Jerimaya 5:7 - FỊAFỊA BAỊBỤLỤ

⁷ KỊNỊNYANAḄỌ ḅe nwẹnị gbela, “À tiegotẹ ị̀ atomi asi ma wẹrịso ḅẹ? Ini ị̀ kẹ gbin-koroma-so tẹ karakaramatẹ tamụnọ-a aị ma mie in sunsin pịrịarị. Àrị ịn pịrị fị furo ḅinmam, kụma ịn sẹfịm tẹ ama-mẹnjị-ereme na koro-simem.

Jerimaya 5:7 Iomraidhean Croise

2 Paka-aị 13:9

KỊNỊNYANAḄỌ ḅe agbamịẹapụ ma na, Erọnị owiapụ-awọmẹ ma na, Livayị furo-ḅẹ-apụ ma na amụ ọmịnị ịna dee pakama tẹ igoniapụ agbamịẹapụ tọn ḅụ pịrị ḅara kẹ agbamịẹapụ tọn amịna ḅụụ pịrị-a? Ḅo asambịrịma owi-nambulo anịanịa sọnọma ejimina kẹ amịna ḅụụ mịẹ fịafịama ḅọ fịafịama ḅọ ḅo tamụnọ sọ tamụnọ-a ḅẹ aị ma agbamịẹḅọ sọm.

Jobu 31:12

gbala aniemẹ anie fịnị tẹ dọkịma Ḍụẹịn Ama fịrịmarị fịnị, anịsakị anị dọkịma mu ị̀ ḅụụ sọ-ḅo ye mamgba kuno la ḅa.

Devidi-Anume 50:18

Ọmịnị ẹrị furuḅọ goḅọ-goḅọ ọmịna ikiaḅọ, ọ́ pịkị sẹfị-apụ na mẹnjịarị.

Jerimaya 12:16

Ịn nwẹnị ịna ḅioḅẹngbọ mẹmgba kẹ ị̀ atomi Tamụnọ-nimi ḅara mẹ ọkị, tẹ in ye karị ḅẹ sakị ḅẹẹ ḅa, ‘KỊNỊNYANAḄỌ ḅe ḍumo wararị ogbo’ anie gbọrụ sakị ḅụ ini ị̀ atomi toluma tẹ in Balị ḅụ karị-karị ḅara mẹ — anị sakị rẹ mie ini ị̀ atomi ma ḅẹ apụ sọ ḅarịye, tẹ pịkị lolo ḅa.

Jerimaya 13:27

Ori ị́ ẹrị tẹ í ò ḍiki-ḅioḅuarị aị ma mịẹarị. Ori ị́ ẹrị tẹ í oru nimi apụ ma ḍuka muarị tụndụ ma ọgọnọ na ḍụọ ḍiḅi akiri ma ḅio na, tomḅọ mḅọ na kpekitẹ angarị ḅọ taḅọ gotẹ lẹlẹ tẹ à ḍukarị ḅara, anịanịa owi-asụ ịyọrọ gotẹ lẹlẹ ḅara. Jeruselemu ḅẹ apụ ọ́ fa tẹẹ, ọ́ fa tẹẹ! Ó ḅo kpaịn ḅẹ sakị ḅọrọ tọ sakị?

Jerimaya 16:11

Anịtẹso í ḍuko ịn pịrị ḅa mịnẹ KỊNỊNYANAḄỌ ḅe ḍuko tẹẹ, ‘ọmịna elemu aḍapụ ma ị̀ ḅụụ pịkị-som, tẹ sunsin oru-atamụnọ pịrị tẹ fịrịmẹnjị ịn pịrịm. Ini ị̀ kẹ gbin koroma-so tẹ ì toluma aị ma poki tẹ mịẹ-a.

Jerimaya 16:20

Tomḅọ inetẹ mḅọ ḅara-kuḅu ḅẹ atamụnọ mị ḅẹ? Ẹn-ẹn, mḅọ mịẹm ḅẹḅẹ arị karakara atamụnọ sọ ḅịa.”

Jerimaya 2:11

Jen gbọrụ sịẹ sọ amụ amịna atamụnọ ḍima-a, karakaramatẹ arị aị ma tamụnọ-a ḅẹ sọ. Kụma ì atomi tamụnọ nwẹn ḅẹẹ aị tẹ inetẹ gberie-sọ mịẹ ịn pịrị ḅịa aị ma kẹ Tamụnọ tẹ kụn ọkị-ḅo ịn pịrị tẹ ḅọ ḅe kiri ḍima tẹẹ.

Jerimaya 2:31

Izirẹlịapụ, ọmịnị à ḍukoarị ye pokii. Ọmịna ḅụ arị ịkpa kịka tẹ, kanakana tẹ siye dogi-ḅo ḅẹ amakiri kịka tẹ? Ọkọ-a kụma, tiye ẹrẹsị ọ́ ḅẹẹarị mịnẹ ọmịnị ọmịna ḅụụ-ḅẹlẹ ḅẹ ḅara mịẹ ḅa, mịnẹ ọ́ ḅarị jen kẹ pịkị ị̀ dama-ḅo ḅịa?

Jerimaya 23:10

Amakiri mẹ ḅụ KỊNỊNYANAḄỌ ḅe ḅioḅẹngbọ kẹ ḅụụ ḅụ gbana na-iḅi-a atomi ḅin tẹẹ; si-sịḅịḅio-sụa ḍumo mie ịn kọn-arị tẹ ịn nyana kụrọ kẹ si-aị mịẹarị. KỊNỊNYANAḄỌ ḅe wori-nume ḅụ amakiri mẹ kururuarị tẹ nama osuka fịarị ayọ ma samụnọtẹ.

Jerimaya 3:19

KỊNỊNYANAḄỌ ḅe mẹẹ, Izirẹlị, à ḅiim arị ị́ kẹ ì owiḅọ tụḅọ ḅara ọkị tẹ ḅioḅẹlẹmarị amakiri kẹ ị́ pịrị, bebe tomikiri mẹ ḅụ iḅi tẹịn amakiri. À ḅiim ị́ ḍaḅọ kẹ ị̀ sịn, tẹ gbala-gbala ḅarị ị̀ ḅụụ pịkị-so ḅịa ḅara.

Jerimaya 3:8

Juda sọ ẹrịm mịnẹ arị Izirẹlị siya tẹ á dee-pakama tẹẹ, arị ị́ ḅụ so tẹ ama-mẹnjị-ẹrẹḅọ sọ tẹ ẹrẹsị. Kụma, Juda, Izirẹlị si ịyịmbara ma, á ḅalafa-a. Árị sọ ḅo ama-mẹnjị-ẹrẹḅọ sọm,

Jerimaya 7:9

Ó furuarị, kịnị ḅaarị, sẹfịarị, ye karị tẹ iruo aị ḍukoarị, agbamịẹ Balị pịrịarị, tẹ sunsin ó nimi sọ nimi wẹrị-a atamụnọ pịrịarị.

Jerimaya 9:1

À ḅiiarị mimgbe ị̀ sịḅị minji emi suḅe sọm, tẹ ị̀ atọrụngbọ ma owu-minji ngụngụḅa sọm, mịẹ tẹ àrị inetẹ eneḅaka na ḍin na kẹ owu ị̀ atomi ịn ḅaa tẹ apụ ma pịrị tẹẹ.

Jerimaya 9:2

À ḅiiarị mimgbe arị ịkpa ḅio sime-yọ nyanam, arị ì atomi ḅụụ ḅele sime ḅẹ anga, inimgba ḅioḅẹngbọ-kẹ-sịrẹrẹ-niḅi-a apụụ, kịnị kẹ jen-apụ ḅara-ḅio dẹrịmarị inweni-ogbo.

Kururu Owu-apọkọ 3:42

Wa mịẹ-irima tẹ sịḅị-kụrọma tẹ, tẹ amụ si-wẹrịso wa pịrị-a.

Izikẹlị 22:11

Japụ sẹfịarị, tẹ osi apụ ịna awọmẹ ereme anịanịa ini na gbọrụ ḍaḅọ anịanịa iyingiḅọ iyi eremịna-amịnapụ na tọn-tọnye mịẹarị.

Hosiya 11:8

Izirẹlị, ndẹẹ à gotẹ ị́ ḅụ ḅara-siin ḅẹ ḅara? Ndẹẹ àrị inetẹ ị́ kẹ gbin koroma so ḅẹ ḅara? Àrị à kẹ Adima mịẹ ḅara kẹ inetẹ í guluguluma ḅẹm aro? Anịanịa Zeboyimu na mịẹ ḅara kẹ ị́ na mịẹ? Ì ḅioḅẹngbọ ḍụkụ tẹ àrị anị mịẹ ḅịa! À nyana ị́ pịrị ḅẹlẹma kụrọ ḅakam.

Hosiya 13:6

Kụma ọmịnị iḅi ama kiri ḅụ sọ-mu sakị, ọ́ fị furo ḅinmatẹ ye ọmịnị na-iḅim, anị tẹso, ọ́ ḅụụ-gelema tẹ ị̀ kẹ ḅioḅọrọmam.

Hosiya 4:2

In ye minini-minini tẹ in minini ḅara kan-arị; ini iruoarị, kịnị ḅaarị, furuarị, tẹ pịkị sẹfịarị. Si amịẹaị ḅaka-ḅaka-ḅakarị tẹ in tomi ḅaa-ḅaa sararị.

Hosiya 7:4

Inimgba mbasị-apụ tẹ sịḅị-tuu amadaḅọ ḅe pịrị-a apụ famam. Ịn nyana ḍiki-ḅioḅu mẹ fịturu fọị ye ḅio kẹlẹkẹlẹ kọrịarị fịnị kịkarị, anie fịturu mịẹ ḅọ ḅe sụkama-a nwenii ọ̀ fịturu kpoo mẹ tẹlẹma fama tẹ fọị ḅẹ sakị la ye.

Lẹvitikọsị 20:10

Gbọrụ owiḅọ nwẹnị mḅọ na kpeki tẹ angarị ḅọ ta na sẹfị mẹnjị kọn, kọn, ini maa apụ ma, owiḅọ ḅe na, ẹrẹḅọ ma na ini ịn ḅaa ḅa.

Emọsị 8:14

Sameriya ḅẹ oru-afụḅara ma kẹ ye karị tẹ ḅẹẹarị apụ ma, ‘Danị ḅẹ oru-tamụnọ ḅe ẹrẹ ḅụụ’, anịanịa ‘Biyasẹba ḅẹ tamụnọ ḅe ẹrẹ ḅụụ’ — arị apụ ma ịn ḅịkị tẹ ḅarị jen kẹ saakị ḅịa.”

Zẹfanaya 1:5

Ḅẹḅọ-ḅẹḅọ tẹ warị-isun kpọlị tẹ sunsin ịrụa na, akalụ mẹ na, lolia ma na pịrịarị ḅọ, arị mḅọ ḅaa guluguluma ḅa. À pịkị sunsin ị̀ pịrịarị tẹ ye karị tẹ sịḅị-tuu ị̀ pịrịarị tẹ pịkị Mịlịkọmụ nwẹn-sịn oru-tamụnọ ḅe ẹrẹ kẹ ye karịarị ḅọ ḅaa guluguluma ḅa.

Malakayị 3:5

Kụrọmamgba nyana KỊNỊNYANAḄỌ ḅe ḅẹẹm, “À ḅẹrẹkọnḅọ ḅara kẹ ọmịna ogboku tolu-sịẹ ḅa, tẹ anị-gbọrụ-kirikiri ḅẹrẹ ḍuko majịkị-mịẹapụ na, sẹfị-apụ na, ḅẹrẹ-siri ḅụ iruoye ḍukoarị ogbo-sịẹapụ na, fịrị kẹ ọkọ-apụ inomarị apụ na, diapụ-fịtẹ-ereme na ḍapụ-na-iyingiapụ-na-fịtẹ-awọmẹ na igoniapụ na tọrụ-pọnjịarị apụ ọgọnọ gbana ḅa — inimgba tẹ ị̀ mangịma-a apụ ma.”

1 Kọrịntị 6:9

Piki-pikiye-ofori ḅara ḅụ, ó nimi wararị mịnẹ si-sịḅịḅio sụarị ḅọ Tamụnọ Ama-da tẹ ḅẹrẹtọn-arị anga mẹ ḅụ sime ḅịa. Ọmịnị oḅori kẹ ọmịna aḅụụ sịn ma; si amịẹaị mịẹarị apụ, anịanịa oru tẹkẹarị apụ, anịanịa sẹfịarị apụ, anịanịa owiḅọ na ẹrẹḅọ na mịẹ-mịẹ ye kẹ amịna pembema owiḅọ na mịẹarị ḅọ,

1 Kọrịntị 8:4

Mie ḅụ, kẹ agba mịẹ oru pịrị tẹ fịye gboloma ye mẹ ḅụ, wa nimi wararị mịnẹ oru fụḅara mẹ, ofori ye mie anị sịẹ pịrị ye; wa nimi wararị, mịnẹ kpọkpọ gbọrụ Tamụnọ ḅe sikima jen ofori.

Galesiya 4:8

Ḅọrọtẹ sakị, amụ ọ́ Tamụnọ nimi-a sakị, ọmịnị omoni sọ Tamụnọ-a aị pịrị simem.

Ditẹrọnọmị 32:15

Kụma Jẹsurun ḅẹlẹkị sụam, tẹ ḅụọ tẹịnm; ị́yẹrị ḅẹlẹkị sụam, ị́ kpokorom, í ḅo welewelem; anịtẹso ori ọ̀ Tamụnọ ḅe tẹ ọ̀ tẹmẹḅọ ḅe sịkịm, tẹ ọ̀ ḅọrọma mẹ ḅẹ Ịkụ ḅe kombom.

Ditẹrọnọmị 32:21

In ì jikema tẹ arị aniemẹ tẹ tamụnọ-a ye na afana sọ tẹ, ini ịna akpokobịa ma kẹ ị̀ ịganịma tẹẹ. Anị ḅara mie à kẹ ịn jikema tẹ ini inima tẹ tomi-a tomi ma na afana sọ ḅarị ḅara; à ye-nimia gbọrụ opu sịẹ ḅụụ sọ tẹ ini ịganịma ḅa.

Hiburu 13:4

Ama-na-ere-na ḍumo mẹ kịnị mamgba kụn kẹ anị pịrịị, tẹ diapụ na tapụ na ẹrị mịnẹ ịn ḅioḅẹngbọ-kẹ-sịrẹrẹ-niḅi ḅara sime jụmọ-jụmọ pịrịm. Ḅụụ-sima ḍumo kọn-arị apụ na, sẹfị-apụ na Tamụnọ ịn kọn ḅa.

Jemụsị 4:4

Ọmịnị sunsin Tamụnọ pịrị sịkịtẹ atomi! Ó nimi-a mịnẹ ḅẹlẹma nyana tomikiri ḅẹ si-aị pịrị anie Tamụnọ na fịya-a? Tomikiri ḅẹ si-aị ḅẹlẹmaḅọ ḅẹlẹmaḅọ, mḅọ Tamụnọ na fịya-a ḅọ sọ tẹẹ.

Jọsụwa 23:7

mịẹtẹ ọ́ mịanga ọmịna ogbo-ḅio kọn wararị mịna opu asịẹ ma na pikiri pikiri, anịanịa ịna oru-atamụnọ ma ẹrẹ go, anịanịa ịn kẹ ye karị, anịanịa fịrịmẹnjị ịn pịrị, anịanịa sịḅị-tuu ịn pịrị ḅịa ḅara,