Jerimaya 5:3 - FỊAFỊA BAỊBỤLỤ

³ Tụkụmaye, KỊNỊNYANAḄỌ ḅe ḅioḅẹngbọ kẹ ḅụụ ḅụ gbana na-iḅi ḅara sime ḍumo ẹrị ḅẹ-ḅiiarị. Ọ̀ kụrọma ye kẹ ó fomum, kụma ọ́ bala-a; Ori ọ́ gbẹẹ-kọsịmam, kụma ọ́ ḍụkụ tẹ ye ḍawọ-a. Ọ́ kọngọ-kụrọma tẹ ọmịna asi ḅụ pịkị ḍụkụ-a.

Jerimaya 5:3 Iomraidhean Croise

Suku-saakị 19:34

Anị ḅẹ ene-ḅaa ḅụ, omongi ẹrẹḅọtụḅọ ma nwẹnị arị mbịra kalaḅọ ma ḅẹẹ, “Ḍikii, ḅịẹịn ḍin yẹrị na, ị̀ ḍa na ḅọlọlọ gbolomam, yee wa ọ̀ mịẹtẹ ọ̀ pịkị mị ḍin sọ iru ḅuu, anị sakị mẹ ḅụ ị́yẹrị pịkị mu ori na ḅọlọlọ gboloma ḅa, mịẹtẹ wa wamịna ḍaḅọ ḅụụ ḅụ ḅọrọ tẹ wamịna furo pakama ḅẹ ḅara.”

1 Amadapụ 13:33

Miemẹ ḅọrọ tẹso, Jerobohamụ ò si etela mẹ ḅụ pịkị-a, kụma tomi mamgba ḅụ, ḅẹḅọ-ḅẹḅọ tẹ agbamịẹḅọ sọ ḅẹ ḅii ḅọ goḅọ-goḅọ ọ̀ pịkị kẹ agbamịẹḅọ sọma tẹ kẹ gele anga ma pịrịm.

2 Amadapụ 1:13

Amadaḅọ ḅe nwẹnị pịkị tẹrẹị karama kịnị amesi oyi finji kẹ sịḅịda wararị ọmụ-alaḅọ na ọ̀ kịnị amesi oyi finji ma na kẹ fịrịma. Tẹrẹị karama kịnị amesi oyi finji ma kẹ sịḅịda ọmụ-alaḅọ ḅe nwẹnị kpọlị iwo Ịlayịja ḍọkụma-mu tẹ ọ̀ tọrọkọ kparakị tẹ ọ̀ tẹkẹ, “yei, Tamụnọ Ịkịankoroḅọ, àrị ị́ tẹkẹm yee ì ḍumo na mịna ị̀ afịrịmẹnjịapụ apụ kịnị amesi oyi finji ma aḍumo ma ị̀ tọrụ ḅụụ ye la.

2 Paka-aị 16:9

kẹ gotẹ ọkọ ḅẹẹarị, KỊNỊNYANAḄỌ ḅe atọrụngbọ ma bebe tomikiri mẹ ḍiki tolu tẹ ye goyegoye ẹrịarị, ori ori opu kụrọ kẹ inima tẹ ḅioḅẹngbọ ḅụ ye kẹ ọlọ-ọlọ ọkụ ofori ḅara kẹ ò sọmarị apụ ma ḍie ḅẹ ḅara. Mie ḅụ í oḅori ḅara kẹ ye mịẹ tẹẹ; anịsakị mịọkụ saakị tọrọkọ mu ị́ ọmụ nyana ḅa.”

2 Paka-aị 28:22

Mị gbọrụ Amadaḅọ Ahazi ḅe, ọ̀ ḅụụ-fụka sakị ḅụ sọ ọ̀ paa KỊNỊNYANAḄỌ ḅe ḅụụ minini nyana-a tarị ḅara nẹngịm.

Devidi-Anume 51:6

Aka ofori ḅioḅẹngbọ na karakara na mie í ḅiiarị, ị́ ḅara ḅo nimi kẹ ì kuroma suu ḅinma.

Devidi-Anume 51:8

Yee à ḍereku na ḅioḅẹlẹ na fiearị apọkọ ma naa; karakaraye ị́ ị̀ mgbe ma gbẹẹ-kọsịma tẹ sọ, à pịkị siin jen kẹ ḅioḅẹlẹ ḅa.

Devidi-Anume 55:20

Tarị pịrị-pịrị ị̀ na mẹnjị sime ḅọ ḅe owu kẹ amịna ikiapụ pakam; ori ọ̀ ḅịḅị simam ò minini aị ma ḅụ.

Egberima-Ẹkwẹn 21:29

Karakaraye-mịẹapụ ma amịna aḅụụ nimi wararị; kụma si-sịḅịḅio-sụapụ ma ini ine-ḅara ine-ḅara mịẹ tẹ in sime-a ḅara kẹ tomi ḍiearị.

Egberima-Ẹkwẹn 22:12

KỊNỊNYANAḄỌ ḅe mịẹ tẹ karakara mẹ kpaịn simearị, iruo ẹkwẹn ma sime-ḅara ḍie-pakama ḅụ.

Egberima-Ẹkwẹn 23:35

Ị́ ḅẹẹ ḅa, “In ye kẹ ì fomum; kịnị ì fomu kọsịma-a so ḅịa, kụma à kẹ ḅiokoroma-a (anị mịẹ sakị). Tiye ẹrẹsị arị inetẹ saakị-a? À jen iru ḅiiarị.”

Egberima-Ẹkwẹn 27:22

Í oḅori-ḅọ fomu nwenii ọ̀ fịị-fịị ḅara sime sọ í inetẹ ori oḅori-sọ mẹ fomu siin ḅịa ọ̀ ḅụụ ḅio.

Ayịzaya 26:11

Si kẹ ị́ tọn apụ ma nimi-a mịnẹ í fomu-ḅara kẹ ịn pịrị ḅa. KỊNỊNYANAḄỌ, ịna ḅụụ-jịrịma tẹ mịẹtẹ ịn tọrụsiẹrị; yee ini ị́ tẹlẹma ịn wẹrịma tẹ fomu-ḅara mẹ ḅẹ tọrụsiẹrị da. Kẹ in ḍie ị́ ị́ atomi ma ḅẹlẹma la ḅara.

Ayịzaya 42:25

Mie ḅụ ori ịganị ḅẹ kụrọ wamịna ḅụ ịnọm tẹ wa ọmụ kụrọ-ḅara ḅẹ tọrụsiẹrị ẹrịm. Ori ịganị fịnị kịka tẹ kọrị Izirẹlị ikelemam, kụma gbala-gbala paka sime ye tiye-o tiye-o wa nimi-a; anị ḅụ wa ḍawọ ḅo gberie-sọ ofori.

Ayịzaya 48:4

À nimi wẹrịm mịnẹ ó ḅo kọngọ-kụrọma-apụ sọ ḅa, ikulele kụrọ-ḅara kụrọ tẹ ojo ḍụkụ-ḍụkụ-a ḅara mẹ sime.

Ayịzaya 9:13

Izirẹlịapụ amụ in si ḅụ pịkị-a, KỊNỊNYANAḄỌ ḅe in fomu tẹ sọ, ịn paa pịkịma ọ̀ dama-ḅoa,

Jerimaya 15:7

Amakiri mẹ ḅụ sime ama goyegoye ḅụ à samụnọtẹ asịra wakị sara ḅara kẹ ọ́ kẹ wakị fẹrụ pịrịm. Ì atomi, àrị ọ́ ḅaa gulugulumam, arị ọmịna ḍọkọḍọkọ-awọmẹ ḅaam ọmịnị ọmịna si etela ma dasịẹma-a ẹrẹsị.

Jerimaya 17:23

Ịna elemu-aḍapụ ma poki-a anịanịa anị kẹ ye kala ye sọ sịn. Anie nakara ịn kọngọ-kụrọmam; ini ị̀ ḅịḅị poki ḍụkụ-a anịanịa ị̀ ḅara ye ḍawọ.”

Jerimaya 19:15

mịnẹ Kụrọmamgba nyana KỊNỊNYANAḄỌ, Izirẹlịapụ tẹkẹarị Tamụnọ ḅe, ḍuko tẹẹ, “À ḅẹẹm àrị ọkị-ḅo mịẹ opu ama mẹ na anị kpeki ama ma na ọgọnọ gbana ḅa ḅẹ fomu-ḅara mẹ arị ọkị-ḅo ḅa, ọ́ kọngọ kụrọma tẹ à ḍukoarị ye poki ḍụkụ ḅịa ẹrẹsị.”

Jerimaya 2:30

Arị í fomum, kụma anị gbọrụ iḅi sọ kẹ ị́ mịẹ-a. Ị́ ḍụkụ tẹ arị ị́ datụkụma-a. Í ekirearị ọkụkụ kịka tẹ ị́ ịkịankoroapụ ma ḅaa tẹ.

Jerimaya 3:3

Anie mịẹ tẹ eene ḅarị koro-a, tẹ fẹngụ aya-ḅịḅị ḅẹ nwẹịn-nwẹịn eene mẹ sọ ḅo-a. Ḍiki-tọrụ ḅụ kịngẹ sọ ị́ ama-mẹnjị-ẹrẹḅọ kịkarị; ị́ ḅụụ sọ jịrị-a.”

Jerimaya 32:19

Nimi aị mie ị́ tọn koromarị, tẹ opu kụrọ nyana aị mịẹarị; tomi mịẹarị ye goyegoye ị́ ẹrịarị, tẹ ị́ ịna amịẹaị sime-ḅara ḍiki tẹ gbẹẹ-ye kẹ ịn pịrịarị.

Jerimaya 35:13

Mie Kụrọmamgba nyana KỊNỊNYANAḄỌ, Izirẹlịapụ tẹkẹarị Tamụnọ ḅe ḅẹẹm, “Mu tẹ ḍuko Juda na Jeruselemu na ḅẹ apụ ma pịrịị, ‘Ó tiye gotẹ ị̀ ẹkwẹn ma poki tẹ à ḍuko ye mịẹ ḅịa?’ KỊNỊNYANAḄỌ ḅe gbelarị.

Jerimaya 44:10

Kụma ḅo mịmgba la sọ amụ ọ́ paa ọmịna aḅụụ lẹgịma-a. Amụ ọ́ paa ị̀ kụn tẹ à sụa ọmịna elemu-aḍapụ ma pịrị oloko mamgba ḍiki anga-a.

Jerimaya 7:26

Anịsọ gbọrụḅọ-sọ poki tẹ kẹ ye-sịn-a. Anie nakara ó ḅioḅẹngbọ kụrọma tẹ kọngọ-kụrọma ọmịna elemu aḍapụ ma nẹngị tẹẹ.

Jerimaya 7:28

Í ḍuko ịn pịrị ḅa mịnẹ ịna sịẹ mẹ yẹrị ịn Nyana Tamụnọ ḅe ḅịḅịpoki-poki-a, anịanịa ịn daa tẹ fomu-ḅara ḅụ ye-ḍawọ. Ḅioḅẹngbọ kẹ ḅụụ ḅụ gbana na-iḅi ḅara sime mẹ fịtẹ. Kịnị ḅarị jen kẹ anị gboloma ye ḍuko-a.

Jerimaya 8:5

Ọkọ kụma tiye ẹrẹsị, ì atomi, ọmịnị ị̀ ḅụ pịkị-so tẹ ḅarị pịkị-ḅo-a? Ọmịnị ọmịna oru-afụḅara ma fịnama sịẹma tẹ ḍụkụ tẹ pịkị ị̀ ḍọkụma-ḅoa.

Izikẹlị 2:4

Ini ma anie ḍukoye naa-a apụ, tẹ ị̀ mangịma-a, mie ḅụ yẹrị ị́ kẹ fịrịmarị, ḍuko ịn pịrị yẹrị Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ḍuko ịn pịrịarị ye mẹ.

Izikẹlị 24:13

Jeruselemu, ị́ kọn sẹfị si mẹ í pilema tẹẹ. Tụkụmaye àrị ị́ kpaịnma ḅẹ mịẹm sọ ị́ paa pile tẹ simearị. Ị́ ḅarị jen kẹ kpaịn ḅịa nwenii ị́ ị̀ ịganị ḅẹ kụrọ laa ḅiri laa ḅiri da sakị la ḅa.

Danẹlị 9:13

Mozizi Oloko ma ḅio in ḍuko koroma fomu-ḅara mamgba kẹ wa pịrị ḅụ. Kụma mịọkụ mẹ sọ, yei, KỊNỊNYANAḄỌ, wamịna Tamụnọ, amụ wa ḅụụkụrọma tẹ í ḅioḅẹlẹma-a wamịna asi ḅụ pịkị ḅụ, anịanịa ị́ karakara mẹ ḍukamẹnjị.

Lẹvitikọsị 26:23

“Mie ḅioḅẹngbọ na, ye-mịẹ-ḅara na datụkụma fomu-ḅara mẹ ḅụ ó vuunma pịkị ị̀ da-a, kụma ị̀ na tụḅụrụ ḅara mẹnjị-mẹnjị,

Emọsị 4:10

À si obi kẹ ọ́ fịrịmam, à kẹ Ijiputi fịrịma ye pembe ye. Àrị ọmụ kiri ḅụ ọmịna asawọ ma ḅaam, tẹ ọmịna asụ ma ọkị-som. Ọmịna akpụrụ awarị ma tẹ ó sime tẹ paka-paka mu ọmụgbin-gbin aị ma ḅio fịtẹ oju-oju-oju fụrụ ọmịna anini ḅinmam. Anịsọ ọ́ paa pịkị ị̀ dama-ḅoa.

Emọsị 4:11

“Àrị ọmịna ḅụ ja apụ ḅaa gulugulumam, à kẹ Sọdọmụ na Gomora na ḅaa guluguluma ḅara pembe ḅara. Anịsọ ọ́ pịkị ị̀ dama-ḅoa,” KỊNỊNYANAḄỌ ḅe ḅẹẹarị.

Emọsị 4:6

“Yẹrị anie ḅuru-kụrọ kẹ ọmịna opu ama mamgba pịrị yee, anịsọ ọ́ pịkị ị̀ ḍọkụma-ḅoa.

Emọsị 4:8

Minji ḅuu pọkọ-tarị ḅụ ịnyọ-fa tẹẹ, tọnwa opu ama ḅẹ apụ gbọrụ opu ama mum ini anịjụ minji nyana ḅẹ ḅiokpọ ḅụ, kụma inimgba ḅuu ḅẹ ḅara la-a. Anịsọ ịn paa pịkị ị̀ ḍọkụma-ḅoa.”

Emọsị 4:9

“Àrị ọfịrị ḅụra tẹ fẹrụ kẹ fịrịma tẹ soku-ḅẹ afịaị ma samụnọma famam. Igurube ọmịna warị akaka ḅẹ aḍụọ ma na vaịnị aḍụọ ma na fị siinm, ọmịna figi asịn ma na olivu-asịn ma na. Anịsọ ọ́ pịkị ị̀ ḍọkụma-ḅoa.”

Zẹfanaya 3:7

À kuromam mịnẹ anịtẹso ị̀ atomi mangịma nyana ị̀ pịrị ḅa, tẹ arị ịn da karakarama gotẹ kẹ in fomu ye mẹ daa-ọkị ḅa, mịnẹ ịn ḅarị gbala-gbala à kẹ in toluma ye mẹ kẹ ḅioḅọrọma ḅịa. Kụma ala-a ịn paa elemu ịn mịẹ-mịẹ gbọrụ ḅara mẹ mịẹarị.”

Romu 2:2

Tamụnọ ḅẹrẹ-ḅarasii pẹlẹ ọkọ sime apụ pịrịarị sakị, wa ẹrịm ọ̀ karakara ḅụ emi.

Hiburu 12:9

Wamịna tomikiri ḅẹ aḍapụ wa datụkụma ḅẹ ye ḅụ wa fomuarị sakị, wa ịn mangịmarị. Nwẹnị ọkọ kụma ndẹẹ wa gotẹ anị ḅara nẹngị ḅara kẹ sịḅị-tuu wamịna tẹmẹ anga ḅẹ Ḍaḅọ ḅe pịrị tẹ ḍumo ḅịa ye!