Jerimaya 5:2 - FỊAFỊA BAỊBỤLỤ

² Ọmịnị ọkịarị ó sunsin KỊNỊNYANAḄỌ ḅe pịrịarị sọ, ó ḍukoarị ye na ó fiearị ye na gberie-a.

Jerimaya 5:2 Iomraidhean Croise

Ayịzaya 48:1

Ó miemẹ pokii, Izirẹlịapụ, ọmịnị tẹ Juda furo ḅụ paka apụ! KỊNỊNYANAḄỌ ḅe ẹrẹ ḅụ mie ó ye karịarị, pịkị ọkịarị mịnẹ ó sunsin Izirẹlị Tamụnọ ḅe pịrịarị kụma ó ḍukoarị ye anie ó fiearị ye anị-a.

Jerimaya 4:2

anị kuraye sọ ḅa ọmịnị ị̀ ẹrẹ ḅụ ye karị-karị. Anịtẹso sịẹ-sịẹ mamgba ị̀ ḅara ḅii ḅa arị in bomaa, tẹ ịn nwẹnị ì tokini ḅa.

Jerimaya 44:26

Kụma mịọkụ ọmịnị Yẹrị KỊNỊNYANAḄỌ ḅe, ì opu kụrọ ẹrẹ mẹ ḅụ minini Ijiputi ḅụ simearị Izirẹlịapụ mamgba pịrị ịlọ mẹ pokii: Gbala-gbala à ḅarị ḍụkụ tẹ ọmịna ḅụ ḅẹ gbọrụḅọ-sọ jen kẹ ị̀ ẹrẹ ḅụ ịlọ minini tẹ ḅẹẹ ḅịa, ‘À ḍumo wararị Tamụnọ ḅe ḅụ karịarị!’

Jerimaya 7:9

Ó furuarị, kịnị ḅaarị, sẹfịarị, ye karị tẹ iruo aị ḍukoarị, agbamịẹ Balị pịrịarị, tẹ sunsin ó nimi sọ nimi wẹrị-a atamụnọ pịrịarị.

Jerimaya 9:2

À ḅiiarị mimgbe arị ịkpa ḅio sime-yọ nyanam, arị ì atomi ḅụụ ḅele sime ḅẹ anga, inimgba ḅioḅẹngbọ-kẹ-sịrẹrẹ-niḅi-a apụụ, kịnị kẹ jen-apụ ḅara-ḅio dẹrịmarị inweni-ogbo.

Hosiya 10:4

Ye ḅio ḅụ ofori ẹkwẹn-ẹkwẹn mie ịna ḅịḅị-ḅio paka-ḅoarị, tẹ ini ịn mịẹ ḅịa aị minini tẹ kẹ mịẹ-mịẹ ye ofori ọḅọkụ fịarị. Tomḅọ la kiri kẹ mḅọ pịrị, ḅo tomḅọ la kiri kẹ mḅọ pịrị-a sọ tẹ, ja ḍiḅi aị ḅaa-ḅaa osuka kịka tẹ ye ḍiḅi ḅẹ tẹ soku tẹlẹma tẹ kiri ḅụ so-pakarị.

Hosiya 4:15

“Izirẹlịapụ ma nwẹnị ḅioḅẹngbọ-kẹ-sịrẹrẹ-niḅi-a ḅara sime ị̀ pịrịarị sọ, yee Juda paa anị gbọrụ si mẹ mịẹ ma. Giligalị anịanịa Bẹtẹlị ḅụ sunsin oru pịrị ma, anịanịa anị anga ḅụ ḍumo wararị Tamụnọ ḅe ẹrẹ ḅụ ye minini.”

Lẹvitikọsị 19:12

Ị̀ ẹrẹ ḅụ iruo ḅara kẹ ye minini tẹ mị ḅara ḅụ ị́ Tamụnọ ḅe ẹrẹ mẹ sima ma. Yẹrị anie KỊNỊNYANAḄỌ ḅee.”

Zẹfanaya 1:5

Ḅẹḅọ-ḅẹḅọ tẹ warị-isun kpọlị tẹ sunsin ịrụa na, akalụ mẹ na, lolia ma na pịrịarị ḅọ, arị mḅọ ḅaa guluguluma ḅa. À pịkị sunsin ị̀ pịrịarị tẹ ye karị tẹ sịḅị-tuu ị̀ pịrịarị tẹ pịkị Mịlịkọmụ nwẹn-sịn oru-tamụnọ ḅe ẹrẹ kẹ ye karịarị ḅọ ḅaa guluguluma ḅa.

Malakayị 3:5

Kụrọmamgba nyana KỊNỊNYANAḄỌ ḅe ḅẹẹm, “À ḅẹrẹkọnḅọ ḅara kẹ ọmịna ogboku tolu-sịẹ ḅa, tẹ anị-gbọrụ-kirikiri ḅẹrẹ ḍuko majịkị-mịẹapụ na, sẹfị-apụ na, ḅẹrẹ-siri ḅụ iruoye ḍukoarị ogbo-sịẹapụ na, fịrị kẹ ọkọ-apụ inomarị apụ na, diapụ-fịtẹ-ereme na ḍapụ-na-iyingiapụ-na-fịtẹ-awọmẹ na igoniapụ na tọrụ-pọnjịarị apụ ọgọnọ gbana ḅa — inimgba tẹ ị̀ mangịma-a apụ ma.”

1 Timoti 1:10

owiapụ na ereme na kura-a ḅara kẹ gboloma ḍumo kọn-arị apụ na owiḅọ na ẹrẹḅọ na mịẹ-mịẹ ye kẹ amịna pembema owiapụ na mịẹarị apụ na, tomḅọ furuarị apụ na iruoarị apụ na, pịkị ḅẹrẹ kọn anga ḅụ, nimi-a ye kẹ nimi ye sọma tẹ ḍukoarị apụ na anịanịa ḅẹẹye-ḅẹẹye tẹ karakara tolumaye na tụḅụrụ wararị ye, mịna aị ma mie in gotẹ oloko sụarị.

2 Timoti 3:5

Tamụnọ etela mẹ ḅụ tọrụngbọ ẹrịarị pakịrị anga mẹ mie ini ọlọ-sịẹma ḅarịye, kụma nwẹnị anị ḅẹ karakara kụrọ mẹ sịkị ḅa. Ọkọ sime atomi ma ḅụ ị́ ḅụụ wẹrị ḅelemaa.

Tayịtọsị 1:16

Ini ọkịarị ịn Tamụnọ nimim, kụma ịna amịẹaị anị pikiarị. Ḍiki-ḅioḅu na ḅịḅịpoki-a na ịna ḅụ emi, ini inetẹ gbọrụ iḅiye sọ mịẹ ḅẹ ḅara sime-a.