Jerimaya 48:41 - FỊAFỊA BAỊBỤLỤ

⁴¹ tẹ ama ma na kụrọnị-ayọ mamgba ini ọkị fama ḅa. Anị ene mẹ ḅụ, Mohabụ ḅẹ ọmụapụ ma tẹmẹ-naịn-naịn ḅa, iyi la tẹ ẹrẹḅọ ọkụ.

Jerimaya 48:41 Iomraidhean Croise

Ayịzaya 13:8

Inimgba tẹmẹ-naịn-naịn tẹ akụye ịn nẹngịma ḅa, iyiarị ẹrẹḅọ da-da akụye kịkaye. Ịn jụmọ-jụmọ tọrụ ḅio ḍiki ḅa, ḅalafa ḅụ, tẹ ịna atọrụ ḅịya ḅa ḅụụ-jịrị ḅụ.

Ayịzaya 21:3

Ịkịan mẹ ḅụ arị ẹrị ye na naa ye na opu ḅalafaa na akụ na kẹ ị̀ ḅụụ ḅio suu tẹ, ẹrẹḅọ iyiarị tẹ da-da akụ pembe ye.

Jerimaya 30:6

Mịọkụ daasịẹ tẹ kuromaa! Owiḅọ inetẹ tụḅọ iyi pakama-ḅo ḅẹ? Tiye ẹrẹsị arị owiḅọ goḅọ-goḅọ ẹrịarị ori amịna aḅara kẹ ò furo gbana wararị iyi la tẹ ẹrẹḅọ ọkụ? Tiye ẹrẹsị ḅẹḅọ-ḅẹḅọ bosolo wararị?

Jerimaya 4:31

Àrị owu pọkọ naam, iyi la tẹ ẹrẹḅọ ọkụ, Oloku ḅịḅị mẹ kịrarama fie ḅara tarị tụḅọ iyiarị ẹrẹḅọ ọkụ. Anie kpọma-ḅẹlẹmarị Jeruselemu owu pọkọọ, kụma á ḅụụkụrọma ịnyọsararị, arị á ḅara sụn-pakama tẹ ḅẹẹarị, “À ḅarị ḅọrọma ḅịa! Ini ị̀ ḅaa ḅẹ ḅoarị!”

Jerimaya 4:9

KỊNỊNYANAḄỌ ḅe ḍukom, “Anị ene mẹ ḅụ, amadapụ na opu fịrịmẹnjịapụ na ịna ḅiokpọ fama ḅa agbamịẹapụ ḅụụ-gbiripu tẹ ịkịankoroapụ ḅụụ-bua ḅa.”

Jerimaya 48:24

Kẹrịhọtị na, Bozara na ọgọnọ. Ḅẹrẹkọn-ḅịḅị ḅo Mohabụ ḅẹ opu ama ma ọgọnọ gbana tẹẹ, sụma-jụ sime aị na kpeki anga sime aị na.

Jerimaya 49:22

Ini na fịya-a apụ ma owu kẹ ịn paka ḅarị ḅara gbala igo pamba finji sara tẹ fiin ideri-ḅo ḅara. Anị eneḅaka ḅụ Idọmụ ḅẹ ọmụapụ ma ḅalafa ḅarị ḅara iyi la tẹ ẹrẹḅọ ọkụ.”

Jerimaya 49:24

Damasịkọsị ḅẹ apụ ma ịn kụrọ-a, tẹ ịn mangị tẹẹ opu ḅalafa ḅụ. Ini akụye na ḅioḅẹngbọ-si na ḅio emi, iyi la tẹ ẹrẹḅọ ọkụ.

Jerimaya 50:37

Anị ḅẹ asụ ma na kirimẹnjị-ọmụarụ ma gulugulumaa. Fịị sime ini ọkọ ḅo ọmụgbin apụ ma pịrịị ịn ḅarị ịnyọ nyana-a la ḅara ḍikii! Anị ḅẹ ngọ ma gulugulumaa; fọịn tẹ ọkị-soo.

Jerimaya 50:43

Babịlonịya ḅẹ amadaḅọ ịba mẹ naarị, tẹ ori angagbasa kpịlasaịma koro-sime wararị. Akụ ye ḅo ọ̀ la tẹẹ, ḅo iyi laa tẹ ẹrẹḅọ la-la akụye ọkụ.

Jerimaya 51:30

Babịlonịya ḅẹ ọmụapụ ma owu-sọ dasịẹma tẹ ịna kụrọnị-ayọ ḅụ papaa simearị. Ịn ḅarị ḅiokpọ nyana-a tẹ ereme sọ tẹẹ. Ịna opu ama mẹ ḅẹ ogigo-aḅọkọ ma ịn kan kiri gbin tẹ fịnị kẹ ịna awarị ma ḅụ sụatẹ.

Jerimaya 6:24

Jeruselemu ḅẹ apụ ḅẹẹarị, “Wa paka ye mẹ naa tẹẹ, tẹ wamịna aḅara wamịna akaka kpịlasaịma koro-sime tẹẹ; opu tẹmẹ-akụ wamịna ḅụ sọ tẹẹ, iyi laa tẹ ẹrẹḅọ ọkụ.

Emọsị 2:2

À fịnị kẹ Mohabụ amakiri ḅụ sụa ḅa tẹ Kẹrịhọtị ḅẹ kụrọnị-ayọ ma dọkịma kiri lama ḅa. Mohabụ ḅẹ apụ ma fịị ḅa ọmụgbin gbiri-gbiri ḅụ, ọmụapụ olokuarị tẹ ọdụ fie-fie-fiearị ogbo ḅụ.

1 Tẹsalonịka 5:3

Tomi “Ye goyegoye kpaịn fama tẹ, wa la-la ye ḅarị ofori,” ḅẹẹarị ogbo mie, ḅiotọn-a ḅara ḅụ, ịn ḅaa guluguluma ḅarịye ḅo ịn bịan sịẹ ḅarịye. Anị kẹ ḅo ḅarị ḅiotọn-a ḅara mẹ kịka ḅarịye anie iyi akụ bẹkẹ ḅara kẹ ḅo iyi la tẹ ẹrẹḅọ la ḅara pembe ḅara, tẹ tomi anị ḅio pụkọ-paka so ḅịa.