Jerimaya 48:45 - FỊAFỊA BAỊBỤLỤ

⁴⁵ Ọmụ ḅio mangị paka tẹ ḅarasụa nyana-a apụ, ḅụụkụrọma tẹ Hẹsịbọnị, Ama-da Siyọnị ḅẹrẹtọn sime opu ama mẹ ḅio sịḅị ḅọị ḅẹ ḍọkịarị, kụma anị kọrịarị fịnị ḅio. Fịnị Mohabụ ọmụ gbin ḅẹlẹma apụ ma na jen-apụ na bịama-bịama ọmụ atọrọkọ ma na gele-tụndụ ayọ ma na ịn dọkịma tẹẹ.

Jerimaya 48:45 Iomraidhean Croise

Devidi-Anume 135:11

Siyọnị, Amọrayịtị ḅẹ apụ amadaḅọ; Ọgụ, Basani ḅẹ amadaḅọ, na Kenanị ḅẹ amadapụ mamgba na.

Devidi-Anume 78:63

Asawọ amẹẹ ma ọmụ ḅio fịịm, tẹ iriawọ amẹẹ ma ḅarị in sime ḅẹ gbọrụḅọ-sọ nyana-a.

Jerimaya 2:16

Inn, Mẹmụfịsị na Tafanisi na ḅẹ apụ ọ̀ sịḅị fomu-puu tẹẹ.

Jerimaya 48:2

Mohabụ tọrụ-gbẹ sime-ḅara mẹ so tẹẹ. Si kẹ ịn tọn apụ ma Hẹsịbọnị ọkị tẹẹ, ịn pịkị ḅịyatẹ in Mohabụ sịẹ mẹ guluguluma ḅa. Nọmụapụ nwẹn-sịn ama mẹ yaụ-sime ḅa ọmụ-ogbo-ogbo mẹnjị mu owu kẹ anị paka ḅa.

Emọsị 2:2

À fịnị kẹ Mohabụ amakiri ḅụ sụa ḅa tẹ Kẹrịhọtị ḅẹ kụrọnị-ayọ ma dọkịma kiri lama ḅa. Mohabụ ḅẹ apụ ma fịị ḅa ọmụgbin gbiri-gbiri ḅụ, ọmụapụ olokuarị tẹ ọdụ fie-fie-fiearị ogbo ḅụ.

Zẹkaraya 10:4

Ịna ogboku ḅụ ḅẹrẹtọn-apụ na, sịḅịdapụ na, ọmụ-ogbo ḅẹ sịḅịdapụ na paka-ḅo tẹ ị̀ atomi gọvịna sọ ḅa.

Kịẹn-aḅịḅị 21:21

Anịtẹso Izirẹlị oku-mẹnjịapụ fịrịma Siyọnị, Amọrayịtị apụ ma amadaḅọ ḅe dama-mum, mịnẹ ịn ọ̀ ḅẹẹ,

Kịẹn-aḅịḅị 21:26

Gbala Ẹsịbọnị anie Siyọnị, Amọrayịtị apụ ma amadaḅọ ḅe sime-sime opu ama, oriḅe tẹ Mohabụ ḅẹ tarị amadaḅọ ḅe na owu sọ, tẹ ọ̀ ḅara ḅụ ori ama mamgba ọkị fama mu Anọnị mẹ sime jụjụ-ḅio la ḅọ ḅe.

Kịẹn-aḅịḅị 21:28

Gbala orumo Ẹsịbọnị ḅụ ḅom, fịnị-ḅẹlẹ Siyọnị opu ama ḅụ kọrị pakam. Anị Mohabụ ḅẹ A-a nwẹn-sịn ama mẹ gulugulumam, Anọnị mẹ ḅẹ gele ayọ ma nyana apụ ma.

Kịẹn-aḅịḅị 21:29

Sule-ḅịḅị sime ị́ pịrịị, yei Mohabụ! Ọ́ tẹkẹlẹ tẹẹ, yei Kẹmosi atomi! Ori ori owiapụ-awọmẹ mịẹtẹ ịn ḅarị sịẹ-kiri nyana-a tẹ ori eremịna-awọmẹ, Siyọnị, Amọrayịtị ḅẹ gbọrụ amadaḅọ ịn kun-so tẹẹ.

Kịẹn-aḅịḅị 24:17

Àrị ori ẹrịm, kụma mịọkụ-a; àrị ò ḍikim, kụma ò kpeki-a; Jekọbụ ḅụụ ḅụ gbọrụ lolia paka-ḅo ḅa, anịsakị Izirẹlị ḅụ gbọrụ ama-da mkpara paka-ḅo ḅa; anị Mohabụ sịḅị gbẹẹ kọsịma ḅa, tẹ opu amịẹaị na, ye kẹ kịnị lamarị apụ ma owiapụ-awọmẹ mamgba ḅaa fama ḅa.

Matiyo 21:42

Jizọsị nwẹnị ịn gbela, “Fịafịa Ḍiri mẹ ḅio kẹẹ wararị ye mẹ jen ene amụ ó go-a?” Warị nama apụ ma kẹ mịẹ-mịẹ ye ofori ḅẹẹ tẹ sịkị ḍụḅarị mẹ ḅo arịmgba ḅụ kụrọ nyana tẹịn ye sọ tẹ. Miemẹ KỊNỊNYANAḄỌ ḅe kọrị ye tẹ anị ḍiki kụma, anị kpọma ḅụụ-buamam!