Jerimaya 49:8 - FỊAFỊA BAỊBỤLỤ

⁸ Dedanị ḅẹ apụ, ọ́ pịkị tẹ mangịị! Ọ́ ḅọịị! Àrị Ịsọ furo-ḅẹ-apụ ḅaa fama ḅẹ-yearị, anie fomu-ḅara kẹ ịn pịrị ḅẹ sakị mẹ ḅo tẹ ẹrẹsị.

Jerimaya 49:8 Iomraidhean Croise

Ayịzaya 2:21

KỊNỊNYANAḄỌ ḅe ḅo kiri mẹ jike ḅarị sakị mẹ tomi ịḅụkụ ḅio na ịkụ tụndụ ḅẹ afukuru ḅio na ḅọị ḅa, ḅụụkụrọma tẹ ori ịganị ḅụ mangị-so, tẹ ọ̀ kụrọ na ebube na ḅụ ḅụụ kikima ḅẹ ḅara.

Ayịzaya 21:13

Mie Arebịya gboloma oku mẹ. Ọmịnị Dedanị ḅẹ apụ, amịna etela mẹnjịapụ gberie-sọ paka-paka-a Arebịya ḅẹ amakiri mẹ akpụrụ-warị pike tẹ sime-sime apụ,

Ayịzaya 34:5

KỊNỊNYANAḄỌ ḅe So-ḅio sime tẹ amịna okologie tẹlẹma tẹẹ, mịọkụ anị Idọmụ pẹlẹ ḅa, ini ma tẹ ọ̀ tọn-pẹlẹ ḅaa guluguluma pịrị tẹ apụ ma.

Jerimaya 25:23

Dedanị na, Tẹma na, Buzu na inimgba tẹ sụma-jụ simearị ayọ ma ḅụ emi apụ sọ,

Jerimaya 46:21

Árị ọkọ ḅo ọmụapụ kịngẹ sọ kala anambulo kịka tẹ ḅarasụa nyana á pịrị-a. Ịn sịẹsime tẹ owu-sọ-a; inimgba pịkị tẹ mangịm. Ịna si-so ene ḅo ịn lam, ini ịn ḅaa-guluguluma ḅẹ sakị mẹ.

Jerimaya 48:28

“Ọmịnị Mohabụ sịẹ ḅụ angarị apụ, ọmịnị ọmịna ama ma koroma-so mu tụndụ ma tịkị-tịkị ọgọnọ-jụ angaa. Ọmịnị olosịkịya kịkaa, anie amịna warị kẹ tụndụ akaka puu foo wararị yọ namarị ye ḅẹ.

Jerimaya 48:44

Tẹmẹ-naịn-naịnma ye mẹ gbarị ḅọ gbarị ḅọ, olulu ma ḅio ḅịkị sọ ḅa; tẹ olulu ma akaka kpọlị paka-ḅo ḅọ paka-ḅo ḅọ, ḍiein ma ḅio koro ḅa, KỊNỊNYANAḄỌ ḅe kẹ Mohabụ guluguluma ḅẹ sakị mẹ tọn koroma tẹ ẹrẹsị.

Jerimaya 48:6

Ini mẹẹ: Saramaa, í ḍumo-mangị kọn! Ịkpa ḅio ḅẹ kala asụ mangị ḅara mangịị!

Jerimaya 49:30

Hezọ ḅẹ apụ, Yẹrị, KỊNỊNYANAḄỌ ḅe ọmịna ḅeri nụnụarị, mịnẹ ọ́ mangị faa so mu ḅọị. Ama-da Nebukadineza, Babịlonịya daarịḅọ ḅe ḅẹrẹ-ḅiya ọ́ pịrị tẹẹ, tẹ mie ò ḍukoarị ye:

Jerimaya 49:32

“Ịna ike-sụa-anama ma na ịna anambulo mamgba na ọkịị! Àrị ịn gala-galama pakịrị-pakịrị mu ḅa, arị atomi ma tẹ sịḅị-ḅẹ-inume kịrị-kịrị lẹgịmarị apụ ma, tẹ ḅẹ ḅọkọ-ḅọkọ ḅụ arị opu ḅụụ-fụka ọkị-ḅo ịna ọgọnọ gbana ḅa.

Jerimaya 50:27

Ịna ọmụapụ mamgba ḅaa famaa! Ḅaa pẹị ḅẹ nama ḅaa ḅara kẹ ịn ḅaa! Babịlonịya ḅẹ apụ in si-so ḅụ sọ tẹẹ. Fomu-ḅara kẹ ịn pịrị ḅẹ sakị mẹ ḅo la tẹẹ!”

Jerimaya 6:1

Benijamịnị ḅẹ apụ, ọ́ mangị ye ọ́ la ḅịa yọ muu! Ó Jeruselemu ḅụ mangị-soo! Ó Tẹkowa ḅụ ọdụ ofuroo, tẹ Bẹtị-hakeremu ḅụ fịnị tọnọọ anị kọrị gele tẹ elekima sọ. Opu ḅụụ-fụka na guluguluma na ọgọnọ-jụ ḅụ sime tẹ ḅo ḅẹ-yearị.

Izikẹlị 25:13

Mịọkụ à ḍuko wasamarị mịnẹ à fomu-ḅara kẹ Idọmụ pịrị ḅa tẹ tomḅọ goḅọ-goḅọ na nama goyegoye na ḅaa ḅa anịanga ḅụ. À mịẹ tẹ anị ḅarị kẹ mịẹ-mịẹ ofori anga sọ ḅa, Tẹmanị opu ama mẹ ḅụ ọkị mu Dedanị opu ama mẹ la, tẹ in tomi ma ḅaa ḅa ọmụ ḅio.

Malakayị 1:3

tẹ Ịsọ na ò furo-ḅẹ-apụ na sịkịm. Ịsọ bebe tụndụ amakiri mẹ à fama tẹ anị kẹ gbin koroma piri-ḅio-ḅẹ anama pịrị tẹẹ.”

Malakayị 1:4

Ịsọ furo-ḅẹ-apụ, anie Idọmụ ḅẹ apụ ma ḅẹẹm, “Ịn wamịna ama ma guluguluma tẹẹ, kụma wa siin arị nama ḅa.” KỊNỊNYANAḄỌ ḅe nwẹnị pakịrị, “Yee ịn nama — à pịkị arị kan sara ḅa nwenii tomi ịn sịn ḅa, ‘Si amakiri mẹ tẹ KỊNỊNYANAḄỌ ḅe ịganị nyana pịrị gbamaso wararị sịẹ mẹ.’”

Mịẹfinji 6:15

Anịtẹso tomikiri ḅẹ amadapụ na, ḅẹrẹtọn-apụ na, ọmụ alapụ na ngọ-kọn apụ na, kụrọ-ḅara ḅụ sime apụ na, kirikọn-apụ mamgba na, omoniapụ-o, ḅarana sịḅị nyana apụ-o, fukuru aḅio na ịkụ ma suku-ḅio na mu ịna aḅụụ ḅọịm, tụndụ ma ọgọnọ ḅụ.

Ḅẹrẹkọn-apụ 6:2

Midiyanị ḅara kụrọ Izirẹlị ḅara nẹngịm; tẹ Midiyanị ḅẹ apụ ma gotẹ Izirẹlịapụ ma ịḅụkụ ma tẹ tụndụ ma ḅụ simearị aị ma na, fukuru ma na, ḅụụ ḅọị kụrọ-kụrọtẹ ayọ mịẹ ịna aḅụụ pịrịm.

1 Samụẹlị 13:6

Izirẹlịapụ ma in kpasị tẹ ẹrị tẹso, (kẹ gotẹ ọkọ ḅẹẹarị, in mịẹ ḅẹ ọkụ ḅarị ofori) tomi ma nwẹnị fukuru na, olulu na, ịkụ na, ịḅụkụ na, suḅe na ḅio ịna aḅụụ ḅọị,