Jerimaya 49:3 - FỊAFỊA BAỊBỤLỤ

³ Hẹsịbọnị ḅẹ apụ, ọmịnị owu pakamaa! Ini Aị guluguluma tẹẹ! Raba ḅẹ ereme, ó mu ḍụẹịn ḍuu apụ ḅara kẹ kururuu! Ọmịnị akpa ịnwaịn tẹ kẹ ḍuu. Ọ́ mịẹarị ye nimi-a apụ ḅara kẹ mangị ikele-ikelee. Ọmịna tamụnọ Mịlịkọmụ ḅe ini ori na, ori agbamịẹapụ na, amadapụ awọmẹ na kẹ ọ̀ ḅụ sụa ọkị-so jen sịẹ mu ḅa.

Jerimaya 49:3 Iomraidhean Croise

2 Samụẹlị 11:1

Kụra mẹ ḅẹ kala fẹngụ sakị ḅụ, amadapụ paka-mu owu sọ-sọ sakị mẹ, Devidi ori afịrịmẹnjịapụ kẹ Johabụ ḅụ sụam, tẹ ori na, Izirẹlị mẹmgba na, fịrịmam; tẹ ini Amọnị ḅẹ apụ ma ama ma gbaịn-koro tẹ ye simam; tẹ Raba ikelema-koro, tẹ owu pakam. Kụma Devidi Jeruselemu ḅụ simem.

1 Amadapụ 11:33

À miemẹ mịẹ ḅa gbala Sọlọmọnị ì sịkị tẹ mu sunsin igoni oru-atamụnọ Asịtatị, Sayịdọnị ḅẹ ere-oru na; Kẹmosi, Mohabụ ḅẹ oru-tamụnọ na; Mịlịkọmụ, Amọnị ḅẹ oru-tamụnọ na pịrị tẹ ẹrẹsị. Sọlọmọnị ḅarị ì ḅịḅị poki-a tẹ ọ̀ mịẹ-irima tẹẹ, tẹ ḅarị ì oloko ma na à tọn aị ma na koko-a, ọ̀ ḍa Devidi wẹrịtẹ mịẹ ḅara.

1 Amadapụ 11:5

Ọ̀ nwẹnị mu sunsin Asịtarọtị, Sayịdọnị ḅẹ apụ ere-oru na, Mịlịkọmụ, Amọnị ḅẹ apụ tọn-tọn oru-atamụnọ ma pịrị.

2 Amadapụ 23:13

Amadaḅọ ḅe nwẹnị pịkị amadaḅọ Sọlọmọnị Izirẹlị ḅẹ amadaḅọ ḅe Jeruselemu ḅụ ịrụa-saakịarị-anga na, ịn kẹ Kịnị Sima Tụndụ “Koropusiyoni Tụndụ” sịn anga ḅẹ ideri pakịrị ḅụ nama kẹ Asịtatị pịrị Sidọnị ḅẹ apụ tọn-tọn oru pịrị gele-ayeyọ ma pilema.

Ẹzịra 2:28

Bẹtẹlị na Ayị ma ḅẹ owiapụ kịnị oyia asi, si tẹra apụ finji (223).

Ayịzaya 13:6

Akụye ḅụ olokuu! KỊNỊNYANAḄỌ ḅe eneḅaka ḅo kpeki tẹ, KỊNỊNYANAḄỌ ḅe ye guluguluma ḅẹ ene mẹ.

Ayịzaya 14:31

Ọmịnị Filisiteniapụ opu ama mamgba, ọ́ ḅarasụa gotẹ oloku-oloku owu! Ọ́ tẹmẹ-naịn-naịn, ọmịnị-mgba! Tomikiri mẹ ḅẹ ọgọnọ-jụ ḅụ fọọn oḅuto ḅoarị — anie ọmụ-ogbo, ịna ḅụ tẹmẹ lọkọarị ḅọ ofori.

Ayịzaya 15:2

Dibọnị ḅẹ apụ kpọlị iwo tụndụ mẹ ḅẹ tẹkẹ anga mẹ ḅụ owu ḅẹ mu tẹ. Mohabụ ḅẹ apụ kururu ḅụ Nebo na Medeba na opu ama ma gotẹ owuarị. In kururu ḅụ ịna asịḅị na mpọrị na sịn siin tẹ.

Ayịzaya 16:7

Mohabụ ḅẹ apụ ma owu ḅa ini ẹrịarị atọrụsiẹrị ma ẹrẹsị. Inimgba owu ḅa, in Ka-Hẹrẹsị opu ama ḅio ịn fị-fị iḅi fịye mẹ kẹ ḅiokoroma sakị. Anị mịẹ tẹ in ḅioḅẹngbọ-ḅịkị nyana ḅa.

Ayịzaya 23:1

Mie Taya gboloma oku mẹ. Ọ́ dasịẹma-a ḅara kẹ kururu ḅụ owu pakama, ọmịnị abajị ḅio dọkụarịapụ! Taya, ọmịna ama ḅẹ arụ-agba anga mẹ ịn kan guluguluma tẹ; anị ḅẹ awarị ma na, arụ sọ ḅo lụmọ gbin, gbin ayọ ma na in sima fama tẹ. Ọmịna arụ ma Sayịpụrọsị ḅụ pịkịma-ḅo sakị ọ́ pakaye naa ḅa.

Ayịzaya 23:6

Ó kururu ḅụ owu pakamaa, ọmịnị Fonisiya ḅẹ apụ. Ọ́ ḅụụkụrọma tẹ mangị-so Sipeni muu!

Jerimaya 4:8

Mie ḅụ ọmịnị akpa ḅiri, tẹ lee-leema owuu, KỊNỊNYANAḄỌ ḅe owi ịganị mẹ amụ Juda ḅụ pịkị-so-a ẹrẹsị.

Jerimaya 46:25

Kụrọmamgba nyana KỊNỊNYANAḄỌ ḅe, Izirẹlịapụ tẹkẹarị Tamụnọ ḅe, ḍukoarị, “À fomu-ḅara kẹ Amọnị pịrị ḅẹ-yearị, Tibesi tamụnọ ḅe, Ijiputi na anị ḅẹ atamụnọ ma na amadapụ ma na kẹ sụa. Àrị Ijiputi ḅẹ amadaḅọ ḅe na ọ̀ kẹ ḅiokpọmarị apụ mamgba na ọkị

Jerimaya 48:2

Mohabụ tọrụ-gbẹ sime-ḅara mẹ so tẹẹ. Si kẹ ịn tọn apụ ma Hẹsịbọnị ọkị tẹẹ, ịn pịkị ḅịyatẹ in Mohabụ sịẹ mẹ guluguluma ḅa. Nọmụapụ nwẹn-sịn ama mẹ yaụ-sime ḅa ọmụ-ogbo-ogbo mẹnjị mu owu kẹ anị paka ḅa.

Jerimaya 48:20

Ịn pakịrị ḅa: Mohabụ ḅịkị tẹẹ, anị gotẹ owuu, miemẹ tọrụ-tuu ye. Anọnị Tọrụ akaka ḅụ anị ḍuko wasamaa, mịnẹ in Mohabụ guluguluma tẹẹ!

Jerimaya 48:37

Inimgba ịna asịḅị sịn siin tẹ pịkị ịna mpọrị ma sẹịn-siin tẹẹ. Ini ịna aḅara puu-puu tẹ ịnọ paka wararị, tẹ ọrụḅọ-ọrụḅọ akpa ịnwaịn wararị.

Jerimaya 48:7

“Mohabụ, ị́ ị́ ịnyọ na ị́ nyana sara aị na kẹ ḅiokpọmam, kụma mịọkụ í ḅioju sọ ini ị́ nẹngịma ḅa; ị́ tamụnọ Kẹmosi ḅe ini ori ọkị so ḅa, ini ori amadapụ awọmẹ na agbamịẹapụ na ọkị so ḅarị sakị mẹ ḅụ.

Jerimaya 49:1

Mie KỊNỊNYANAḄỌ ḅe ḍuko tẹ ye Amọnị gboloma ye ḅụ: “Ndẹẹ Izirẹlị ḅẹ atomi ma? Gbọrụḅọ sọ ofori ịna amakiri mẹ ḍụa? In tiegotẹ wẹrịso tẹ Mịlịkọmụ tẹkẹarị apụ ma Gadi furo-ḅẹ-apụ ma kiri mẹ ọkị tẹ kẹ amịna nye sọma tẹ anị yọ ḅụ anga?

Jerimaya 51:8

Babịlonịya ḅiotọn-a ḅara kẹ ḅịkị tẹ gulugulu tẹẹ! Á ḍuu!. Obi-gwọ-ḍiri ọkị mu anị ḅẹ ịnọ ma mịẹẹ, tẹ ẹbịsịya anị inetẹ gwọ ḅẹ ḅoto.

Jerimaya 6:26

KỊNỊNYANAḄỌ ḅe ori atomi ḅẹẹarị, “Ọmịnị akpa ḅiri tẹ fọọn ḅio kpeleki. Ọ́ tẹmẹ-akụarị owu-minji ḅụ kururu, gbala tomḅọ amịna kpọkpọ gbọrụ owiḅọtụḅọ owuarị pembe ḅara, bẹkẹ-ḅara-kẹ owu kẹ ọ́ paka tẹ ọ́ ḅaa guluguluma ḅẹ apụ ma gotẹ.

Emọsị 1:15

Anịtẹso ịna amadaḅọ na ọ̀ fịrịmẹnjị-opuapụ na mu jen sịẹ ḅụ sime ḅa, kun-so apụ ḅara ḅụ.”

Zẹfanaya 1:5

Ḅẹḅọ-ḅẹḅọ tẹ warị-isun kpọlị tẹ sunsin ịrụa na, akalụ mẹ na, lolia ma na pịrịarị ḅọ, arị mḅọ ḅaa guluguluma ḅa. À pịkị sunsin ị̀ pịrịarị tẹ ye karị tẹ sịḅị-tuu ị̀ pịrịarị tẹ pịkị Mịlịkọmụ nwẹn-sịn oru-tamụnọ ḅe ẹrẹ kẹ ye karịarị ḅọ ḅaa guluguluma ḅa.

Jemụsị 5:1

Anịsakị mịọkụ, ọmịnị ngọ-kọn apụ, ọmịnị ì pokii! Ọmịnị ó ponoma ḅẹ ḅoarị atọrụsiẹrị ma gotẹ owu tẹ kururuu!

Jọsụwa 7:2

Jọsụwa, Jeriko ḅụ sime tẹ owiapụ kẹ Ayị fịrịmam, Bẹtẹlị ḅụ ịrụa-saakịarị-anga ḅụ simearị Betavini na kpeki wararị ama mẹ, tẹ ịn ḅẹẹm, “Ó muu, tẹ furu ḅara kẹ ama mẹ ḍikii.” Tẹ owiapụ ma mu furu ḅara kẹ Ayị ḍikim.

Jọsụwa 8:1

KỊNỊNYANAḄỌ ḅe nwẹnị Jọsụwa ḅẹẹ, “Ḅalafa, anịanịa ḅụụ-tukutuku ma; owu mẹ sọarị owiapụ mamgba ọkị ị́ ḅụụ sụa, tẹ saakị tẹ iwo Ayị muu. Ḍikii, à Ayị ḅẹ amadaḅọ ḅe na, ori atomi na, ori opu ama na, ori ama na kẹ ị́ ḅara-ḅio ị́ pịrị tẹ.

Jọsụwa 8:28

Anị ḅara mie Jọsụwa kẹ Ayị dọkịma ḅara, tẹ anị kẹ si-aị nguma kpoli sara sọma gbamasom anị wẹrịtẹ sime ḅo mịmgba sọ la ḅara.