Jerimaya 49:13 - FỊAFỊA BAỊBỤLỤ

¹³ Yẹrị ḅarana karị tẹ mịnẹ Bozara ḅẹ opu ama ma ḍiki-tọrụ ḅụ sịḅị-kanakanama ye na ịkpa na sọ ḅa. Tomi anị ḍẹrị tẹ anị kẹ ye karị-karị ye sọma ḅa. Anị na kpeki kala-ama mamgba kan sara sime ḅa, ḅẹẹ-sakị ḅẹẹ-sakị ḅụ. Yẹrị, KỊNỊNYANAḄỌ ḅe, ọkọ ḅẹẹm.”

Jerimaya 49:13 Iomraidhean Croise

Suku-saakị 22:16

tẹ ḅẹẹ, “KỊNỊNYANAḄỌ ḅe ḅarana ḅẹẹm, í miemẹ mịẹm, tẹ í owiḅọtụḅọ, ị́ kpọkpọ gbọrụ tụḅọ sọ ọlọ-sịẹma-a ẹrẹsị,

Suku-saakị 36:33

Bila fịị tẹso, Jobabụ, Bozira ḅẹ Zera owiḅọtụḅọ ḅe ò kiri ọkị tẹ ama mẹ dam.

1 Paka-aị 1:44

Bẹla fịị tẹso, Zera! Bozira ḅẹ ḅọ ḅe owiḅọtụḅọ Jobabụ nwẹnị ò kiri ḅụ ama-da.

Ayịzaya 34:6

Ọmbie na ḅẹlẹkị na ori okologie mẹ ọmbịma fama ḅa, anie anana na oḅori na ọmbie na ḅẹlẹkị na mịẹ-mịẹ ḅara kịka ḅa ini ịn kẹ agbamịẹ-anga ḅụ. Bozara opu ama mẹ ḅio mie KỊNỊNYANAḄỌ ḅe mie mị agba mẹ mịẹ ḅarị ye; ò miemẹ kẹ gburo-gburoma Idọmụ amakiri ḅụ tọnwa-apụ kẹ gbọrụ kiri ḅa mịẹ ḅa.

Ayịzaya 45:23

À minini kịnị pịrị ye mẹ karakaram tẹ anị ḍima ḅịa. Yẹrị sime-ḅara ḅụ à mininiarị tẹmẹ-la ḅara ḅụ: Ḅẹḅọ-ḅẹḅọ ḅo tẹ ị̀ tọrọkọ kparakị ḅa tẹ ye karị ḅa mịnẹ mḅọ amadaḅọ kụn kẹ ị̀ pịrị ḅa.

Ayịzaya 63:1

“Nwẹn kẹ Idọmụ ḅẹ opu Bozara ḅụ sime tẹ ḅoarị ḅọ ḅẹ tụḅọ? Ḅieḅe tẹ awụ tọrụ sụa ye ḅiri ḅụlụ-ḅụlụ tẹ kụrọ na ịnyọ na kẹ gbọnma ḅoarị ḅọ ḅe tụḅọ?” “KỊNỊNYANAḄỌ ḅe orii, kụrọ nyana tẹ kịnị ḅọrọmarị ḅọ, ori owu-ḅara-iḅi ḍuko wasama ḅẹ ḅoarị.”

Jerimaya 18:16

Ini amakiri mẹ kẹ sịḅị-kanakanama ye sọma tẹẹ, kịnị ḍiki-sima mu ḅẹẹ-sakị ḅẹẹ-sakị la ḅẹ ye. Mẹnjị-ḅọrọarịapụ mamgba ḅụụ-gbiripu ḅa ini ẹrịarị ye ḅụ; ịn sịḅị jike ḅa ḅụụ-bua ḅụ.

Jerimaya 19:8

Arị ọkị-ḅo mị opu ama mẹ ọgọnọ gbana ḅarị ḅalafama ḅaa-guluguluma mẹ mịẹ tẹ ḅẹḅọ-ḅẹḅọ tẹ mẹnjị-ḅọrọarị ḅọ sịḅị-kanakana tẹ ḅụụ-bua ḅa.

Jerimaya 44:26

Kụma mịọkụ ọmịnị Yẹrị KỊNỊNYANAḄỌ ḅe, ì opu kụrọ ẹrẹ mẹ ḅụ minini Ijiputi ḅụ simearị Izirẹlịapụ mamgba pịrị ịlọ mẹ pokii: Gbala-gbala à ḅarị ḍụkụ tẹ ọmịna ḅụ ḅẹ gbọrụḅọ-sọ jen kẹ ị̀ ẹrẹ ḅụ ịlọ minini tẹ ḅẹẹ ḅịa, ‘À ḍumo wararị Tamụnọ ḅe ḅụ karịarị!’

Jerimaya 48:24

Kẹrịhọtị na, Bozara na ọgọnọ. Ḅẹrẹkọn-ḅịḅị ḅo Mohabụ ḅẹ opu ama ma ọgọnọ gbana tẹẹ, sụma-jụ sime aị na kpeki anga sime aị na.

Jerimaya 49:22

Ini na fịya-a apụ ma owu kẹ ịn paka ḅarị ḅara gbala igo pamba finji sara tẹ fiin ideri-ḅo ḅara. Anị eneḅaka ḅụ Idọmụ ḅẹ ọmụapụ ma ḅalafa ḅarị ḅara iyi la tẹ ẹrẹḅọ ọkụ.”

Jerimaya 51:14

KỊNỊNYANAḄỌ ḅe ò ḍumo kẹ ye karị tẹẹ mịnẹ ọ̀ tọnwa owiapụ ọkị-ḅo owu kẹ Babịlonịya paka ḅa, igurube ogbo-ogbo ọkụ, tẹ ịn nwẹnị owu-ḅara-iḅi oloku kọn ḅa.

Jowẹlị 3:19

Ijiputi ịkpa sọ ḅa, tẹ Idọmụ kịnị kẹ mịẹ-mịẹye-ofori yọ sọ tẹ kaan-koro sime ḅa, ini owu kẹ Juda paka tẹ anị ḅio mịẹye-ofori apụ ḅaam ẹrẹsị.

Emọsị 1:12

Mie ḅụ à fịnị kẹ Tẹmanị opu ama mẹ ḅụ sụa tẹ anị Bozara ḅẹ kụrọnị-ayọ ma dọkịma kiri lama ḅa.”

Emọsị 6:8

Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe mị tẹmẹ-la ḅeri nụnụ ẹkwẹn mẹ kọn tẹẹ: “Arị Izirẹlị ḅẹ apụ ma ḅụụ-gelema mẹ ḍiki-ḅioḅuarị; ịna igbigi la ḅụratẹ iḅi awarị ma, ị̀ ḅụ gberie sọ la-a. Ịna sịḅịda opu ama mẹ na anị ḅio sime-ye sime-ye na à kẹ ini na fịya-a apụ pịrị ḅa.”

Obadaya 1:18

Jekọbụ na Josẹfụ na atomi ma kọrị-fịnị kịka ḅa; ini Ịsọ guluguluma ḅa, fịnị samụnọtẹ afun dọkịma ḅara. Ịsọ furo-ḅẹ-ḅọ tẹ fịị-a so ḅọ paka ḅịa.