Jerimaya 49:18 - FỊAFỊA BAỊBỤLỤ

¹⁸ Sọdọmụ na Gomora na ḅụ paka gberie mẹ mie Idọmụ ḅụ paka ḅarịye, anie ini na ịna kpeki ama mamgba na fịị gulugulu sakị mẹ. Gbọrụḅọ sọ ḅarị jen kẹ anịanga anga ḅịa. Yẹrị, KỊNỊNYANAḄỌ ḅe, ọkọ ḅẹẹm.

Jerimaya 49:18 Iomraidhean Croise

Jerimaya 49:33

Hezọ ịkpa sọ ḅa, ḅẹẹ-sakị ḅẹẹ-sakị ḅụ, piri-obiri kịngẹ angarị yọ. Gbọrụḅọ sọ ḅarị jen kẹ anị yọ anga ḅịa. Yẹrị, KỊNỊNYANAḄỌ ḅe, ọkọ ḅẹẹm.”

Ditẹrọnọmị 29:23

Bebe ama mẹmgba sọlụfọ nwẹn sịn ye-dọkịmaye na fụn na anị gbaịn ḅa; anị ḅụ ḍiḅi gberie sọ so-paka ḅịa, osuka sọ inetẹ so-paka ḅịa anga. Bebe ama mẹ Sọdọmụ na Gomora na Adima na Zeboyimu na, tẹ KỊNỊNYANAḄỌ ḅe ò ye ḅụụ-ḅẹsọ na, ịganị ḅụ na fama opu ama ma fa tẹ sime-ḅara sime ḅa.

Zẹfanaya 2:9

Piki-pikiye-ofori ḅara ḅụ yẹrị anie Izirẹlị ḅụ ḍumo wararị Tamụnọ ḅe sakị goyegoye, à karị tẹ ḅẹẹarị mịnẹ ịn Mohabụ na Amọnị na ḅaa guluguluma ḅẹ-yearị ịn Sọdọmụ na Gomora ḅaa guluguluma ḅara mẹ kịka ḅara. Arị ḅe fụn otolo-otolo yọ sọ ḅa, sii kọsị gbamaso ḅarị yọ, piri gbaịntẹ anga. Ị̀ atomi ḅụ fịị-a so ḅarị apụ ịna aị fọịn tẹ ịna kiri ọkị ḅa.”

Emọsị 4:11

“Àrị ọmịna ḅụ ja apụ ḅaa gulugulumam, à kẹ Sọdọmụ na Gomora na ḅaa guluguluma ḅara pembe ḅara. Anịsọ ọ́ pịkị ị̀ dama-ḅoa,” KỊNỊNYANAḄỌ ḅe ḅẹẹarị.

Jerimaya 50:40

Sọdọmụ na Gomora na ḅụ paka gbọrụ ye mẹ Babịlọnị ḅụ paka ḅa, anie arị ini na ini na kpeki tẹ anga apụ na guluguluma sakị mẹ ḅụ. Gbọrụḅọ-sọ ḅarị jen kẹ anị yọ anga ḅịa Yẹrị KỊNỊNYANAḄỌ ḅe ọkọ ḅẹẹm.

Judu 1:7

Ọ́ pịkị Sọdọmụ na Gomora na, arị na kpeki ama ma na sọ kẹ ḅiokoromaa: arị ama ḅẹ atomi ma, nwẹn ḅẹẹ enjẹlị apụ ma Tamụnọ ḅịḅị poki-a ḅara kẹ ọ̀ ḅịḅị poki-a tẹ mịẹ na-iḅi-a ḅara na tọn-tọn ḅara na kẹ owiapụ na ereme na gboloma amịẹaị mịẹm; ịn da fomu-ḅara anie, biin-biin-a fịnị ịna ọgọnọ sara tẹ ḅeri nụnụ ye sọ inweni-mgba pịrịm.

2 Pita 2:6

Tamụnọ ḅẹrẹ-ḅarasii pẹlẹ Sọdọmụ na Gomora na ama ma ọgọnọ gbana tẹ fịnị kẹ ịn ḅaa gulugulumam, tẹ ịn kẹ Tamụnọ nimi-a atomi ḅụ paka ḅarịye ḅẹ elekima sọmam.

Ayịzaya 34:10

Anị eneḅaka na ḍin na kẹ dọkị ḅa, tẹ onwin anị ḅụ turee-tureema iwo gbamaso ḅa. Kiri mẹ papaa koro-sime ḅa ḅụọ-fa-ḅụọ-paka ḅụ, tẹ ye-muarị tẹ anịanga jen kẹ mẹnjị ḅọrọ ḅẹ gbọrụḅọ-sọ ḅarị ofori.

Devidi-Anume 11:6

Ori ọgọnọ sime tẹ kọrịarị anyịmgbọ na ọpọlị kịkaye na kẹ si-sịḅịḅio-sụapụ ma fịrịmarị: oju dọkịmarị fẹrụ mie ọ̀ kẹ in fomuarị.

Romu 9:29

Anie paa Ayịzaya tarị tarị ḅụ ḍuko ḅara, “Kụrọmamgba nyana KỊNỊNYANAḄỌ ḅe awọ kọnma wa pịrị-a namịna mimgbe wa Sọdọmụ kịka tẹ, mimgbe wa Gomora sime-ḅara sime tẹẹ.”

Jerimaya 23:14

Kụma arị ẹrị tẹ Jeruselemu ḅẹ ịkịankoroapụ mịẹ si ịna nye nẹngị tẹẹ, ịn sẹfịarị pịkị iruo aị ḍukoarị; ịn ḅarasụa kịnị pịrị tẹ ịn kura-aye mịẹarị, mie ḅụ gbọrụḅọ-sọ ḅarị siye mị dasịẹma-a. Ị̀ ḅụụ ḅụ Sọdọmụ na Gomora na si ḅara, mie inimgba sọ si ḅara.

Ditẹrọnọmị 29:22

Ḅo ḅarị ḅụọ mẹ ḅẹ apụ ḅụ ọmịna awọmẹ tẹ ọ́ ḅọrọ tẹso, saakị ḅarị apụ na, jen sịẹ ḅẹ igoniḅọ ḅe tẹ ala-jụ ḅẹ ama ḅụ sime tẹ ḅo ḅọ ḅe na, anị ama mẹ ḅẹ ḅụụ-fụka ma na, obi ma na tẹ KỊNỊNYANAḄỌ ḅe kẹ anị pịrị tẹ ḅụụ-fụka ma na obi ma na ẹrị ḅa.