Jerimaya 49:1 - FỊAFỊA BAỊBỤLỤ

¹ Mie KỊNỊNYANAḄỌ ḅe ḍuko tẹ ye Amọnị gboloma ye ḅụ: “Ndẹẹ Izirẹlị ḅẹ atomi ma? Gbọrụḅọ sọ ofori ịna amakiri mẹ ḍụa? In tiegotẹ wẹrịso tẹ Mịlịkọmụ tẹkẹarị apụ ma Gadi furo-ḅẹ-apụ ma kiri mẹ ọkị tẹ kẹ amịna nye sọma tẹ anị yọ ḅụ anga?

Jerimaya 49:1 Iomraidhean Croise

Suku-saakị 19:38

Kala ẹrẹḅọtụḅọ ma sọ gbọrụ owiḅọtụḅọ iyim tẹ Bẹnami kẹ ẹrẹ kẹ ò kurom. Ọkị-ḅo mịmgba la, ori anie Amọnị furo-ḅẹ-apụ ma atẹngịḅọ.

2 Amadapụ 10:33

Jodanị ḅụ ọkị ịrụa-saakịarị-anga mẹ da-mu Gilẹdị ama mẹmgba, Gadi na, Rubẹnị na, Manasẹ na afuro ḅẹ apụ sime anga ma ḅụ ideri-mu Arowa, Anọnị tụndụ-ogboku mẹ akaka saakị ọkị mu. Mịna anga ma anie Gilẹdị na Basani na ye-yọ.

2 Amadapụ 24:2

anieḅụ KỊNỊNYANAḄỌ ḅe nwẹnị Babịlọnị ḅe ọmụ-ogbo ma na, Siriya ḅẹ ọmụ-ogbo ma na, Mohabụ ḅẹ ọmụ-ogbo ma na, Amọnị ḅẹ ọmụ-ogbo ma na kẹ ọ̀ fịrịma mịẹtẹ ịn mu Juda fama ḅẹ ḅara, KỊNỊNYANAḄỌ ḅe ẹkwẹn-ḅịḅị mẹ wẹrịtẹ ori afịrịmẹnjị-ịkịankoroapụ ma ḅịḅị ḅụ ḍuko ḅara.

2 Paka-aị 20:1

Miemẹ ḅọrọ tẹso, Mohabụ ḅẹ apụ ma na, Amọnị ḅẹ apụ ma na, Mẹhunayịtị apụ ma ḅẹ ja apụ nwẹnị ịna ḅụụ sọ tẹ owu kẹ Jehosafatị paka ḅẹ ḅo.

2 Paka-aị 20:23

Amọnị na Mohabụ na nwẹnị sakị tẹ owu kẹ Seya tụndụ mẹ ḅẹ apụ ma paka, tẹ ịkatakirikọn-a-ḅara kẹ in ḅaa fama; in Seya tụndụ mẹ ḅẹ apụ ma ḅaa kụnụnụ tẹso, ịn nwẹnị ḅarasụa tẹ jụmọ-jụmọ ḅaa.

Nehimaya 2:19

Kụma Sanịbalatị, Ọrọnị ḅẹ ḅọ ḅe na, Tobaya, fịrịmẹnjịḅọ Amọnị ḅẹ ḅọ ḅe na, Gisẹmụ Arabụ ḅọ ḅe na anị naa tẹso, ịn nwẹnị wa kẹ kpọọti tẹ wa ḍiki-sima tẹ ḅẹẹ, “Ọ́ nwẹn mịẹarị ye mẹ ó tiye mịẹarị? Ọ́ sịḅị-kụrọma amadaḅọ ḅe pịrịarị?”

Nehimaya 4:7

Kụma Sanịbalatị na, tobaya na, Arabụ apụ na, Amọnị ḅẹ apụ na, Asịdọdị ḅẹ apụ na, naam mịnẹ Jeruselemu onu ma ḅẹ nama mẹ tọrọkọ-tọrọkọ muarị, tẹ ḅiri-ḅiri ḅụ kan anga ma saakị gbaịn famarị nwẹn ḅẹẹ ye mẹ nwẹnị ịn ḅụụ-ḅẹsọ lama.

Devidi-Anume 83:7

Gẹbalị na, Amọnị na, Amalẹkị na ḅẹ apụ ma, pịkị Filisiteni na Taya na ḅẹ apụ ma na.

Devidi-Anume 9:6

Si kẹ wa tọn apụ ma ịna ḅẹrẹ fa gbamaso tẹ: ị́ ịna opu ama ma guluguluma famatẹ, tomi gbọrsịḅị ịn kẹ ḅioḅọrọma fama tẹ.

Jerimaya 12:14

KỊNỊNYANAḄỌ ḅe mẹẹ, “Izirẹlị na kpekitẹ anga apụ tẹ à kẹ ị̀ atomi Izirẹlị pịrị amakiri mẹ guluguluma apụ ma ḅụ à ḍuko ḅẹ ye emi. Àrị arị si-sịḅịḅio-sụapụ ma ọkị-so ḅa ịna sime-yọ ḅụ, suku-na-suku-na kẹ kiri ḅio ḍiḅi wararị sịn nụnụ pakama-ḅo ḅara, tẹ Juda pụkọ-pakamaḅo ḅa ịna aḅara-ḅio.

Jerimaya 25:21

Idọmụ na, Mohabụ na, Amọnị na,

Jerimaya 25:9

“Arị ó gotẹ ḅịḅị kẹ tomikiri mẹ ḅẹ ọgọnọ-jụ simearị apụ mamgba na ị̀ fịrịmẹnjịḅọ, Babịlonịya ḅẹ amadaḅọ Nebukadineza na fịrịma ḅoarị. Àrị ini ọkị-ḅo tẹ ini owu kẹ Juda na anị ḅio angarị apụ na anị na kpeki wararị asịẹ mamgba na paka ḅẹ-yearị. À mị sịẹ mẹ na anị na kpeki wararị si na guluguluma ḅẹ-yearị, tẹ arị wẹrịso tẹ arị fa gbamaso ḅa, ḍiki-tọrụ ḅụ kpọma ḅalafama tẹ ḅụụ-ịnọ ḅarịye. Yẹrị, KỊNỊNYANAḄỌ ḅe ọkọ ḅẹẹm.

Jerimaya 27:3

Anịtẹso KỊNỊNYANAḄỌ ḅe ḍuko ị̀ pịrịm arị oku kẹ Idọmụ na, Mohabụ na, Amọnị na, Taya na Sayịdọnị na ḅẹ amadapụ ma fịrịmaa, ịna atọrụ ḍima tẹ Jeruselemu ḅo Ama-da Zẹdẹkaya na ẹrịya ḅẹ ḅo apụ ma ḅịḅị ḅụ.

Jerimaya 48:1

Miemẹ anie Kụrọmamgba nyana KỊNỊNYANAḄỌ ḅe Mohabụ gboloma ye ḅụ ḍuko ye: Nebo ḅẹ apụ ma ḍiki-sịḅịjịrịị ịna ama mẹ gulugulu tẹẹ! Ịn Kiriyatahịmu ọkị tẹẹ, Ịna opu kụrọ owuna-aị koko yọ ịn kan kiri lamatẹ, tẹ arịḅẹ apụ ma ḅụụ-jịrịma tẹẹ;

Jerimaya 49:23

Mie KỊNỊNYANAḄỌ ḅe Damasịkọsị gboloma ye ḅụ ḍuko ye: “Hamatị na Apadi na opu ama ma ḅio emi apụ ma ḅalaḅalarị, ḅụụ-fụka ịn la tẹ, in si ḅẹrẹ naa tẹẹ ẹrẹsị. Ḅio-sẹsẹ ḅo ịn gbaịn ḅarị ḅara abajị minji ọkụ, tẹ ini inetẹ ịnyọsara sime ḅịa.

Jerimaya 49:28

Mie KỊNỊNYANAḄỌ ḅe ḍuko ye Keda Furo na Hezọ ḍikiḍikiarị iri ma na gboloma ye ḅụ, anie Ama-da Nebukadineza ọkị aị ma: “Owu kẹ Keda ḅẹ apụ pakaa, tẹ ịn ḅaa guluguluma, anie ịrụa saakịarị anga mẹ ḅẹ apụ ḍumo kọn ḅara nyana wararị apụ ma.

Jerimaya 49:7

Mie Kụrọmamgba nyana KỊNỊNYANAḄỌ ḅe ḍuko ye Idọmụ gboloma ye ḅụ: Idọmụ ḅẹ apụ ma ịna karakara ḅẹrẹkọn fama tẹ aro? Ḅẹrẹ ḍuko in tolumarị apụ ma ịn ḅarị inetẹ jen kẹ ḅẹrẹ ḍuko in toluma-a? Ịna ye-nimi mamgba fa fama tẹ?

Izikẹlị 21:25

“Ị́yẹrị si-sịḅịḅio-sụa Izirẹlị ḅẹ fịafịa-a ḅẹrẹtọnḅọ, í eneḅaka í kunoma fomu-ḅara da ḅẹ ene mẹ ḅoarị.

Izikẹlị 25:1

KỊNỊNYANAḄỌ ḅe ẹkwẹn ị̀ pịrịm.

Zẹfanaya 1:5

Ḅẹḅọ-ḅẹḅọ tẹ warị-isun kpọlị tẹ sunsin ịrụa na, akalụ mẹ na, lolia ma na pịrịarị ḅọ, arị mḅọ ḅaa guluguluma ḅa. À pịkị sunsin ị̀ pịrịarị tẹ ye karị tẹ sịḅị-tuu ị̀ pịrịarị tẹ pịkị Mịlịkọmụ nwẹn-sịn oru-tamụnọ ḅe ẹrẹ kẹ ye karịarị ḅọ ḅaa guluguluma ḅa.

Kịẹn-aḅịḅị 1:24

Danị atomi ma ḅụ, ịna aḅụọ ḅụ, furo-furo ma, ịna aḍapụ awarị ma ḅụ, ẹrẹ ma kịẹn-ḅịḅị sime-ḅara ḅụ, si kụra sịḅị ḅụ ḅọrọtẹ apụ ḅụ ọkị iwo inimgba tẹ ịnyọ nyanatẹ mu ọmụ gbin ḅarị apụ;

Ditẹrọnọmị 2:19

anịsakị ó ḅo Amọnị owiapụ-awọmẹ ma ye-yọ la sakị, ọmịnị ịna aḅụụ fụkama, anịanịa ini na ye na ịgbanịya ma, kẹ gotẹ ọkọ ḅẹẹarị, Amọnị owiapụ-awọmẹ ma ama mẹ ḅụ à gberie-sọ kẹ ọ́ nyana ḅẹ ḅara kẹ ọ́ pịrị ḅịa, gbala à kẹ Lọtị owiapụ-awọmẹ ma anị nyana ḅẹ ḅara kẹ ịn pịrị tẹ ẹrẹsị.

Ditẹrọnọmị 23:3

Amọnị furo ḅẹ gbọrụḅọ, anịanịa Mohabụ furo ḅẹ gbọrụḅọ-sọ KỊNỊNYANAḄỌ ḅe kobiri-ogbo mẹ ḅio sọ-mu ma; ọkị mu oyi karama ḅụọ la sọ, sime ịn pịrị kpọkpọ gbọrụḅọ-sọ KỊNỊNYANAḄỌ ḅe kobiri-ogbo mẹ ḅio sọ-mu ḅịa gbamasom;

Ditẹrọnọmị 23:4

gbala ọmịnị Ijiputi ḅụ paka-ḅo sakị, etela mẹ ḅụ ịn ḅo fịye na, minji na kẹ ọmịnị na bịama-a, anịsakị ịn pịkị Balamụ, Mẹsopotemịya ḅẹ Pitọ ḅụ ḅo Bẹyọ owiḅọtụḅọ ḅe ọkọm ò ḅo ọmịnị ma worii ẹrẹsị.