlẹ ḅara. Jeruselemu ḅẹ apụ ọ́ fa tẹẹ, ọ́ fa tẹẹ! Ó ḅo kpaịn ḅẹ sakị ḅọrọ tọ sakị?

Jerimaya 23:10

Amakiri mẹ ḅụ KỊNỊNYANAḄỌ ḅe ḅioḅẹngbọ kẹ ḅụụ ḅụ gbana na-iḅi-a atomi ḅin tẹẹ; si-sịḅịḅio-sụa ḍumo mie ịn kọn-arị tẹ ịn nyana kụrọ kẹ si-aị mịẹarị. KỊNỊNYANAḄỌ ḅe wori-nume ḅụ amakiri mẹ kururuarị tẹ nama osuka fịarị ayọ ma samụnọtẹ.

Jerimaya 29:23

Miemẹ sime ịn pịrị tẹ ịna ḅụ paka ḅẹ ye sọ ḅa, ịn ḅalafama asi mịẹ tẹ ẹrẹsị — ịn sẹfị tẹ pịkị KỊNỊNYANAḄỌ ḅe ẹrẹ ḅụ iruo aị ḍuko tẹẹ. Miemẹ KỊNỊNYANAḄỌ ḅe ḅiiarị ye na tụḅụrụm; ori ịn mịẹ tẹ ye mẹ nimi wararị, ori ḅẹrẹ-kiri sime-ḅọ sọ tẹ ini na tụḅụrụ wararị.’ ” KỊNỊNYANAḄỌ ḅe ọkọ ḅẹẹm.

Jerimaya 50:11

KỊNỊNYANAḄỌ ḅe mẹẹ, “Babịlonịya ḅẹ apụ, ọmịnị ị̀ sịẹ fọịnm. Ó ḅioḅẹlẹ ma mẹnjị ma-ḅọrọarị tẹ nambulo kịka tẹ mbịaka nanga-nanga sịẹma sararị, owi-asụ kịka tẹ oloku-ma ḅọrọarị,

Jerimaya 9:2

À ḅiiarị mimgbe arị ịkpa ḅio sime-yọ nyanam, arị ì atomi ḅụụ ḅele sime ḅẹ anga, inimgba ḅioḅẹngbọ-kẹ-sịrẹrẹ-niḅi-a apụụ, kịnị kẹ jen-apụ ḅara-ḅio dẹrịmarị inweni-ogbo.

Izikẹlị 22:11

Japụ sẹfịarị, tẹ osi apụ ịna awọmẹ ereme anịanịa ini na gbọrụ ḍaḅọ anịanịa iyingiḅọ iyi eremịna-amịnapụ na tọn-tọnye mịẹarị.

Ditẹrọnọmị 5:18

Gbọrụḅọ-sọ jụmọ taḅọ anịanịa jụmọ diḅọ na sẹfị ma.

Ditẹrọnọmị 5:21

Gbọrụḅọ-sọ amịna pembe tomḅọ warị mọnị ma; mḅọ taḅọ anịanịa diḅọ, anịanịa omoniapụ, anịanịa mḅọ pootẹ-anambulo, anịanịa mḅọ yedogi-nama, anịanịa ḅẹẹye-ḅẹẹye tẹ sime mḅọ pịrị ye goyegoye sọ mọnị ma.