Jerimaya 49:12 - FỊAFỊA BAỊBỤLỤ

¹² “Fomu na-iḅi-a apụ sọ in fomu-ḅara mọngị mẹ ḅuum ḅẹ sakị, í kuromarị í fomu-ḅara gbarị ḅẹ? Gbala-gbala ị́ mọngị mẹ ḅuu-a so ḅịa.

Jerimaya 49:12 Iomraidhean Croise

Egberima-Ẹkwẹn 17:5

Í igoin-apụ ḍẹrịarị ḅẹḅẹ, ị́ ịn tẹmẹ Tamụnọ ḅe gọlịarị. Tamụnọ fomu-ḅara kẹ ị́ pịrị ḅa ị́ jen-apụ ḅụ paka siye gotẹ tọrụ-ḅẹlẹarị ḅẹḅẹ.

Jerimaya 25:15

KỊNỊNYANAḄỌ ḅe, Izirẹlịapụ tẹkẹarị Tamụnọ ḅe, ị̀ ḅẹẹm, “Mie iru mọngị, ị̀ ịganị anị ḅio ḅin wararị. Anị ọkị tẹ kẹ arị ị́ kẹ fịrịmarị asịẹ mamgba muu, tẹ ịn mịẹ tẹ ini anị ḅio ḅuu.

Jerimaya 30:11

Àrị ọ́ ḍọkụma-ḅo tẹ ọ́ ḅọrọma ḅa. Tomikiri ḅẹ asịẹ tẹ arị ọ́ gala-galama mu anga mamgba arị ịn ḅaa guluguluma ḅa, kụma arị ọ́ ḅaa guluguluma ḅịa. À mịẹ tẹ ó fomu-ḅara da ḅa; kụma arị ó fomu ḅẹ sakị, à fomu na-iḅi ḅara kẹ ó fomu ḅa. Yẹrị, KỊNỊNYANAḄỌ ḅe ọkọ ḅẹẹm.

Jerimaya 46:27

Ị̀ atomi, ọ́ ḅalafa ma, Izirẹlịapụ, ọ́ tẹmẹ-naịn-naịn ma, Anị sụma-jụ ḅẹ amakiri mẹ ḅụ arị ọ́ pụkọ-pakamaḅo ḅa, ọmịnị ikoliapụ amakiri mẹ ḅụ. Ọ́ pịkị ama ḅo tẹ dein ḅụ anga ḅa; ye ọ́ la ḅịa, tẹ gbọrụḅọ-sọ mịẹ tẹ ọ́ ḅalafa ḅịa.

Obadaya 1:16

Àrị ị̀ atomi fomu ḅara ị̀ fịafịa tụndụ mẹ ọgọnọ ḅụ, anie à pịkị in gbori-ikelema wararị asịẹ ma fomu ḅarị ḅara; à fomu-ḅara kẹ ịn pịrị ḅa, tẹ in tomikiri mẹ ḅụ ḅọrọ so ḅa, gbala jene amụ in sime-a.

Matiyo 20:22

Jizọsị nwẹnị owiapụ-awọmẹ ma pakịrị, “Ó ḅiiarị ye mẹ sime-ḅara ó nimi-a. Ọmịnị inetẹ yẹrị ḅuu ḅẹ-yearị tọrụsiẹrị mọngị mẹ ḅio simearị ye mẹ ḅuu ḅẹ?” Ịn nwẹnị pakịrị, “Wa inetẹ ḅa.”