Jerimaya 49:11 - FỊAFỊA BAỊBỤLỤ

¹¹ Ọmịnị ọmịna ḍapụ na iyingi apụ na fịtẹ awọmẹ ma wẹrịso ị̀ pịrịị, tẹ arị in ḍikiḍiki ḅa. Ọmịna diapụ-fịtẹ-ereme ma inetẹ ị̀ ḅụ sịrẹrẹ ḅa.

Jerimaya 49:11 Iomraidhean Croise

Devidi-Anume 146:9

Ọ̀ wamịna amakiri ḅụ angarị ja sịẹ ḅẹ apụ ma gbaịn-arị; ọ̀ ḅarasụa diapụ-fịtẹ-ereme na ḍapụ na iyingiapụ na ofori awọmẹ na pịrịarị, kụma si-sịḅịḅio-sụapụ ma tọn-arị aị ma ò sima famarị.

Devidi-Anume 68:5

Amịna fịafịa Warị ḅio angarị Tamụnọ ḅe, ḍapụ na iyingiapụ na fịtẹ awọmẹ kokoarị, ọ̀ pịkị diapụ-fịtẹ-ereme gbaịn ḅọrọmarị.

Devidi-Anume 82:3

Ọmịnị igoin-apụ na, ḍapụ na iyingi apụ na fịtẹ awọmẹ ma na ḍụa; ọ́ mịẹ ḅẹ ọkụ ofori apụ ma na, ḅarasụa pịrị apụ nyana-a apụ ma na, inoma ma.

Hosiya 14:3

Gbala-gbala Asiriya inetẹ wa ḅọrọma ḅịa, tẹ ọmụgbin-asụ inetẹ wa gbaịn ḅọrọma ḅịa. Wa ḅarị jen kẹ wamịna oru-afụḅara ma ḅẹẹ ḅịa mịnẹ arị wamịna Tamụnọọ. Yei KỊNỊNYANAḄỌ, ọkụrụkụrụ nyana jen ịn dama-mu tẹ ḅarasụa nyana ḅẹ anga ofori apụ pịrịarị ḅọ.”

Jona 4:11

Nwẹnị ọkọ kụma, ndẹẹ à gotẹ ọkọ nẹngị ḅụra ḅara kẹ Ninive gotẹ sịḅị-kụrụkụrụ ḅịa ḅara, anị ḍụḅatẹ opu ama mẹ. Arịmgba kẹ anga pịrị sọ, anị ḅio ḅụ mịẹye-ofori atomi maa puku, ẹndẹ sọnọa si finji emi, pịkị ọkọ la anama na.”

Zẹkaraya 7:10

Ó diapụ-fịtẹ-ereme na, ḍapụ na iyingiapụ na ofori awọmẹ na, ja sịẹ ḅẹ apụ tẹ ọmịna ogboku angarị apụ na ponoma ma, anịanịa ḅụụ-fụka ḅụụ ḅụ emi ḅọ goḅọ-goḅọ. Ó siye kẹ jụmọ-jụmọ mịẹ ḅẹ aḅọkọ ḅẹ ḅẹrẹ-ḅiya ma.’”

Malakayị 3:5

Kụrọmamgba nyana KỊNỊNYANAḄỌ ḅe ḅẹẹm, “À ḅẹrẹkọnḅọ ḅara kẹ ọmịna ogboku tolu-sịẹ ḅa, tẹ anị-gbọrụ-kirikiri ḅẹrẹ ḍuko majịkị-mịẹapụ na, sẹfị-apụ na, ḅẹrẹ-siri ḅụ iruoye ḍukoarị ogbo-sịẹapụ na, fịrị kẹ ọkọ-apụ inomarị apụ na, diapụ-fịtẹ-ereme na ḍapụ-na-iyingiapụ-na-fịtẹ-awọmẹ na igoniapụ na tọrụ-pọnjịarị apụ ọgọnọ gbana ḅa — inimgba tẹ ị̀ mangịma-a apụ ma.”

Ditẹrọnọmị 10:18

Ọ̀ karakara ḅẹrẹ kọn ḍaḅọ ofori tụḅọ ḅe na, diḅọ-fịtẹ-ẹrẹḅọ ma na pịrịarị, tẹ jen sịẹ ḅụ ḅo igoniḅọ ḅe ḅẹlẹmam, fịye na, kapa na kẹ ọ̀ pịrị ḅụ.

1 Timoti 5:5

Gbọrụḅọ-sọ nyana-a diḅọ-fịtẹ-ẹrẹḅọ ma, á ḅarasụa-pịrịḅọ nyana-a ḅara ḅụ, árị á ḅiokpọ mẹmgba kẹ Tamụnọ ọgọnọ gbana tẹ, ọ̀ tẹkẹ tẹ ọ̀ ḅarasụa ḅiiarị ḍin na eneḅaka na ḅụ.

Jemụsị 1:27

Tamụnọ Ḍaḅọ ḅe kẹ kpaịn tẹ, karakara Tamụnọ nimi sịn-arị ye anie mie: ḍapụ na iyingi apụ na fịtẹ awọmẹ na, diapụ-fịtẹ-ereme na, ḍikiḍiki ịna tọrụsiẹrị ḅụ, tẹ pịkị mị tomikiri mẹ ḅụ fịafịa ḅara kẹ ḅụụ wẹrị.