Jerimaya 5:22 - FỊAFỊA BAỊBỤLỤ

²² Yẹrị anie KỊNỊNYANAḄỌ ḅe, ó tiegotẹ ì ḍiki-ḅalafa-a? Ó tiegotẹ oju-sẹkị-a ị̀ tọrọkọ ḅụ? Yẹrị onwin mẹ ḅụ abajị mẹ daasịẹ ḅẹ anga tọn koromam, anị nwẹnị gbamaso daasịẹ anga sọ, saḅa-saḅa yọ. Abajị mẹ inetẹ iwo-na-ideri-na ḅa, kụma anị inetẹ anị saḅa ḅọrọ ḅịa; ọnụngọ ma ḍụrụkụ ḅa, kụma arị inetẹ kan tolu ḅịa.

Jerimaya 5:22 Iomraidhean Croise

Suku-saakị 1:9

Anịtẹso Tamụnọ nwẹnị ḅẹẹ, “Yee So-tọrụ mẹ suku-ḅio simearị minji mẹ kobiri ḅo gbọrụ anga ḅụ sime, tẹ yee samụnọtẹ kpongbo paka.” Tẹ anị ọkọ simem.

1 Amadapụ 13:28

Tẹ ọ̀ nwẹnị dọkụ so, tẹ ori oju-akpakpa ḍọkị ẹrị, anị etela mẹ ḅụ koro-sime wararị tẹ asụ ḅe na, ọkụkụ ḅe na paa anị akaka ḅụ sịẹsime wararị. Ọkụkụ ḅe amụ oju-akpakpa mẹ pẹị-a, amụ ò pịkị asụ ḅe kanị-a.

Jobu 26:10

Bele na kanakana na ogboku ḅụ, ori ejikila mịẹ-pakamam minji mẹ ọgọnọ ḅụ.

Jobu 37:24

Anịẹrẹsị, tomi ò ḍiki-ḅalafarị; ḅẹḅọ-ḅẹḅọ amịna soku-ḅẹ kuroma ḅụ ye-nimi kẹ amịna ḅụụ sịn apụ sịn apụ, ori ịn kẹ ye-sịn-a.

Jobu 38:8

Anịanịa tụḅọ opu tọrụ mẹ kẹ ḅioju suu tẹ ḅọkọ ma ịkasị, anị kiri mẹ suku-ḅio kaan-paka-ḅo sakị;

Devidi-Anume 104:9

Ị́ arị daasịẹ tẹ ḅarị saḅa-ḅọrọ ḅịa anga tọn arị pịrịm, arị ọlọ wẹrị tẹ arị ḅarị jen kẹ kiri mẹ gbaịn ḅịa ḅara.

Devidi-Anume 119:120

Í gotẹ à ḅalafaarị; ḅalafa ị̀ ḅụụ ḅio sọ ḅin tẹ ị́ aḅẹrẹkọn ma ẹrẹsị.

Devidi-Anume 33:7

Ori opu atọrụ mamgba kobiri ḅo gbọrụ anga kuromam; ọ̀ nwẹnị abajị mẹ ḅẹ pokolo ayọ ma kẹ ḅio, ḅio ḅụ ịkasị wẹrị.

Devidi-Anume 46:3

opu atọrụ ma daarị tẹ ọnụngọ ḍụrụkụarị sọ; tẹ tụndụ ma dasịẹma-a ḅara kẹ opuma jikearị sọ.

Devidi-Anume 99:1

KỊNỊNYANAḄỌ ḅe anie amadaḅọọ; tomi ma oju sẹkịarị. Ori tẹmẹ tẹ pamba-sụa aị ma ọgọnọ-jụ ori amịna emine ọgọnọ lẹgị wararị tẹ kiri mẹ jikearị.

Egberima-Ẹkwẹn 8:29

tẹ tọnm tọrụ mẹ ḅẹ aminji ma iwo ori ḅẹẹ ḅara nẹngị ma. À simem ò tomikiri mẹ ḅẹ asuku ma saakị sakị.

Ayịzaya 50:2

Tiye ẹrẹsị ị̀ atomi ị̀ na gbọrụ-ḅịḅị-fiea so àrị in ḅọrọma ḅẹ mu sakị? Tiye ẹrẹsị ini ị̀ ḅịḅị ọkị-a arị in sịn sakị? Àrị à kẹ in ḅọrọma ḅẹ ịnyọ nyana-a mụnọọ? Àrị inetẹ tọn tẹ abajị mẹ samụnọ ḅa, tẹ tọrụ ma pịkị-ḅo ịkpa sọma ḅa, mie tẹ arị ḅio ḅẹ inji ma minji ofori mẹ kẹ fịị ḅa.

Ayịzaya 64:2

Ịna oju sẹkị ḅarị ḅara ḍarịarị minji wa-wa sara kọrị fịnị ọgọnọ sararị ḅara kịka ḅa. Ḅo tẹ ị́ kụrọ kẹ si kẹ ị́ tọn apụ ma ḍie, tẹ mịẹ tẹ sịẹ-sịẹ ma ị́ tọrọkọ ḅụ oju-sẹkị!

Ayịzaya 66:5

Ọ́ KỊNỊNYANAḄỌ ḅe ḍukoarị ye mẹ pokii, ọ̀ mangịma tẹ ọ̀ ḅịḅị pokiarị apụ, “Ọmịnị ì minini wararị ẹrẹsị, ọmịna atomi ma ḅẹ jen-apụ ó ḍiki-ḅioḅu tẹ ḅarị ọmịnị na gbọrụ mịẹ ye sọ mịẹ gboloma ḅẹ ḅii-a. Ini ó kombo tẹ ḅẹẹarị, ‘Yee KỊNỊNYANAḄỌ ḅe ori opu ḍie-pakama tẹ ọ́ ḅọrọma, mịẹ tẹ wa ẹrị tẹ ḍereku ḅẹ ḅara.’ Kụma ini ma ḅioju sọ ịna tọrụ-tuu ḅa!

Jerimaya 10:7

Tụḅọ ị́ kụn ḅịa, sịẹ mamgba amadaḅọ ḅe? Ị́ kụn gbẹm. Ị́ kịka gbọrụḅọ-sọ ofori sịẹ-sịẹ mamgba ḅẹ ye-nimiapụ ma ogboku, anịanịa ịna amadapụ ma ogboku.

Jerimaya 2:19

Ị́yẹrị ḅarana mịẹ si mie ị́ fomu ḅarịye, ị́ ị̀ ḅụụ pịkị-so ye mẹ ḅẹrẹ kọn ị́ ḅara sima ḅa. Ị́ ḍawọ ḅo ḅa anị akụ tẹ kura-a la ḅara ị́ KỊNỊNYANAḄỌ ị́ Tamụnọ ḅe koroma mangị-so ye mẹ tẹ ḅarị jen kẹ ḅioḅẹngbọ-kẹ-sịrẹrẹ-niḅi ḅara sime ị̀ pịrị-a. Yẹrị, Tẹịn-Ḅẹrẹtọn-Kụrọ-Nyana KỊNỊNYANAḄỌ, Kụrọmamgba Nyanaḅọ ḅe ọkọ ḅẹẹm.”

Jerimaya 31:35

KỊNỊNYANAḄỌ ḅe ịrụa mịẹ tẹ anị bele pịrịarị eneḅaka ḅụ, akalụ na lolia ma na nwẹnị ḍin ḅụ ḅịyarị. Ọ̀ tọrụ-minji mẹ jikema tẹ anị ḍụrụkụarị; Kụrọmamgba nyana KỊNỊNYANAḄỌ ḅe anie ori ẹrẹ.

Danẹlị 6:26

Àrị oloko sụarị mịnẹ à daarị tomikiri mẹ ikelema-koro ḅụ, ọrụḅọ-ọrụḅọ Danẹlị Tamụnọ ḅe ḍiki-ḅalafa tẹ ọ̀ mangịma nyanam. “Ori anie ḍumo wararị Tamụnọọ, tẹ ọ̀ ḅẹrẹtọn mu ḅẹẹ-sakị ḅẹẹ-sakị la ḅa. Ori ama-da mẹ gbala-gbala gulugulu ḅịa, tẹ ọ̀ kụrọ gbala-gbala kunoma ḅịa;

Emọsị 4:12

“Anịtẹso, mie ḅụ, Izirẹlịapụ, àrị ó fomu ḅẹ-yearị. À miemẹ mịẹ ḅẹ-yearị ẹrẹsị, ọ́ tẹlẹma tẹ ì fomu-ḅara daa!”

Emọsị 9:6

KỊNỊNYANAḄỌ ḅe So-ḅio ò sime yọ namarị, tẹ So-tọrụ mẹ kẹ fongolo koro tẹ isun sọma tẹ kẹ kiri mẹ gbaịn wararị. Ori abajị aminji ma sịn ọkị tẹ arị kẹ ọsụma kiri mẹ ọgọnọ sararị. Ori ẹrẹ anie KỊNỊNYANAḄỌ ḅe!

Jona 1:16

Mie mịẹ tẹ arụ-dọkụapụ ma kpọma KỊNỊNYANAḄỌ ḅe mangịma tẹ nama kẹ agbamịẹ ọ̀ pịrị tẹ mininim ịn fịrịmẹnjị ọ̀ pịrị ḅa.

Nahọmụ 1:4

Ori opu tọrụ mẹ ḍiki ịganịm, tẹ mịẹtẹ anị samụnọm ọ̀ tọrụ mẹmgba samụnọmam; Basani na Kamẹlị na kpatụ tẹ samụnọm, Lẹbanọnị panga-ḅaa mẹ ḍisim.

Matiyo 10:28

Oju akpakpa mẹ ngẹrị ḅaa tẹ ḅarị inetẹ tẹmẹ mẹ ḅaa ḅịa apụ ma, ọmịnị in gotẹ ḅalafa ma; anie nakara Tamụnọ mie ó mangịma ḅarị ḅọ, anie inetẹ ẹlị ḅio oju akpakpa mẹ na, tẹmẹ na ḅaa guluguluma ḅẹ ḅọ ḅe.

Makị 4:39

Jizọsị nwẹnị saakị-sịẹ tẹ tọn fẹrụ mẹ pịrị, “Yaụụ!” tẹ ori ọnụngọ mẹ ḅẹẹm, “Deinn!” Fẹrụ mẹ biin tẹ bebe tọrụ mẹ kpọma deinm.

Luku 12:5

À kẹ ó ḍie ḅa ó ḍiki-ḅalafaa ḅẹ ḅọ; ọ́ Tamụnọ ḍiki-ḅalafaa, anie ḅaa tẹ pịkị kụrọ nyana tẹ kẹ ẹlị ḅio gbin suu ḅẹ ḅọ ḅe. Ọmịnị ì mininii, ori anie ó mangịma ḅarị ḅọ!

Ditẹrọnọmị 28:58

“Ọ́ ḅụụ ẹbị-ẹbị tẹ mị oloko mẹ ḅẹ ẹkwẹn-aḅịḅị mamgba tẹ mị ḍiri mẹ ḅio kẹẹ wararị aị ma, mịẹtẹ ọmịnị inetẹ mị ebube nyana tẹ ḅalafama ẹrẹ mẹ anie KỊNỊNYANAḄỌ ọmịna Tamụnọ ḅe ẹrẹ mẹ mangịma ḅarị ḅara mịẹ-a ḅẹḅẹ,

Mịẹfinji 15:4

KỊNỊNYANAḄỌ, tụḅọ í mangịma ḅịa? Tụḅọ í opu mẹ ḍuko-pakama ḍụkụ ḅịa? Ị́yẹrị ngẹrị anie fịafịa ḅọ. Tomikiri ḅẹ asịẹ mamgba ḅo tẹ sunsin ị́ pịrị ḅa, kịnị mamgba í iḅi amịẹaị ma ẹrị tẹ ẹrẹsị.”