Jerimaya 5:23 - FỊAFỊA BAỊBỤLỤ

²³ Kụma ọmịnị tomi! Ọ́ kọngọ kụrọma tẹ ḅio tọnye-tọnye mịẹarị. Ọ́ pịkị sikima tẹ ì koroma so tẹẹ.

Jerimaya 5:23 Iomraidhean Croise

Devidi-Anume 78:8

Ini ịna elemu aḍapụ ma kịka ḅịa ḅara, anie kọngọ kụrọma na ḅịḅịpoki-a na atomi ma, gbala-gbala Tamụnọ kẹ ḅiokpọma kuroma-kuroma-a apụ ma, tẹ ḅioḅẹngbọ-kẹ-sịrẹrẹ-niḅi ḅara kẹ koro-sime ọ̀ pịrị-a apụ ma.

Devidi-Anume 95:10

Kụra amesi ịna amịẹaị nwẹn kẹ ị̀ ḅụụ siinm. À ḅẹẹm, ‘Ịn sịḅị-tuu ị̀ pịrị-a la ḅara ḍiki! Ini à tọn kuroma aị ma poki tẹ mịẹ ḍụkụ-a.’

Ayịzaya 1:5

Tiye ẹrẹsị ọ́ paa kọngọ-kụrọma ma-mu ḅẹ mọ? Ó ḅiiarị ọ́ paa fomu-ḅara da tọrọkọ-tọrọkọ mu? Izirẹlịapụ, ọmịna asịḅị puu tẹẹ, anịsakị ọmịna aḅioḅẹngbọ sọ obiarị.

Ayịzaya 31:6

KỊNỊNYANAḄỌ ḅe ḅẹẹm, “Izirẹlịapụ, ó si kẹ ị̀ mịẹtẹ ị̀ na tụḅụrụ tẹ. Kụma mịọkụ, ọ́ pịkịma ị̀ ḍọkụma-ḅoo!

Jerimaya 17:9

“Tụḅọ inetẹ tomina ḅioḅẹngbọ sime-ḅara nimi ḅẹ? Jen gberie-sọ ofori oḅori-kẹ-kịnịsịn anị la ye; Anị obi la ḅara ḅụ gwọ-gwọ ọkụ ofori.

Jerimaya 4:17

tẹ ịn Jeruselemu ikelema-koro ḅa, gbala tomi ḍụọ ḍiḅi kiri ẹbịarị ye ọkụ, anie árị atomi kọngọ-kụrọma KỊNỊNYANAḄỌ ḅe pịrị tẹẹ ẹrẹsị. KỊNỊNYANAḄỌ ḅe ọkọ ḅẹẹm.

Jerimaya 5:5

À tomi ma ḍọkụma-mu ḅa kụrọ ḅụ, tẹ ini na ẹkwẹn ḅa. Tụkụmaye ịna Tamụnọ ḅiiarị ye in nimi-a, ịn mịẹ ḅẹ ye tẹ KỊNỊNYANAḄỌ ḅe ḅiiarị ye.” Kụma inimgba KỊNỊNYANAḄỌ ḅe kụrọ sịkị tẹ ini ọ̀ ḅịḅịpoki ḍụkụ-a.

Jerimaya 6:28

Inimgba kọngọ-kụrọma tẹ ḅiotọn ye kịngẹ mịẹarị apụ, ojo na ikulele na kụrọ ḅara kụrọ. Inimgba ḅụrụ-kọsị wararị, mẹnjị ma ḅọrọ tẹ ịba-fị ama ikelema.

Hosiya 11:7

Ini ịgbanịarị ini ị̀ ḅụ pịkị so. Ịna kọngọ jịjịmarị kọngọ-kpọ-sịn mẹ gotẹ ini oloku pakama ḅa, kụma gbọrụḅọ-sọ anị saakị sin ịn pịrị ḅịa.

Hosiya 4:8

Ị̀ atomi asi ḅụ mie ọ́ ḅọrọ tẹ ngọ-kọn-arị, tẹ mie ḅụ ó ḅiiarị in si mịẹ tọrọkọ-tọrọkọ mu.

Zẹfanaya 3:1

Jeruselemu fa tẹẹ, anị ḅụrụ-kọsị tẹ kọngọ-kụrọmarị opu ama mẹ tẹ amịna atomi ponomarị ye mẹ.

Ditẹrọnọmị 21:18

Gbọrụ ḍaḅọ nwẹnị kịnị na kura-a tẹ sịḅị-kụrọ tẹ gbọrụ owiḅọtụḅọ, tẹ ọ̀ ḍa-na-iyingi-na pọkọ poki-a tẹ ini ò fomuarị sọ ori ịn poki poki-a tụḅọ nyana wararị ḅẹḅẹ,

Ditẹrọnọmị 31:27

Kẹ gotẹ ọkọ ḅẹẹarị, arị ọ́ sịḅị-kụrọ la ḅara na, ọ́ kịnị na kura-a la ḅara na, nimi wararị; ḍikii, mịmgba à paa ḍumo tẹ ọmịnị na sime wararị sakị ḅụ sọ ọ́ sịḅị-kụrọma KỊNỊNYANAḄỌ ḅe pịrị tẹ, à fịtẹ so sakị, anị tọ-ḅara la ḅara kẹ ḅaka ḅa!

Hiburu 3:12

Ị̀ na sọ tẹ Kịrayịsị mininiarị apụ, ọmịnị ẹbị, mịnẹ ọmịna ḅụ gbọrụḅọ-sọ ọkọ sime minini-a si ḅioḅẹngbọ nyana tẹ ọḅụ pịkị ḍumo wararị Tamụnọ ḅe gbin-a.