Jerimaya 49:5 - FỊAFỊA BAỊBỤLỤ

⁵ Pakịrị-pakịrị ḅụ à tẹmẹ-naịn-naịnmaye ọkị-ḅo ọmịna ọgọnọ gbana ḅa. Ọmịnị-mgba mangị-so ḅa. Ọrụḅọ-ọrụḅọ amịna ḍumo-mangị kọn ḅa, tẹ ọmịna ọmụapụ ma kobiri kpoo ḅụ wẹrị ḅẹ gbọrụḅọ-sọ ḅarị paka ḅịa.

Jerimaya 49:5 Iomraidhean Croise

2 Amadapụ 19:7

Ḍikii, à gbọrụ tẹmẹ kẹ ọ̀ ḅụụ ḅio sụa ḅa tẹ mịẹtẹ ori ịba naa tẹ pịkịma-so ori ama mu ḅa; anịsakị arị ọ̀ mịẹ tẹ ori ama-kuḅu ḅẹ okologie ḅụ ọ̀ ḅịkị ḅa.’ ”

Jobu 15:21

Tẹmẹ-naịn-naịnmarị ye fie ḅara ori aḅeri ḅio emi, ye-sima ḅọ ọ̀ lọkọlọkọ ḅio sọ ḅo ḅa.

Egberima-Ẹkwẹn 28:1

Si-sịḅịḅio-sụa apụ ma mangịarị gbọrụḅọ-sọ in ḍuka-a ogbo, kụma kịnị-mingirima-mingirima-a ḅọ ḅe ọkụkụ ḅiokpọ ḅara kẹ ḅiokpọ wararị.

Ayịzaya 16:3

In Juda ḅẹ apụ ḅẹẹarị, “Ọ́ wa mịẹ ḅẹ ye ḍuko wa pịrị. Ọmịnị eneḅaka ogbo ḅụ deinma ịrụa ofori kikima kịnị pịrịarị sịn kịka tẹ wa gbaịn ḅọrọma, tẹ yee wa ọmịna sịḅị-kikima-yọ ḅụ ịnyọsara. Wamịnị amịna ama koroma ḍumo-mangị kọn-arị apụ; ọ̀ wa kẹ gbọrụḅọ-sọ inetẹ wa ḍọkị-ẹrị ḅịa anga ḅụ ḅọị.

Jerimaya 15:8

Ọmịna amakiri mẹ ḅụ diapụ-fịtẹ-ereme kịẹn-ḅịḅị tuḅu ọgọnọ ḅẹ onwin mgbọlị ma kịẹn-ḅịḅị nẹngịm. Yẹrị ọmịna asawọ ma ḅaam ịna asambịrịma sakị ḅụ tẹ mịẹ tẹ ịna iyingiapụ tọrụsiẹrịm. Ḅiotọn-a ḅara mie à kẹ in fomu ye kururu na opu ḅalafama ye na ḅụ

Jerimaya 16:16

KỊNỊNYANAḄỌ ḅe mẹẹ, “À tọnwa inji-ḅaapụ kẹ fịrịmarị in ḅo mịna atomi ma kun. Anịtẹso à tọnwa piri-deeapụ kẹ fịrịma ḅa, tẹ in mu ịn ḍọkị-ḍọkị tẹ in kun ḅa tụndụ goyegoye na gele-akiri goyegoye na ḍọkị ideri koro ḅụ, pịkị ịkụ ma ḅụ ḅẹ afukuru ma ḅio.

Jerimaya 20:4

KỊNỊNYANAḄỌ ḅe ḅioju ḍuko tẹẹ, “Arị ị́ mịẹ tẹ ị́ ḅalafama ye sọ ị́ ḅụụ na í ikiapụ na pịrị ḅẹ-yearị, tẹ ị́ tọrụngbọ kẹ ẹrịarị ogbo ini inimgba ḅaa ḅa, si kẹ ịn tọn apụ ogie ḅịḅị ḅụ. À Juda ḅẹ apụ mamgba kẹ Babịlonịya ḅẹ amadaḅọ kụrọ suku-ḅio suu ḅẹ-yearị; ori ikoliapụ ḅara kẹ jen-apụ ọkị so ori ama iri mu ḅa tẹ osi apụ ḅaa ḅa.

Jerimaya 46:5

“Kụma à tiye ẹrịarị?” KỊNỊNYANAḄỌ ḅe gbelarị. “Ịn tẹmẹ-naịn-naịn ḅụ pịkị ọḅụ daarị. Ịna ọmụapụ ma ini in dee-pịkị tẹẹ; ḅalafa ịn gbaịn tẹ ini ine-ḅara ine-ḅara kẹ fọnya mangịarị tẹ ọḅụ ḍiki-a.

Jerimaya 49:29

Kụrọ ḅara kẹ ịna akpụrụ-awarị ma ọkịị, pịkị ịna anama ogbo-ogbo ma sọ, ịna akpụrụ-warị kiki-pẹlẹ-aḅịtẹ ma na akpụrụ-awarị ma ḅio sime ye goyegoye na. Ịna ike-sụa-anama ma ọkị tẹ ḍuko tomi ma pịrị, ‘Tẹmẹ-naịn-naịnma ye ọmịnị ikelema-koro wararị-o!’

Jerimaya 6:25

Paka piri ọgọnọ mu kịngẹ sọ wa ḅarị ḅiokpọmatẹ paka mu-a, kịnị-na-fịya-a apụ ma owuna-aị ọlọ tẹ wa ikelema-koro wararị ye mẹ ḅẹ tẹmẹ-naịn-naịn gotẹ.”

Kururu Owu-apọkọ 4:15

“Ó soo! Ọmịnị fịafịa-a apụ,” tomi ọkọ oloku ịn pịrịm Ó soo! Ó soo! Ọ́ ḅara kẹ wa lama ma! Mie ḅụ ịn ḅo karakara nimi-a apụ na, ikele-ikelema ḅọrọarị apụ na sọm; opu asịẹ ma ogbo-ḅio ḅụ tomi ḅẹm, “Ịn ḅarị jen-maaịn kẹ Wamịnị na gboloma tẹ anga ḅịa.”

Emọsị 4:3

Ini ọ́ fọnọ mu onu mẹ ḅụ kpeki tẹịn kaantẹ anga la tẹ ọ́ kẹ wakị pakama ḅa.”

Jọsụwa 2:9

tẹ ịn ḅẹẹm, “À nimi wararị mịnẹ KỊNỊNYANAḄỌ ḅe ama mẹ kẹ ọ́ pịrị tẹ, anịsakị ọmịna ḅalafa mẹ ḅo wamịna ọgọnọ gbana tẹẹ, tẹ tẹmẹ-naịn-naịn ama mẹ ḅio simearị apụ mamgba sanị ḅaarị.”