Jerimaya 49:22 - FỊAFỊA BAỊBỤLỤ

²² Ini na fịya-a apụ ma owu kẹ ịn paka ḅarị ḅara gbala igo pamba finji sara tẹ fiin ideri-ḅo ḅara. Anị eneḅaka ḅụ Idọmụ ḅẹ ọmụapụ ma ḅalafa ḅarị ḅara iyi la tẹ ẹrẹḅọ ọkụ.”

Jerimaya 49:22 Iomraidhean Croise

Hosiya 8:1

KỊNỊNYANAḄỌ ḅe ḍukoarị, “Akusa farị ama sịn! Wamịnị na fịya-a apụ igo amẹẹ kịka tẹ gbiima fiin ḅo ị̀ amakiri ḅụ sara tẹẹ! Ị̀ atomi àrị ini na mị ọḅọkụ mẹ sima tẹ pịkị kọngọ-kụrọma ị̀ tolumaye pịrị tẹẹ.

Ayịzaya 13:8

Inimgba tẹmẹ-naịn-naịn tẹ akụye ịn nẹngịma ḅa, iyiarị ẹrẹḅọ da-da akụye kịkaye. Ịn jụmọ-jụmọ tọrụ ḅio ḍiki ḅa, ḅalafa ḅụ, tẹ ịna atọrụ ḅịya ḅa ḅụụ-jịrị ḅụ.

Jerimaya 49:24

Damasịkọsị ḅẹ apụ ma ịn kụrọ-a, tẹ ịn mangị tẹẹ opu ḅalafa ḅụ. Ini akụye na ḅioḅẹngbọ-si na ḅio emi, iyi la tẹ ẹrẹḅọ ọkụ.

Jerimaya 30:6

Mịọkụ daasịẹ tẹ kuromaa! Owiḅọ inetẹ tụḅọ iyi pakama-ḅo ḅẹ? Tiye ẹrẹsị arị owiḅọ goḅọ-goḅọ ẹrịarị ori amịna aḅara kẹ ò furo gbana wararị iyi la tẹ ẹrẹḅọ ọkụ? Tiye ẹrẹsị ḅẹḅọ-ḅẹḅọ bosolo wararị?

Jerimaya 6:24

Jeruselemu ḅẹ apụ ḅẹẹarị, “Wa paka ye mẹ naa tẹẹ, tẹ wamịna aḅara wamịna akaka kpịlasaịma koro-sime tẹẹ; opu tẹmẹ-akụ wamịna ḅụ sọ tẹẹ, iyi laa tẹ ẹrẹḅọ ọkụ.

Jerimaya 4:13

Ḍikii, kịnị-na-fịya-a ḅọ ḅe oḅuto ḅara kẹ ḅoarị, ò kirimẹnjị-ọmụarụ ma nume-naowu kịkarị, tẹ ori asụ ma mangị igo amẹẹ nẹngịm. Wa fa tẹẹ! Ḅọrọma ḅarị sime wa pịrị-a!

Ditẹrọnọmị 28:49

Ala-jụ tomikiri mẹ ḅẹ kunoma ḅụ mie KỊNỊNYANAḄỌ ḅe gbọrụ opu sịẹ ọkị-ḅo ọ́ da-paka ḅarịye, igo fiin ḅara fiin-arị opu sịẹ, ọmịnị ịn fiearị ama-ḅịḅị fiearị ye naa-a ḅẹ gbọrụ opu sịẹ.

1 Tẹsalonịka 5:3

Tomi “Ye goyegoye kpaịn fama tẹ, wa la-la ye ḅarị ofori,” ḅẹẹarị ogbo mie, ḅiotọn-a ḅara ḅụ, ịn ḅaa guluguluma ḅarịye ḅo ịn bịan sịẹ ḅarịye. Anị kẹ ḅo ḅarị ḅiotọn-a ḅara mẹ kịka ḅarịye anie iyi akụ bẹkẹ ḅara kẹ ḅo iyi la tẹ ẹrẹḅọ la ḅara pembe ḅara, tẹ tomi anị ḅio pụkọ-paka so ḅịa.

Danẹlị 7:4

Tarị ye ḅe ọkụkụ kịkam, kụma igo kịka tẹ maa apamba-sụam. À paa kweinma ḍikiarị ogbo ịn pamba ma anyịma siinm. Ịn nama ḅe saakị-gelema tẹ ọ̀ kẹ tomḅọ kịkama sịẹmam. Anịtẹso ịn tomina kuroma kẹ ọ̀ pịrịm.

Jerimaya 22:23

Ọ́ gbala-ḅọrọ Lẹbanọnị asida ma ogboku ḅo aị ḅara kẹ ye-ḅụụ-la-a ḅara kẹ ịnyọsara simearị, kụma anị kpọma sịḅị-jịrịmaye sọ ọ́ pịrị ḅa ḅo ọ́ la ḅarị akụ ye ḅụ, anị iyiarị ẹrẹḅọ daarị akụye kịka ḅa.

Jerimaya 13:21

Ndẹẹ í ḍuko ḅẹ ye, ị́ kẹ í ikiapụ sịn-arị apụ ḅo owu kẹ ị́ paka tẹ ị́ nẹngịma tẹ ḅẹrẹtọn ị́ pịrị kụma?” Ị́ akụye ḅụ sọ ḅa, tụḅọ iyiarị ẹrẹḅọ ọkụ.

Jerimaya 4:31

Àrị owu pọkọ naam, iyi la tẹ ẹrẹḅọ ọkụ, Oloku ḅịḅị mẹ kịrarama fie ḅara tarị tụḅọ iyiarị ẹrẹḅọ ọkụ. Anie kpọma-ḅẹlẹmarị Jeruselemu owu pọkọọ, kụma á ḅụụkụrọma ịnyọsararị, arị á ḅara sụn-pakama tẹ ḅẹẹarị, “À ḅarị ḅọrọma ḅịa! Ini ị̀ ḅaa ḅẹ ḅoarị!”

Ayịzaya 26:17

Ị́yẹrị, KỊNỊNYANAḄỌ, mịẹtẹ wa owu pakam, anie iyi la tẹ ẹrẹḅọ akụye ḅụ owu pakama ḅara.

Ayịzaya 21:3

Ịkịan mẹ ḅụ arị ẹrị ye na naa ye na opu ḅalafaa na akụ na kẹ ị̀ ḅụụ ḅio suu tẹ, ẹrẹḅọ iyiarị tẹ da-da akụ pembe ye.

Devidi-Anume 18:5

Ị̀ ḅaa ḅẹ ye ḅo ì ikelema-korom, tẹ ḍuḅu mẹ amịna ḍiein tuu ị̀ pịrịm.

Egberima-Ẹkwẹn 30:19

So-tọrụ fiin-arị igo, ịkụ ọgọnọ mẹnjịarị oronwi, abajị ḅio amịna muarị yọ ḍọkị nimiarị onwi-arụ, na owiḅọ na ẹrẹḅọ na ḅo jụmọ-jụmọ ḅẹlẹmarị ḅara na.

Ayịzaya 11:14

Ịn gbọrụ ḅụ sime tẹ owu kẹ Filisiteniapụ paka ḅa, ịrụa-ideriarị-anga anga mẹ ḅụ, tẹ pịkị ịrụa saakịarị anga sime apụ ma aị fọịn ḅa. Ini owu-kiri ḅụ Idọmụ na Mohabụ na ḅẹ apụ ma nẹngịma ḅa, tẹ Amọnị ḅẹ apụ sịḅị-tuu ịn pịrị ḅa.

Jerimaya 50:36

Fị sime iruo ịkịankoroapụ pịrịị; ini oḅori-sọ la ḅara ḍikii! Fị sime anị ḅẹ ọmụapụ pịrịị; ịn tẹmẹ-naịn-naịn la ḅara ḍikii!

Obadaya 1:9

Tẹmanị ama ḅẹ ọmụapụ ma tẹmẹ-naịn-naịn ḅa, tẹ Idọmụ ḅẹ ọmụḅọ goḅọ-goḅọ ịn ḅaa ḅa.

Jerimaya 50:43

Babịlonịya ḅẹ amadaḅọ ịba mẹ naarị, tẹ ori angagbasa kpịlasaịma koro-sime wararị. Akụ ye ḅo ọ̀ la tẹẹ, ḅo iyi laa tẹ ẹrẹḅọ la-la akụye ọkụ.