Jerimaya 49:16 - FỊAFỊA BAỊBỤLỤ

¹⁶ Ị́ ḅụụ-gelema mẹ oḅori kẹ ị́ sịn tẹẹ. Gbọrụḅọ sọ í ḍiki-ḅalafa-a, í kuroma mu laarị ịn mịẹarị ḅara. Ịkụ ọgọnọ-jụ ḅio mie ị́ angarị, gele-tụndụ mẹ ọgọnọ ḅụ, kụma karakaraye igo fiin gele mu la-la anga ḅụ ị́ angarị ḅẹsọ, KỊNỊNYANAḄỌ ḅe í ọkị-ḅo kiri lama ḅa. KỊNỊNYANAḄỌ ḅe ọkọ ḅẹẹm.”

Jerimaya 49:16 Iomraidhean Croise

2 Amadapụ 14:7

Ịn Fụn kẹ sịn tụndụ-ogboku ḅụ ori Idọmụ ḅẹ kịnị puku sọnọa ẹndẹ finji ḅaam, tẹ kụrọ-ḅara ḅụ Sẹla nwẹn-sịn ye-yọ mẹ ọkị tẹ anị sịnm Jokitili anie anị ẹrẹ nwenii ḅo mịmgba lam.

Jobu 39:27

Ị́ tọn ḅara mie igo ḅe kẹ fiin gele, tẹ geletẹ anga ḅụ ọ̀ warị namarị ye mọ?

Egberima-Ẹkwẹn 16:18

Ḅụụ-gelema tomḅọ ḅọrọma mu gulugulu fịị ḅio suu-suum, tẹ opu ẹkwẹn tomḅọ ḅịkịma gbereima koroma-koromam.

Egberima-Ẹkwẹn 18:21

Í ḍuko ye inetẹ ḍumo wẹrị kpaịnma ḅa anịanịa anị guluguluma ḅa; mie ḅụ, ị́ mịẹ ḅẹ jen ye ofori, ị́ ẹkwẹn ma dogi-ḅo ị́ pịrị ye daa-ọkịị.

Egberima-Ẹkwẹn 29:23

Opu ẹkwẹn ị́ ḅịkị dogi-ḅo ḅa, kụma ị́ ḅụụ-lẹgịmarị ḅẹḅẹ, tomi kụn kẹ ị́ pịrị ḅa.

Sọlọmọnị Ḅẹlẹtẹịn Nume 2:14

Ị̀ ḅẹlẹmaḅọ, ị́ ḅọị faam, ịkụ foo wararị yọ ḅụ olosịkịya ḅọị ḅara. Yee àrị í iḅi tọrụkuḅu ẹrị, tẹ ị́ sịḅịḅio sima pọkọ naa.

Ayịzaya 10:14

Tomikiri ḅẹ asịẹ ma feni-awarị kịkam, tẹ arị ịna ngọ ma kobiri ọkị sarasara ḅara mẹ gbala anyị kolokolo ọkịarị ye ọkụ. Gbọrụ pamba sọ in jike tẹ kẹ ị̀ ḅalafama-a, ḅịḅị sọ in finji tẹ kẹ oloku ị̀ pịrị-a!”

Ayịzaya 2:21

KỊNỊNYANAḄỌ ḅe ḅo kiri mẹ jike ḅarị sakị mẹ tomi ịḅụkụ ḅio na ịkụ tụndụ ḅẹ afukuru ḅio na ḅọị ḅa, ḅụụkụrọma tẹ ori ịganị ḅụ mangị-so, tẹ ọ̀ kụrọ na ebube na ḅụ ḅụụ kikima ḅẹ ḅara.

Ayịzaya 49:25

KỊNỊNYANAḄỌ ḅe pakịrịarị, Anị gbọrụ ye mẹ mie paka ḅẹ-yearị; ọmụḅọ ḅẹ ikoliapụ ma ini ọ̀ ḅara ọkị so ḅa, tẹ ajaguda ḅẹrẹtọn ḅọ ḅe fọịn ọkị aị ma in kụrọ-ḅara kẹ arị ọkị ḅa. Ḅẹḅọ-ḅẹḅọ tẹ owu kẹ ị́ pakarị ḅọ arị mḅọ na sọ ḅa, tẹ ị́ awọmẹ pụkọ-pakamaḅo ḅa.

Jerimaya 48:14

Mohabụ ḅe atomi, tiye ẹrẹsị ọmịnị ọmịna aḅụụ kẹ owu-kụrọnịapụ ḅara ọkịarị, ḅiokpọ wararị tẹ ọmụ ḅio ḅụụ aḍaka ḍikitẹ ọmụapụ ḅara?

Jerimaya 49:15

KỊNỊNYANAḄỌ ḅe mịẹ tẹ ị́ ḅarị ịnyọ nyana ḅịa, tẹ gbọrụḅọ-sọ ị́ kẹ ye-sịn ḅịa.

Jerimaya 50:29

Ḍuko iboli tẹịn owiapụ ma pịrịị ini owu kẹ Babịlọnị pakaa. Iboli na ḍiein na kẹ mịẹ-mịẹ ye nimi ḅọ nimi ḅọ fịrịma pakamaa. Ọmịnị opu ama mẹ ikelema-koroo, tẹ ḍụkụtẹ gbọrụḅọ-sọ pụkọ-so ma. Ịn mịẹ tẹ aị mamgba kẹ ịn gbẹẹ, tẹ ịn kẹ jen apụ mịẹ ḅara kẹ ịn mịẹẹ, ịn ḅụụ-gelema si kẹ ị̀ mịẹm ẹrẹsị, yẹrị Izirẹlị tẹkẹarị Fịafịa Ḅọ ḅe.

Jerimaya 51:53

Babịlọnị nwẹnị So-tọrụ kpọlị mu ḅụ kụrọtẹ ama-ḍụayọ nama sọ, à paa kịnị fịrịma tẹ ini anị guluguluma ḅa. Yẹrị KỊNỊNYANAḄỌ ḅe, ọkọ ḅẹẹm.”

Emọsị 9:2

In kiri soku tẹ ideri-mu ḍuḅu ḅio la sọ, àrị in kun ḅa. Ịn kpọlị iwo mu So la sọ, àrị ini ọkị ideri ḅo ḅa.

Habakọkụ 2:9

Ị́ fa tẹẹ! Ị́ kụrọ-kụrọ ḅara kẹ ọkị aị ḅụ ị́ warị-suku kọnma tẹ, ị́ pịkị ḅụụ kụrọma tẹ mịẹ tẹ í sime yọ mẹ gberie-sọ anị la ḅịa ḅara sime tẹ!

Malakayị 1:3

tẹ Ịsọ na ò furo-ḅẹ-apụ na sịkịm. Ịsọ bebe tụndụ amakiri mẹ à fama tẹ anị kẹ gbin koroma piri-ḅio-ḅẹ anama pịrị tẹẹ.”