Jerimaya 5:17 - FỊAFỊA BAỊBỤLỤ

¹⁷ Ini ọ́ ḍụọ ḅio soku ḅo aị na ọmịna afịaị na fị siin ḅa. Ini ọmịna owiapụ-awọmẹ na eremịna-awọmẹ na ḅaa ḅa. Ini ọmịna anana na ja anama ogbo-ogbo ma na ḅaa sara ḅa, tẹ ọmịna kụrọ-asịn ma na figi-asịn ma na sima guluguluma ḅa. Ọ́ kẹ ḅiokpọmarị ọmụ dasịẹma ḅẹ ama ma ini ịna opu ọmụ-ogbo mẹ kẹ arị guluguluma ḅa.

Jerimaya 5:17 Iomraidhean Croise

Ayịzaya 62:8

KỊNỊNYANAḄỌ ḅe tẹmẹ-la ḅara kẹ ye minini tẹẹ, Tẹ ọ̀ kụrọ ḅụ ori anị mịẹ ḅa; “Ọmịna mbịaka ḅarị jen kẹ si kẹ ọ́ tọn apụ ma fị-fị ye sọ ḅịa, Tẹ ja sịẹ ḅẹ apụ ḅarị jen kẹ ọmịna iru ḅuu ḅịa.

Ayịzaya 62:9

Kụma ọmịnị mbịaka mẹ ḍiḅi tẹ anị kpọọ tẹ pẹlẹ apụ ma Anie anị ḅẹ fịturu mẹ fị tẹ KỊNỊNYANAḄỌ ḅe tokini ḅarịye. Ọmịnị kụrọ mgbọlụ ma tẹlẹma pakama-ḅo tẹ kaịn kobiri apụ ma Anị ḅẹ iru mẹ ḅuu ḅa ị̀ warị mẹ ḅẹ ogigo mẹ ḅio.”

Ayịzaya 65:22

Ịn ḅarị jen kẹ warị nama-nama tẹ jen-apụ arị ḅio anga ḅịa, anịanịa ye ḍiḅi tẹ jen-apụ anị fị. Sịn ḍumo-ene ma sime-ḅara, anie ì atomi ene ma sọ sime ḅarị ḅara; yẹrị sẹlẹ ọkị tẹ apụ ma ịna aḅara ḅẹ akọrịnama iḅi fị alama ḅa.

Jerimaya 1:15

kẹ gotẹ ọkọ ḅẹẹarị, arị ọgọnọ-jụ mẹ ḅẹ asịẹ mamgba sịn ḅoarị. Ịna amadapụ ma ịna emine ma kẹ Jeruselemu ogigo-ḅọkọ dẹẹ ḅa pịkị kẹ anị ḅẹ onu ma ikelema-koro ḅa, pịkị kẹ Juda ḅẹ opu ama ma sọ ikelema-koro ḅa.

Jerimaya 25:37

Deintẹ osuka kiri mẹ ḅo gberie-sọ paka-a tẹ papaa simearị ye sọ ḅa, KỊNỊNYANAḄỌ ḅe owi ịganị ẹrẹsị.

Jerimaya 4:26

Ye pakama-pakama kiri mẹ ḅo ịkpa sọm; anị ḅẹ opu ama ma kan-saram KỊNỊNYANAḄỌ ḅe owi ịganị mẹ ẹrẹsị.

Jerimaya 4:7

Ori ọkụkụ ḅara kẹ ọ̀ ḅọị sime yọ ḅụ Saakị paka sịẹ-sịẹ ma ḅaa-guluguluma ḅẹ ḅara kẹ ḅoarị. Ò Juda ḅaa-guluguluma ḅẹ ḅoarị. Juda ḅẹ opu ama ma kan-sara sime ḅa, tẹ gbọrụḅọ-sọ arị aḅio anga ḅịa.

Jerimaya 5:18

KỊNỊNYANAḄỌ ḅe mẹẹ, “Arị ene ma ḅụ kịngẹ sọ à gbọrsịḅị ị̀ atomi ḅaa guluguluma fama ḅịa.

Jerimaya 50:17

KỊNỊNYANAḄỌ ḅe mẹẹ, “Izirẹlịapụ ma ọkụkụ ḍuka tẹ dee gala-galamatẹ anana ogbo kịkarị. Tarị-tarị, Asiriya tomikiri mẹ daa sime ḅọ ḅe owu kẹ ịn pakam, anịtẹso Ama-da Nebukadineza, Babịlonịya da ḅọ ḅe, ịna mgbe ma kụngụrụm.

Jerimaya 50:7

Ini ẹrịapụ-ẹrịapụ owu kẹ ịn pakam. Si kẹ ịn tọn apụ ma ḅẹẹarị, ‘In si kẹ KỊNỊNYANAḄỌ ḅe mịẹ tẹẹ, tẹ anie ḅụ wa mịẹ ye kura-aye-a. Ịna atẹngịapụ ma KỊNỊNYANAḄỌ ḅe kẹ ḅiokpọmam, tẹ ini ma ḅioju sọ ḅioḅẹngbọ-kẹ-sịrẹrẹ-niḅi ḅara sime ọ̀ pịrị na-iḅim.’ ”

Jerimaya 8:13

“À ḅiim à tomḅọ fịaị soku sakị ò soku aị kobiri ḅara kẹ ì atomi kobiri, kụma mgbọlụ sụa-a kụrọ-sịn mie ịn kịkarị, gbala ịla sịn tẹ ịla mgbọlụ sụa ye ọkụ. Ọkọ ẹrẹsị à minini anị gboloma-a apụ pịrịtẹ ini amakiri mẹ ọkị ịna nye sọmaa.”

Jerimaya 8:16

Si kẹ wa tọn apụ ma mu Danị opu ama sọ tẹẹ; wa ịna asụ ma ọngọrịarị ye naarị. Bebe amakiri mẹ oju-sẹkịarị ini ịna asụ ma olokuarị ye naarị sakị. Si kẹ wa tọn apụ ma wamịna amakiri mẹ na anị ḅio simearị ye goyegoye na, wamịna opu ama mẹ na anị ḅẹ atomi mamgba na guluguluma ḅẹ ḅo tẹ.”

Kururu Owu-apọkọ 2:12

Ini owu-owu ịna iyingiapụ pịrịarị “Fịye na minji na tọ-anga emi?” Ye la wararị owiapụ opu ama mẹ ḅe etela-ogbo ḅụ ịnyọ fa tẹ koro-sime ḅara, ini ịna iyingiapụ ekpe ọgọnọ sime tẹ ịna ịnyọ biinm.

Kururu Owu-apọkọ 2:2

KỊNỊNYANAḄỌ ḅe ọkụrụkụrụ nyana-a ḅara kẹ, Jekọbụ angarị anga mamgba fama tẹ; ọ̀ kụrọ ịganị ḅụ ò Juda ḅẹ ẹrẹḅọtụḅọ ma, kụrọtẹ ḅọị anga mẹ kan-sara tẹ; kụn nyana-a ḅara ḅụ ori ama-da kụrọ mẹ na, anị ḅẹ ḅẹrẹtọn-apụ na kẹ kiri-ḅio kuroma tẹ.

Izikẹlị 36:4

Mie ḅụ, ọmịnị yẹrị Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ḍuko ọ́ pịrịarị ye pokii — ọmịnị tụndụ ma na, kala-tụndụ ma na, ḍawọ ma ma, tụndụ asuku ma na, ọmịnị kaan-sara simearị ayọ ma na, pịkị ọmịnị kịnị mangị-so famatẹ opu ama ma tẹ ikelema-koro wararị asịẹ ma fọịntẹ opu ama ma.”

Hosiya 2:12

Àrị á girepu-aḍụọ ma na figi-aḍụọ ma na guluguluma ḅa, anie á ḅẹlẹmapụ ma kẹ á mẹnjị ịn pịrị fịrị ḅụ á pịrị aị ma. Àrị á girepu-aḍụọ ma na figi-aḍụọ ma na kẹ piri-piri-piri sọma ḅa, tẹ piri-ḅio-ḅẹ anama arị guluguluma ḅa.

Hosiya 8:14

“Izirẹlịapụ ma ama-da opu awarị nama tẹẹ, kụma ini ịn Tẹmẹḅọ kẹ ḅioḅọrọma tẹẹ. Juda ḅẹ apụ kụrọnị opu ama ma nama tẹẹ. Kụma à fịnị fịrịma mu ịna ama-da opu awarị ma na opu ama ma na dọkịma kiri lama ḅa.”

Jowẹlị 2:3

Ini ịna tọrọkọ-jụ sime ye goyegoye gulugulumarị, gbala fịnị ọkụ; ịna ọḅụjụ ḅụ, in ye goyegoye ḅaa-famarị; Ịna tọrọkọ-jụ ḅụ, amakiri mẹ Ideni Ḍụọ iḅi ḅara iḅim, kụma ịna ọḅụjụ ḅụ, gbọrụ piri sọ ofori ḅẹ ịkpa kịkarị. Ịna atọrụ gbarịarị gberie-sọ ofori.

Lẹvitikọsị 26:16

à miemẹ kẹ ọ́ mịẹ ḅa: à bẹkẹ-ḅara-kẹ tẹmẹ-naịn-naịn na, nyana ye goyegoye ḅara-ḅio fa fama na, tọrụngbọ-pụnma ọfịrị na tọn fịrịma tẹ obi na kururu na ḅụ ḍumo guluguluma ḅa. Anịsakị papaa mie ọmịnị ọmịna sịnmgbọlị ḍiḅi ḅarịye, kẹ gotẹ ọkọ ḅẹẹarị, ọmịnị na fịya-a apụ mie anị fị ḅarịye.

Zẹfanaya 3:6

KỊNỊNYANAḄỌ ḅe ḅẹẹarị, “À sịẹ-sịẹ ḅaa fama tẹẹ; àrị ịna opu ama ma kan guluguluma tẹẹ, onu ma na tawa ma na tẹ kirikọn-aị ma sii kọsịtẹ simearị. Opu ama ma ini arị koroma mangị-so tẹẹ; etela ma kịnị ofori ḅara kẹ emi — kiri kọn gbọrụḅọ-sọ ofori.

Malakayị 1:4

Ịsọ furo-ḅẹ-apụ, anie Idọmụ ḅẹ apụ ma ḅẹẹm, “Ịn wamịna ama ma guluguluma tẹẹ, kụma wa siin arị nama ḅa.” KỊNỊNYANAḄỌ ḅe nwẹnị pakịrị, “Yee ịn nama — à pịkị arị kan sara ḅa nwenii tomi ịn sịn ḅa, ‘Si amakiri mẹ tẹ KỊNỊNYANAḄỌ ḅe ịganị nyana pịrị gbamaso wararị sịẹ mẹ.’”

Ditẹrọnọmị 28:33

Opu sịẹ tẹ amụ ó nimi sọ nimi-a apụ ọmịna kiri mẹ na, ọ́ kọrị kọrịnama mamgba ḅẹ mgbọlụ ma fị siin fama ḅa, tẹ ó ponoma-ponoma tẹ sịkọpẹlẹ-a ḅara kẹ ọ́ gbẹẹ kọsịma ngẹrị mie ịn mịẹ ḅarịye,