Jerimaya 49:7 - FỊAFỊA BAỊBỤLỤ

⁷ Mie Kụrọmamgba nyana KỊNỊNYANAḄỌ ḅe ḍuko ye Idọmụ gboloma ye ḅụ: Idọmụ ḅẹ apụ ma ịna karakara ḅẹrẹkọn fama tẹ aro? Ḅẹrẹ ḍuko in tolumarị apụ ma ịn ḅarị inetẹ jen kẹ ḅẹrẹ ḍuko in toluma-a? Ịna ye-nimi mamgba fa fama tẹ?

Jerimaya 49:7 Iomraidhean Croise

Suku-saakị 25:30

tẹ Ịsọ nwẹnị Jekọbụ ḅẹẹ, “Anị awụ ḅịyarị pikiritẹ fịye mẹ ḅụ kẹlẹ kẹ ị̀ pịrị à fị, gbala ḅuru ị̀ tarị ḅaa tẹ ẹrẹsị!” (Anịẹrẹsị ini ẹrẹ kẹ ọ̀ sịnm Idọmụ.)

Suku-saakị 27:41

Anịsakị mẹ ḅụ boma mẹ tẹ ọ̀ ḍa kẹ Jekọbụ boma ye mẹ gotẹ Ịsọ ò ḍiki-ḅioḅum, tẹ Ịsọ nwẹnị ọ̀ ḅụụ ḅẹẹ, “Ị̀ ḍa ḍuu ḅẹ ene ma kpekiarị, anị sakị mẹ ḅụ arị ị̀ iyimbere Jekọbụ ḅaa ḅa.”

Suku-saakị 32:3

Jekọbụ nwẹnị ọ̀ tọrọkọ, tarị oku-mẹnjịapụ kẹ ori iyimbere Ịsọ fịrịma Idọmụ opu sịẹ mẹ ḅẹ gbọrụ ama Seya ḅụ,

Suku-saakị 36:11

Ẹlịfazị owiapụ-awọmẹ ma anie Tẹmanị na, Ọma na, Zifo na, Getamụ na, Kenazị na.

Suku-saakị 36:15

Mịna apụ ma anie Ịsọ owiapụ-awọmẹ ma ḅẹ sịḅịdapụ ma. Ẹlịfazị, Ịsọ tarị owiḅọtụḅọ (mgbe) ḅe owiapụ-awọmẹ ḅụ sịḅịdapụ (alapụ) ma anie Tẹmanị na, Ọma na, Zifo na, Kenazị na,

Suku-saakị 36:34

Jobabụ fịị tẹso, Usamu, Tẹmanị furo-ḅẹ-apụ ma ḅẹ ḅọ ò kiri ọkị tẹ ama mẹ dam.

Suku-saakị 36:8

Mie ḅụ Ịsọ mu Seya tụndụ ọgọnọ ḅẹ opu sịẹ mẹ ḅio angam; Ịsọ anie Idọmụ.

1 Paka-aị 1:53

Alaḅọ Kenazị na, Alaḅọ Tẹmanị na, Alaḅọ Mibiza na,

Jobu 2:11

Mịọkụ Jobu tẹra ikiapụ nyanam; mịna apụ ma anie Ẹlịfazị, Tẹmanị ḅẹ ḅọ ḅe na, Bilidadị, Suha ḅẹ ḅọ ḅe na, Zọfa, Nahama ḅẹ ḅọ ḅe na. In mị siye mẹmgba tẹ ḅo ọ̀ ḅụụ paka ye mẹ naam, tẹ ọrụḅọ-ọrụḅọ mḅọ sime anga ḅụ sime tẹ ḅom. Ini in ḅo “owu ma!” kẹ ọ̀ ḅẹẹ tẹ ò ḅiokpọma ḅẹ sakị pẹlẹ gbolomam.

Jobu 4:1

Anịtẹso Ẹlịfazị, Tẹmanị ḅẹ ḅọ ḅe nwẹnị ḅẹẹ,

Devidi-Anume 137:7

KỊNỊNYANAḄỌ, Idọmụ ḅẹ apụ mịẹ ye kẹ ḅiokoromaa Jeruselemu ḅịkị ene mẹ ḅụ. In ḍuko siin ḍuko sime ye mẹ kẹ ḅiokoromaa, “Anị kan ḅo kiri lamaa!”

Ayịzaya 21:11

Mie Idọmụ gboloma oku. Gbọrụḅọ Idọmụ ḅụ sime tẹ ị̀ sịn tẹ ḅẹẹarị, “Ama-koru ḅọ, ndẹẹ ḍin mẹ ḅọrọ ḅẹ sakị? Ḍuko ị̀ pịrịị, mu tọ sakị la tẹ ene ḅaa ḅẹ?.”

Ayịzaya 29:14

Mie ḅụ arị ịna ḅụụ-gbiripuma ḅa, in fomu sin, in fomu sin ḅụ. Ye-nimiapụ pịkị ḅo oḅori apụ sọ ḅa, tẹ ịna aka mamgba ḅo mịẹye ḅụ sọ-a ye sọ ḅa.”

Jerimaya 12:14

KỊNỊNYANAḄỌ ḅe mẹẹ, “Izirẹlị na kpekitẹ anga apụ tẹ à kẹ ị̀ atomi Izirẹlị pịrị amakiri mẹ guluguluma apụ ma ḅụ à ḍuko ḅẹ ye emi. Àrị arị si-sịḅịḅio-sụapụ ma ọkị-so ḅa ịna sime-yọ ḅụ, suku-na-suku-na kẹ kiri ḅio ḍiḅi wararị sịn nụnụ pakama-ḅo ḅara, tẹ Juda pụkọ-pakamaḅo ḅa ịna aḅara-ḅio.

Jerimaya 18:18

Anịtẹso tomi ma ḅẹẹm, “Ó yee wa gberie mịẹ Jerimaya gboloma ye ḅụ. Sakị mamgba ye kẹ wa toluma ḅẹ agbamịẹapụ paka ḅa; ḅẹrẹ tọrụ kẹ wa ḍie ḅẹ Ye-nimiapụ na Tamụnọ oku ḍuko wasama ḅẹ ịkịankoroapụ na sọ. Ó yee wa ḅẹrẹ ọkị-ḅo ọ̀ sịḅị gbana, tẹ ò ḍukoarị ye poki mẹ dasịẹma.”

Jerimaya 25:21

Idọmụ na, Mohabụ na, Amọnị na,

Jerimaya 25:23

Dedanị na, Tẹma na, Buzu na inimgba tẹ sụma-jụ simearị ayọ ma ḅụ emi apụ sọ,

Jerimaya 25:9

“Arị ó gotẹ ḅịḅị kẹ tomikiri mẹ ḅẹ ọgọnọ-jụ simearị apụ mamgba na ị̀ fịrịmẹnjịḅọ, Babịlonịya ḅẹ amadaḅọ Nebukadineza na fịrịma ḅoarị. Àrị ini ọkị-ḅo tẹ ini owu kẹ Juda na anị ḅio angarị apụ na anị na kpeki wararị asịẹ mamgba na paka ḅẹ-yearị. À mị sịẹ mẹ na anị na kpeki wararị si na guluguluma ḅẹ-yearị, tẹ arị wẹrịso tẹ arị fa gbamaso ḅa, ḍiki-tọrụ ḅụ kpọma ḅalafama tẹ ḅụụ-ịnọ ḅarịye. Yẹrị, KỊNỊNYANAḄỌ ḅe ọkọ ḅẹẹm.

Jerimaya 49:20

Mie ḅụ ọmịnị à tọn tẹ kẹ Idọmụ ḅẹ apụ mịẹ ḅẹ ye pokii, à pịkị tọn tẹ kẹ Tẹmanị opu ama mẹ ḅẹ apụ ma mịẹ ḅẹ ye. Ịna awọmẹ sọ ini ịna fọnọ so ḅa, tẹ ḅẹḅọ-ḅẹḅọ sịḅị-kanakana ḅa.

Jerimaya 8:9

Ini ọmịna ye-nimi atomi ma kẹ ḅụụ-jịrị ḅio suutẹ, in pikiri-pikiri tẹ ḍiein ḅio koro tẹ. Ini ị̀ ẹkwẹn ma sịkị tẹẹ; mịọkụ ịn nyana nimi mẹ ḅọrọ tọ nimi?

Kururu Owu-apọkọ 4:21

Ḍereku tẹ ḅioḅẹlẹẹ, yei Idọmụ ḅe ẹrẹḅọtụḅọ, Uzu nwẹn-sịn ama mẹ ḅụ angarị ḅọ; kụma ị́yẹrị sọ iru sụa ḅuu ye mẹ ḅọrọ ḅo ị́ la ḅa, í ḅuu tọrụ-ḅaama tẹ ị́ ḅụụ paụma sara ḅa.

Izikẹlị 32:29

“Idọmụ anịanga emi, árị amadapụ na ḅẹrẹtọn-apụ na árị na. Ini ma kụrọ nyana ọmụapụụ, kụma mịọkụ ịn fịtẹ-apụ tomikiri mẹ ḅụ ḅọlọlọ simearị, tarị-ḅụụ sin-a apụ tẹ ọmụ ḅio ḅaa apụ na ini na.

Danẹlị 11:41

Minini pịrị Amakiri mẹ kịngẹ sọ ori ọmụ kẹ koro tẹ kịnị maa ẹndẹ oyi finji finji, oyia akiri oyia akiri, ḅaa ḅa, kụma Idọmụ, Mohabụ na Amọnị ḅụ kirikọn-apụ ma na mangị-so ḅa.

Jowẹlị 3:19

Ijiputi ịkpa sọ ḅa, tẹ Idọmụ kịnị kẹ mịẹ-mịẹye-ofori yọ sọ tẹ kaan-koro sime ḅa, ini owu kẹ Juda paka tẹ anị ḅio mịẹye-ofori apụ ḅaam ẹrẹsị.

Habakọkụ 3:3

Tamụnọ Idọmụ ḅụ sime tẹ siin-ḅoarị, fịafịa Tamụnọ ḅe siin-ḅoarị Paranị ḅẹ tụndụ ma ḅụ. Ori ebube So ma gbaịn-arị, tẹ ò tokini ḅịḅị kiri mẹ ḅin wararị.

Ditẹrọnọmị 23:7

Ọmịnị Idọmụ ḅẹ ḅọ ḍiki-sima ma, kẹ gotẹ ọkọ ḅẹẹarị, ori anie ọmịnị na gbọrụ ḍaḅọ iyi owiḅọ; ọmịnị Ijiputi-ḅẹ-ḅọ ḍiki-sima ma, kẹ gotẹ ọkọ ḅẹẹarị, ọmịnị ori ama ḅio igoni kẹ bịan simem.