Jerimaya 48:42 - FỊAFỊA BAỊBỤLỤ

⁴² Mohabụ gulugulu ḅa, tẹ ḅarị jen kẹ sịẹ ẹrẹ fị ḅịa, anị kọngọ-kụrọma ị̀ pịrịm ẹrẹsị.

Jerimaya 48:42 Iomraidhean Croise

Egberima-Ẹkwẹn 16:18

Ḅụụ-gelema tomḅọ ḅọrọma mu gulugulu fịị ḅio suu-suum, tẹ opu ẹkwẹn tomḅọ ḅịkịma gbereima koroma-koromam.

Ayịzaya 16:14

Tẹ mịọkụ KỊNỊNYANAḄỌ ḅe ḅẹẹarị. “Tẹra kụra gbasị ḅụ, Mohabụ kọọn sara ngọ ma ịmaịn-faa ḅa. Ini tọnwa atomi ma ḅụ boowa apụ kịngẹ kọn ḅa, tẹ ịn pịkị kpọkọrọ-kpọkọrọ ḅa.”

Ayịzaya 37:23

Í kuromarị ị́ mịẹ sima tẹ kẹ tii-tii ye mịẹarị ḅọ ḅe tụḅọ? Ị́ ị̀ mangịma-a ḅara kẹ ye mịẹtẹ, Izirẹlị tẹkẹarị Fịafịa Ḅọ ḅe.

Ayịzaya 7:8

Tiye ẹrẹsị? Anị gotẹ ọkọ mịẹ ḅịa ye, Siriya kụrọ anị ḅẹ sịḅịda ama, Damasịkọsị, nẹngị-a, tẹ Damasịkọsị pịkị kụrọ Ama-da Rezini nẹngị-a. Izirẹlị kịngẹ kụma, kụra atesi sọnọ akụra finji sakị ḅụ anị kan-sara la ḅarị ḅara ḅụ anị ḅarị sime tẹ jen kẹ sịẹ ẹrẹ fị ḅịa.

Jerimaya 30:11

Àrị ọ́ ḍọkụma-ḅo tẹ ọ́ ḅọrọma ḅa. Tomikiri ḅẹ asịẹ tẹ arị ọ́ gala-galama mu anga mamgba arị ịn ḅaa guluguluma ḅa, kụma arị ọ́ ḅaa guluguluma ḅịa. À mịẹ tẹ ó fomu-ḅara da ḅa; kụma arị ó fomu ḅẹ sakị, à fomu na-iḅi ḅara kẹ ó fomu ḅa. Yẹrị, KỊNỊNYANAḄỌ ḅe ọkọ ḅẹẹm.

Jerimaya 48:2

Mohabụ tọrụ-gbẹ sime-ḅara mẹ so tẹẹ. Si kẹ ịn tọn apụ ma Hẹsịbọnị ọkị tẹẹ, ịn pịkị ḅịyatẹ in Mohabụ sịẹ mẹ guluguluma ḅa. Nọmụapụ nwẹn-sịn ama mẹ yaụ-sime ḅa ọmụ-ogbo-ogbo mẹnjị mu owu kẹ anị paka ḅa.

Izikẹlị 35:13

Ọ́ tọrụ ḅọị-a ḅara kẹ ḅụụ-boma ị̀ pịrị ye mẹ, à naam.”

Danẹlị 11:36

Siriya ḅẹ amadaḅọ ḅe ọ̀ ḅụụ-ḅẹlẹ ḅara mịẹ ḅa. Ọ̀ ḅụụ-boma ḅa mịnẹ ọ̀ tamụnọ nwẹn-sịn tẹ tamụnọ nẹngịm, ori ḍụḅa Tẹịn Tamụnọ ḅe sọ nẹngịm. Ori inetẹ miemẹ mịẹ nwenii Tamụnọ fomu-ḅara kẹ ọ̀ pịrị ḅẹ sakị la ḅa Tamụnọ ye so-a ḅara kẹ ọ̀ tọn ḅara mịẹ ḅa.

Matiyo 7:2

kẹ gotẹ ọkọ ḅẹẹarị, Tamụnọ ị́ kẹ ja apụ kọn, kọn ḅara ḍiki tẹ sọ kọn ḅa, anịsakị ị́ kẹ ye tọn ja apụ pịrị, pịrị ye mẹ la ḅara mie Tamụnọ ḍiki tẹ tọn sọ pịrị ḅarịye.

2 Tẹsalonịka 2:4

Tomi kẹ tamụnọ sịn-arị, anịanịa sunsin pịrịarị ye goyegoye ori anị na tụḅụrụ ḅa, tẹ pịkị ọ̀ ḅụụ ḅẹẹ ḅa mịnẹ ori inimgba sịḅịdaḅọ. Tamụnọ-warị ḅio sọ ọ̀ sọ-mu lẹgị-sime tẹ ḅẹẹ ḅa ori Tamụnọ.

Mịẹfinji 13:6

Tẹ ọ̀ nwẹnị saakị Tamụnọ na, ori ẹrẹ mẹ na, ò sime anga na, So-ḅio angarị apụ mamgba na wori-wori sima.