Jerimaya 5:4 - FỊAFỊA BAỊBỤLỤ

⁴ Anịtẹso à kuromam, “Mịna apụ ma anie papaa igoin tẹ gberie-sọ nimi-a apụ. Ini oḅori ḅara kẹ ye mịẹarị; ịna Tamụnọ ḅiiarị ye in nimi-a, ịn mịẹ ḅẹ ye tẹ KỊNỊNYANAḄỌ ḅiiarị ye.

Jerimaya 5:4 Iomraidhean Croise

Ayịzaya 27:11

Sịn ma aḅara kpatụ tẹ anyị sara tẹ, tẹ ereme arị kolokolo tẹ kẹ fịnị sọmarị. Anị gotẹ ọkọ pakarị ye, tomi ma gberie-sọ fiearị ye naa-a, ịn Tẹmẹ Tamụnọ ḅe in ḍiki-sịḅịjịrị ḅịa, anịanịa ọkụrụkụrụ kalịye kẹ in ḍie.

Ayịzaya 29:12

Ọmịnị anị kẹ ḍiri go ḍin-a ḅọ pịrị tẹ ḅẹẹm mịnẹ ò goo ọ́ pịrị ḅẹ kụma, ori ọ́ pakịrị tẹ ḅẹẹ ḅa mịnẹ ò ḍiri go ḍin-a.

Jerimaya 10:8

Inimgba oḅori atomi famam. Sịn kẹ kara oru-afụḅara ḅụ ịn ḍawọ ḅo ḅẹ ye tiye?

Jerimaya 4:22

KỊNỊNYANAḄỌ ḅe mẹẹ, “Ị̀ atomi apantu sọ tẹẹ; ini ì nimi-a. Oḅori sọarị ḍọkọḍọkọ-awọmẹ mie ịn kịkarị; in yefieye naa nyana-a. Siye mịẹ ḅụ ịna ḅara gbana tẹẹ; kụma iḅiye mịẹ ḅụ ini papaa apụ.”

Jerimaya 7:8

Ḍikii, ọmịnị oḅori-kẹ-kịnịsịn ẹkwẹn ma kẹ ḅiokpọmarị.

Jerimaya 8:7

Nturu afeni sọ pịkịma so-so sakị nimi wararị; olosịkịya amẹẹ, opulo-ngịangịa amẹẹ na minji owolo mịẹ-a anga mẹnjị-mẹnjị opu afeni ma sọ so tomikiri mẹ ḅẹ jen pakịrị mu-mu sakị nimi wararị. Kụma, ị̀ atomi, à kẹ ó ḍikiḍikiarị oloko ma ó nimi-a.

Jerimaya 9:3

Sakị mamgba ịn tẹlẹma wararị iruo aị ḍuko; karakara nakara kịnị mingirima mie ama kiri mẹ daarị. KỊNỊNYANAḄỌ ḅe mẹẹ, “Ị̀ atomi gbọrụ si mịẹ tẹ so jen si mịẹarị, tẹ yẹrị ịna Tamụnọ ḅara kẹ ị̀ ọkị-a.”

Hosiya 4:6

Ị̀ atomi ma ịn fa tẹẹ ini ị̀ kẹ ye-sịn-a ẹrẹsị. Ọmịnị agbamịẹapụ ma ḍụkụ tẹ ị̀ kẹ ye-sịn-a tẹ ì tolumaye sịkịtẹ, tẹ mie ḅụ àrị ọ́ sịkị tẹ ọmịna owiapụ-awọmẹ kẹ ị̀ agbamịẹapụ ḅara ọkị ḅịa.”

Matiyo 11:5

tọrụngbọ-pụụntẹ-apụ inetẹ ye ẹrịarị, ekeliapụ inetẹ mẹnjịarị, sofịnị-obi-kọnapụ ma gwọọ fịafịarị; ḅeri-iningiapụ ye naarị, ịn fịtẹ-apụ saakịmarị fịị ḅụ, tẹ ịn pịkị Iḅi-oku mẹ ḍuko igoin-apụ pịrịarị.