Jerimaya 5:10 - FỊAFỊA BAỊBỤLỤ

¹⁰ Arị ini na fịya-a apụ kẹ fịrịma tẹ ini ịna kụrọ-asịn ma pẹlẹ-gbin ḅa, kụma ịn gbọrsịḅị arịmgba guluguluma fama ḅịa. Arị ịn ḅẹ tẹ ịn ḅara ma kọlị-kọlị siin ḅa, arị aḅara ma ìnye-a ẹrẹsị.

Jerimaya 5:10 Iomraidhean Croise

2 Paka-aị 12:4

Ọ̀ nwẹnị Juda ḅụ ini ọmụ gotẹ mịẹ kụrọma wararị opu ama ma ọkị ma ḅo Jeruselemu la.

2 Paka-aị 36:17

Ọkọẹrẹsị ọ̀ nwẹnị Babịlọnị ḅẹ apụ ma amadaḅọ ḅe tẹ ịna fịafịa yọ mẹ ḅẹ warị ḅio ḅụ okologie kẹ ịna asambịrịma owiapụ ma ḅaa ḅọ ḅe ọkị-ḅo in da-paka, tẹ sịḅị-kụrụkụrụ nyana asatụḅọ, anịanịa ḅụụ-gboloa iriawọ, omongi tẹ owiḅọ anịanịa kpọọtẹ ḅọ pịrị-a; ori inimgba kẹ ọ̀ ḅara-ḅio sunm.

Jerimaya 2:21

Iḅi tẹịn kụrọ-sịn mgbọlị ḅara ḅụ mie à kẹ ị́ sẹlẹ pakama-ḅo tẹ ị́ kẹ ḍiḅi ye. Kụma í ḅo sime tẹ ḅara ḍikii! Í ḅo ḅụrụ tẹ kẹ mịẹ-mịẹ ye ofori kụrọ kịka tẹẹ.

Jerimaya 25:9

“Arị ó gotẹ ḅịḅị kẹ tomikiri mẹ ḅẹ ọgọnọ-jụ simearị apụ mamgba na ị̀ fịrịmẹnjịḅọ, Babịlonịya ḅẹ amadaḅọ Nebukadineza na fịrịma ḅoarị. Àrị ini ọkị-ḅo tẹ ini owu kẹ Juda na anị ḅio angarị apụ na anị na kpeki wararị asịẹ mamgba na paka ḅẹ-yearị. À mị sịẹ mẹ na anị na kpeki wararị si na guluguluma ḅẹ-yearị, tẹ arị wẹrịso tẹ arị fa gbamaso ḅa, ḍiki-tọrụ ḅụ kpọma ḅalafama tẹ ḅụụ-ịnọ ḅarịye. Yẹrị, KỊNỊNYANAḄỌ ḅe ọkọ ḅẹẹm.

Jerimaya 30:11

Àrị ọ́ ḍọkụma-ḅo tẹ ọ́ ḅọrọma ḅa. Tomikiri ḅẹ asịẹ tẹ arị ọ́ gala-galama mu anga mamgba arị ịn ḅaa guluguluma ḅa, kụma arị ọ́ ḅaa guluguluma ḅịa. À mịẹ tẹ ó fomu-ḅara da ḅa; kụma arị ó fomu ḅẹ sakị, à fomu na-iḅi ḅara kẹ ó fomu ḅa. Yẹrị, KỊNỊNYANAḄỌ ḅe ọkọ ḅẹẹm.

Jerimaya 39:8

Ma ma mịẹarị sakị Babịlonịya ḅẹ apụ ma ama-da opu warị mẹ na, tomi ma awarị ma na dọkịmarị, pịkị Jeruselemu onu mẹ kan-arị.

Jerimaya 4:27

KỊNỊNYANAḄỌ ḅe ọkọ ḅẹẹm mịnẹ bebe tomikiri mẹ ḅo kịnị anga-anga-a yọ sọ ḅa, kụma ọ̀ gbọrsịḅị anị guluguluma fama ḅịa.

Jerimaya 46:28

Àrị ọ́ ḍọkụma-ḅo tẹ ọ́ ḅọrọma ḅa. À sịẹ-sịẹ mamgba guluguluma ḅa, àrị ọ́ gala-gala mu tẹ ayọ ma, kụma ọmịnị rẹ arị ó guluguluma ḅịa. À fomu-ḅara kẹ ọ́ pịrị-a ḅara kẹ ọ́ wẹrịso tẹ ó so ḅịa, kụma àrị ó fomu ḅẹ sakị à fomu na-iḅi ḅara kẹ ó fomu ḅa. Yẹrị, KỊNỊNYANAḄỌ ḅe, ọkọ ḅẹẹm.

Jerimaya 5:11

Izirẹlị na Juda na ḅẹ apụ ma gbọrsịḅị ị̀ kẹ dẹrịma tẹẹ. Yẹrị, KỊNỊNYANAḄỌ ḅe ọkọ ḅẹẹm.”

Jerimaya 5:18

KỊNỊNYANAḄỌ ḅe mẹẹ, “Arị ene ma ḅụ kịngẹ sọ à gbọrsịḅị ị̀ atomi ḅaa guluguluma fama ḅịa.

Jerimaya 5:9

Mịna aị ma gotẹ à fomu-ḅara kẹ ịn pịrị na-iḅi-a, à gbẹẹfị fị na-iḅi-a nwẹn sime sịẹ ḅụ?

Izikẹlị 12:16

À mịẹ tẹ ịna ḅụ boowa apụ ọmụ mẹ ḅio na ḅuru-ḅa mẹ ḅio na, kịrị-kịrị obi ma na ḅio na fịị-a so ḅa, mịẹ tẹ anịanga sịẹ-sịẹ ma ogboku ḅụ in lekiri ḅẹ ḅara ịna amịẹaị ma ḅụụ-ngụngụma la ḅara, tẹ minini ḅa mịnẹ yẹrị anie KỊNỊNYANAḄỌ ḅe.”

Izikẹlị 14:17

Anịanịa kẹ ọkị mịnẹ àrị ọmụ ọkị-ḅom anị bebe amakiri mẹ ḅụ, tẹ ḅaa-guluguluma owuna-aị kẹ tomi na nama ma na fama, gbọrụ ḅara mẹ ḅụ

Hosiya 1:9

KỊNỊNYANAḄỌ ḅe Hosiya ḅẹẹm, “Ọ̀ sịịn, Lo-ami, kẹ gotẹ ọkọ ḅẹẹarị, Izirẹlịapụ ma ị̀ atomi-a, tẹ yẹrị sọ pịkị ịna Tamụnọ-a.”

Emọsị 9:8

Yẹrị Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe mie si-si-si mịẹarị Izirẹlị ḅẹ ama-da yọ mẹ ẹbịarị, tẹ àrị anị fama ḅa tomikiri mẹ ḅụ. Kụma à Jekọbụ furo-ḅẹ-apụ mamgba ḅaa fama ḅịa.”

Matiyo 22:7

Amadaḅọ ḅe nwẹnị ịganị lama; mie ḅụ ori ori ọmụapụ fịrịma mu arị kịnị-ḅaapụ ma ḅaa tẹ ịna ama dọkịmam.