Biblia Todo Logo
Bìoball air-loidhne

- Sanasan -




Jerimaya 49:23 - FỊAFỊA BAỊBỤLỤ

23 Mie KỊNỊNYANAḄỌ ḅe Damasịkọsị gboloma ye ḅụ ḍuko ye: “Hamatị na Apadi na opu ama ma ḅio emi apụ ma ḅalaḅalarị, ḅụụ-fụka ịn la tẹ, in si ḅẹrẹ naa tẹẹ ẹrẹsị. Ḅio-sẹsẹ ḅo ịn gbaịn ḅarị ḅara abajị minji ọkụ, tẹ ini inetẹ ịnyọsara sime ḅịa.

Faic an caibideil Dèan lethbhreac




Jerimaya 49:23
35 Iomraidhean Croise  

Ḍin ḅụ mẹ ori, ori ọmụgbin apụ ma ḍiema ye ori na, ori afịrịmẹnjịapụ na nwẹnị ịn ḍuka mangịma mu Hoba, Damasịkọsị ọgọnọ-jụ la.


Kụma Ebiramụ nwẹnị ḅẹẹ, “yei KỊNỊNYANA-TAMỤNỌ, í tiye kẹ ị̀ pịrị ḅẹ, kẹ gotẹ ọkọ ḅẹẹarị, amụ à paa tụḅọ nyana-a? Ì ḍuu fị ḅarị ḅọ anie ḅị Damasịkọsị ḅẹ Ẹlịyeza ḅe”


Anịtẹrẹmẹ ḅioḅẹngbọ ọkụkụ ḅioḅẹngbọ sime-ḅara sime tẹ ḅiokpọ ḅara kẹ kụrọma owu-sọarị owiḅọ ḅe sọ siye ḅụụ la ḅẹ kuroma ḅụ gbọrsịḅị sanị ḅa; kẹ gotẹ ọkọ ḅẹẹarị, Izirẹlị mẹmgba nimi wararị mịnẹ ị́ ḍa anie kụrọ-nyanatẹ opu tomḅọ, anieḅụ inima tẹ ori na simearị apụ ma anie ḅiokpọ ḅara kẹ kụrọma owu-sọarị owiapụ.


Toyi, Hamatị ḅẹ amadaḅọ naam mịnẹ Devidi Adadeza bebe ọmụ-ogbo mẹ nẹngịma tẹ ḅẹ ye ḅụ,


tẹ ọ̀ nwẹnị tomi kobiri tẹ, ịna kẹ sịḅịda tẹ tọrụ fọịn ma ḅọrọarị. Devidi, Adadeza na ọ̀ ḅụụ sọ apụ ma na ḅaa fama tẹrẹmẹ mịẹ-mịẹ mẹ pakaye. Rezọnị na ori atomi na nwẹnị so Damasịkọsị mu, tẹ ịn nwẹnị anịjụ ọ̀ kẹ Siriya ḅẹ amadaḅọ mịẹ.


Asiriya ḅẹ amadaḅọ nwẹnị Babịlọnị na, Kuta na, Ava na, Hamatị na, Sẹfavemu na ḅụ kịnị ọkị-ḅo tẹ kẹ Izirẹlịapụ ma kiri ḅụ Sameriya ḅẹ opu ama ma ḅio kuroma, tẹ ini arịḅẹ opu ama ma ḅio kuro anga.


Hamatị na Apadi na oru-atamụnọ ma ịn tọ-anga ḅụ emi? Sẹfavemu na, Ena na, Iva na oru-atamụnọ ma ịn tọ-anga ḅụ emi? Ịn Sameriya ḅọrọma tẹ ị̀ ḅara-ḅio?


Hamatị na, Apadi na, Sẹfavemu na, Ena na, Iva na ḅẹ amadapụ ma ịn tọ-anga emi?’ ”


Abana na Fapa na, Damasịkọsị ḅẹ atọrụ ma iḅi kẹ Izirẹlị ḅẹ aminji mamgba nẹngị-a? Àrị inetẹ arị aminji ma ḅio ḅiri tẹ fịafịa ḅịa?” Anieḅụ ọ̀ nwẹnị bụrọma vuunma pịkị tẹ mẹnjị-so.


Anịtẹso Asa nwẹnị KỊNỊNYANAḄỌ ḅe warị mẹ ḅẹ ngọ ma ḅụ na, amadaḅọ ḅe warị ḅụ na seleḅa na golu na ọkị tẹ kẹ Bẹnị-hadadị, Siriya ḅẹ amadaḅọ, tẹ Damasịkọsị ḅụ anga ḅọ ḅe fịrịma tẹ ḅẹẹ,


Mịọkụ Idọmụ ḅẹ sịḅịdapụ ma ekpe tukutukuarị Mohabụ ḅẹ tọrọkọ-tarịapụ ma oju sẹkị ịn kun-arị; Kenanị ḅẹ apụ mamgba gbọrsịḅị sanị fa tẹẹ.


Yẹrị Kalino na Kakẹmisi na opu ama ma ọkịm ọmụ ḅụ, pịkị Hamatị na Apadi na opu ama ma sọ. À Sameriya na Damasịkọsị na sọ nẹngịmam.


Anị ene mẹ ḅụ, KỊNỊNYANAḄỌ ḅe pịkị siin jen kẹ ọ̀ kụrọ pakama tẹ ori atomi ma tẹ kirikọn-apụ ma ọkị pịkị warị ḅo ḅa, Asiriya na, Ijiputi na ḅụ, pịkị Patọrọsị na, Sudanị na, Ẹlamụ na, Babịlonịya na, Hamatị na, amakiri ma ḅụ tọrụ akaka ḅẹ akiri ma ḅụ na, tọrụ-minji ḅẹ asọ ma ḅụ sọ.


Ḅẹḅọ-ḅẹḅọ aḅara mḅọ angagbasa ḅụ kpịlasaịma sime ḅa, tẹ ḅẹḅọ-ḅẹḅọ ḅiokpọ sọ so ḅa.


Mịọkụ ịn tọ-anga emi, Hamatị na Apadi na ḅẹ atamụnọ ma? Sẹfavemu ḅẹ atamụnọ ma ịn tọ-anga emi? Ịna ḅụ Sameriya ḅọrọma ḅọ emi?


Hamatị na, Apadi na, Sẹfavemu na, Hina na, Iva na ḅẹ amadapụ ma ịn tọ-anga emi?”


Kụma si-mịẹapụ ma ịnyọsara-a abajị mẹ sime ḅara simem, anie anị ḅẹ ọnụngọ ma gbala-gbala daasịẹ-sịẹ-a tẹ ḅakụ-ḅakụ sọ-sọ ḅoarị ye mẹ, fun na ḅụrụtẹ aị na dogi-dogi sọ-ḅoarị.


Tiye ẹrẹsị? Anị gotẹ ọkọ mịẹ ḅịa ye, Siriya kụrọ anị ḅẹ sịḅịda ama, Damasịkọsị, nẹngị-a, tẹ Damasịkọsị pịkị kụrọ Ama-da Rezini nẹngị-a. Izirẹlị kịngẹ kụma, kụra atesi sọnọ akụra finji sakị ḅụ anị kan-sara la ḅarị ḅara ḅụ anị ḅarị sime tẹ jen kẹ sịẹ ẹrẹ fị ḅịa.


Kụma Babịlonịya ọmụ-ogbo mẹ ịn ḍuka tẹ Jeriko ḅẹ lẹsẹrẹ-kiri mẹ ḅụ Zẹdẹkaya kunm. Anịtẹso ini ori ọkị mu Ama-da Nebukadineza pịrịm, anie Ribila opu ama mẹ ḅio sime-sime ḅọ ḅe, Hamatị kiri ḅụ, tẹ anị anị anga Nebukadineza ḅẹrẹ-pẹlẹ ori ọgọnọ gbanam.


Damasịkọsị, ị́ nyana kiri ḅio paka-ḅo tọnwa aị na opu tuḅoni ngọ ma na ẹrẹsị Helịbọnị na Zaha na ḅụ ḅo waịnị iru kẹ ị́ na tuḅokọnm.


Ó mu tẹ Kalịne opu ama mẹ ḍikii. Anịtẹso ọmịnị Hamatị opu ama mẹ mu tẹ ideri koro mu Filisiteni ḅẹ Gati opu ama mẹ la. Arị iḅi Juda na Izirẹlị na ḅẹ amada-yọ ma nẹngị nẹngị sakị emi? Ịna bebe amakiri mẹ ḍụḅa ọmịna nye nẹngị?


Ịn Ninive ḅaa fama tẹ, tomi anị koroma mangị tẹ, anị fatẹ yọ sọ tẹẹ! Ḅalafa ḅioḅẹngbọ sanịm, ḅụọ-akụkụ sẹkịm, ịnyọ fa tẹẹ, tọrụkuḅu ḅo fọọn ḅịyam.


Mie ḅụ ini iwo mu tẹ ama mẹ ẹnyẹm Zini ḅẹ ịkpa mẹ ḅụ ọkị mu Rehobu ḅụ mẹnjị Ematị muarị anga mẹ kpeki la.


Tẹ tọnwa aḍin ḅọrọm wa ịrụa na lolia na ẹrị-a, kụma erise mẹ paa fie, fie kụrọmarị. Kunoma ḅụ wa ḅụụ sin koroma fịị pịrịm.


mịnẹ ò ḍiri kẹẹ tẹ kẹ ọ̀ pịrị tẹ ọ̀ kẹ Damasịkọsị ḅụ Juu-ḅẹ-apụ ma ama-awarị ma mu, tẹ arị aḅio KỊNỊNYANAḄỌ ḅe Etela mẹ ḍukamẹnjịapụ ẹrị-ẹrị, ini ḅẹ owiapụ-o, ini ḅẹ ereme-o, ori in kun tẹ kẹ pịkị Jeruselemu ḅo ḅẹ ḅara.


À Damasịkọsị jụ simearị sakị, Ama-da Aretasị suku-ḅio sime Ḅẹrẹtọnḅọ ḅe ama ḍikiḍikiapụ tọnm ini opu ama mẹ ḅẹ ogigo-aḅọkọ ma ḅụ, ị̀ ẹbị tẹ ì kun ḅoo,


Fịrịmẹnjị-opuapụ ma ẹkwẹn tọrọkọ mu tomi ma pịrị tẹ ḅẹẹ ḅa: Tụḅọ emi tẹ siye ḅụụ la ḅẹ kuroma nyana tẹ ḅioḅẹngbọ ḅịkị tẹ ḅọ? Yee mḅọ ọḅụ pịkị-so mḅọ warị mu, anieofori mḅọ pembema ḅọ ḅioḅẹngbọ ḅofa mḅọ ḅioḅẹngbọ sanị ḅara sanị.


Kụma ị̀ amịnapụ tẹ ị̀ ḅụụ sọ tẹ mu apụ ma tomi ma ḅioḅẹngbọ mịẹ tẹ anị sanịm ḅalafa ḅụ; anịsọ à gbọrsịḅị KỊNỊNYANAḄỌ ị̀ Tamụnọ ḅe ḍukamẹnjịm.


Wa anị naa gbọrụ sakị wa ḅarị ḅioḅẹngbọ nyana-a tẹ ó gotẹ ḅiokpọ kalịye gbọrụḅọ ḅụụ so kọn-a; anị kẹ gotẹ ọkọ mịẹarị, KỊNỊNYANAḄỌ ọmịna Tamụnọ ḅe anie ori, oriḅe tẹ So-ḅio ḅẹ ọgọnọ-jụ ḅụ na, suku-ḅio tomikiri ḅụ simearị Tamụnọ.


Lean sinn:

Sanasan


Sanasan