Jerimaya 5:5 - FỊAFỊA BAỊBỤLỤ

⁵ À tomi ma ḍọkụma-mu ḅa kụrọ ḅụ, tẹ ini na ẹkwẹn ḅa. Tụkụmaye ịna Tamụnọ ḅiiarị ye in nimi-a, ịn mịẹ ḅẹ ye tẹ KỊNỊNYANAḄỌ ḅe ḅiiarị ye.” Kụma inimgba KỊNỊNYANAḄỌ ḅe kụrọ sịkị tẹ ini ọ̀ ḅịḅịpoki ḍụkụ-a.

Jerimaya 5:5 Iomraidhean Croise

2 Paka-aị 36:14

Tọrọkọ tarị agbamịẹapụ mamgba na, tomi ma na gbọrụ ḅara kẹ gbala-gbala minini nyana-a, tẹ opu asịẹ ma ḅẹ tọn-tọn-aị ma ḍukamẹnjịarị; tẹ KỊNỊNYANAḄỌ ḅe warị mẹ tẹ Jeruselemu ḅụ ọ̀ mịẹ fịafịama ye mẹ pilemam.

Paka-so 32:25

Mozizi ẹrịm mịnẹ tomi ma ḅarị ḅụụ ọlọ-a tẹ kaan-sara tẹ (gbala Erọnị ịn wẹrịso tẹ ini na fịya-a apụ tọrọkọ ḅụ ịn ḅụụ-jịrịma ḅara kẹ ḅụụ ọlọ-a tẹ kaan-sara tẹ ẹrẹsị),

Ayịzaya 1:23

Ọmịna sịḅịdapụ ma kọngọ kụrọmatẹ furuapụ ikiapụ sọ tẹẹ; sakị mamgba in ḍiepịrị-aị na ọḅụ-fịaị na daarị. Gbala-gbala ịn ḍapụ na iyingiapụ na fịtẹ awọmẹ ḍụa, ḍụa-a ḅẹrẹ-siri ḅio, anịanịa diapụ-fịtẹ-ereme poki ini ịna ḅịḅị ḍukoarị sakị.

Jerimaya 2:20

Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ḅẹẹm, “Izirẹlị, iḅere-iḅerea kụra ḅio ị́ ị̀ ḅẹrẹtọn kụrọ mẹ sịkịm; ị́ ḍụkụ tẹ ị̀ ḅịḅịpoki tẹ sunsin ị̀ pịrị-a. Gele tụndụ ọgọnọ goyegoye ḅụ pịkị ḍumo wararị sịn goyegoye suku ḅio í sunsin fịaị pakama-ḅo ḅa nwẹn ḅẹẹ atamụnọ pịrịm.

Jerimaya 2:31

Izirẹlịapụ, ọmịnị à ḍukoarị ye pokii. Ọmịna ḅụ arị ịkpa kịka tẹ, kanakana tẹ siye dogi-ḅo ḅẹ amakiri kịka tẹ? Ọkọ-a kụma, tiye ẹrẹsị ọ́ ḅẹẹarị mịnẹ ọmịnị ọmịna ḅụụ-ḅẹlẹ ḅẹ ḅara mịẹ ḅa, mịnẹ ọ́ ḅarị jen kẹ pịkị ị̀ dama-ḅo ḅịa?

Jerimaya 30:14

Ọmịna ḅẹlẹmapụ mamgba ọ́ kẹ ḅioḅọrọma tẹ; ịn ḅarị jen kẹ ó gboloma ye kẹ ye-sịn-a. À si kẹ ọ́ tọn ḅọ ḅara kẹ owu kẹ ọ́ pakam; ọ́ da fomu-ḅara mẹ kụrọ ḅakam ọmịna asi ḅakam ẹrẹsị ọmịna si-sịḅịḅio sọ ḍụḅam.

Jerimaya 6:13

Ḅẹḅọ-ḅẹḅọ, opu na kala na kura-a ḅọkọ kẹ ngọ kọn ḅẹ ḍọkịarị; ịkịankoroapụ na agbamịẹapụ ma sọ tomi ma inomarị.

Jerimaya 8:7

Nturu afeni sọ pịkịma so-so sakị nimi wararị; olosịkịya amẹẹ, opulo-ngịangịa amẹẹ na minji owolo mịẹ-a anga mẹnjị-mẹnjị opu afeni ma sọ so tomikiri mẹ ḅẹ jen pakịrị mu-mu sakị nimi wararị. Kụma, ị̀ atomi, à kẹ ó ḍikiḍikiarị oloko ma ó nimi-a.

Jerimaya 9:3

Sakị mamgba ịn tẹlẹma wararị iruo aị ḍuko; karakara nakara kịnị mingirima mie ama kiri mẹ daarị. KỊNỊNYANAḄỌ ḅe mẹẹ, “Ị̀ atomi gbọrụ si mịẹ tẹ so jen si mịẹarị, tẹ yẹrị ịna Tamụnọ ḅara kẹ ị̀ ọkị-a.”

Izikẹlị 11:2

Tamụnọ nwẹnị ị̀ ḅẹẹ, “Fịị-fịị tomḅọ, mịna owiapụ ma si aḅẹrẹ tọn wẹrị-wẹrị tẹ si-aị kẹ mịẹ opu ama mẹ tolumarị.”

Emọsị 4:1

Ó miemẹ pokii, ọmịnị Sameriya ḅẹ ereme, tẹ Basani ḅẹ anambulo tẹ ini iḅiọkụ kokoarị aị kịka tẹ tim-tim wararị apụ, si ḅara kẹ ịnyọ nyana-a apụ na mịẹarị apụ, igoin-apụ ma ponomarị, tẹ ịgbanịarị mịnẹ ọmịna diapụ sakị mamgba ọfịrị-iru kẹ ọ́ pịrị ḅuu!

Emọsị 6:1

Anị kpọma ḅalafama ye sọ ọ́ pịrị ḅarị ḅara ḍikii, ọmịnị Zayọnị ḅụ ye ḅụụ-fụkama-a ḅara kẹ angarị apụ na ọmịnị Sameriya ḅụ sime tẹ wa la-la ye ofori ḅẹ ḅara kẹ simearị apụ na — ọmịnị mị opu sịẹ Izirẹlị mẹ ḅẹ opu atomi ọmịnị tẹ ḅarasụa gotẹ tomi ma dama-muarị apụ!

Mayịka 3:11

Opu ama mẹ ḅẹ sịḅịdapụ ọḅụ-fị kẹ ḅẹrẹ-pẹlẹarị, anịḅẹ agbamịẹapụ ọkọ ḅara kẹ Oloko mẹ tolumarị, anịḅẹ ịkịankoroapụ paka-ḅo ye ḍuko kẹ igbigi fị-fị ye ḅiiarị, anịsọ ini mẹẹ, ịn KỊNỊNYANAḄỌ ḅe ḅụụ sịrẹrẹ wararị; “KỊNỊNYANAḄỌ ḅe wamịna ogbo-ḅio ori ofori? Gberie-sọ ḅo wa la ḅịa.”

Malakayị 2:7

Karakara Tamụnọ nimi toluma, anie sime agbamịẹapụ pịrị fịrị. Kịnị mu-mu tẹ ịna aḅara à ḅiiarị ye ḍawọ, ini anie Kụrọmamgba nyana KỊNỊNYANAḄỌ ḅe oku-mẹnjịapụ ẹrẹsị.

Luku 18:24

Jizọsị tomḅọ ḅe ḅioḅẹngbọ siye mẹ ẹrị tẹ ḅẹẹm, “Ngọ-kọnapụ ḅo Tamụnọ Ama-da mẹ suku-ḅio simearị atomi sọ mẹ kpọma ḅụụ-fụkamam!

Luku 19:14

Tomḅọ ḅe ama ḅẹ apụ ọ̀ ḅẹlẹma-a ẹrẹsị ịn nwẹnị oku fịrịma ò tongu pono mu mịnẹ ịn ḅarị ḅii-a ori ịna ama-da.