Jerimaya 48:36 - FỊAFỊA BAỊBỤLỤ

³⁶ Mie ḅụ ì ḅioḅẹngbọ kururu Mohabụ na Ka-hẹrẹsị ḅẹ apụ ma pịrịarị, gbala gbọrụḅọ ḍụẹịn owu nume ofuroarị ye ọkụ, mḅọ nyana ye goyegoye fa tẹẹ ẹrẹsị.

Jerimaya 48:36 Iomraidhean Croise

2 Amadapụ 3:25

tẹ ini opu ama ma kanm tẹ owiḅọ goḅọ-goḅọ ḍụḅarị gbọrụ pakịrị gbọrụ pakịrị kẹ iḅi kiri goyegoye gbin nwenii ḍụḅarị apakịrị pakịrị anị gbaịn fama ḅa; ngụngụḅa minji goyegoye ịn dasịẹmam, tẹ iḅi sịn goyegoye pẹlẹ-gbinm. Ka-hẹrẹsị kịngẹ mie kọn tẹ anị ḅẹ aḍụḅarị ma arị sime kiri ḅụ emi ye, katapọtị pembe ye tẹịn-arị apụ ma nwẹnị anị ikelema-koro tẹ owu kẹ anị paka.

Egberima-Ẹkwẹn 11:4

Ị́ fịị ḅarị ene ḅụ ngọ gbọrụ iḅi sọ kẹ ị́ mịẹ ḅịa, kụma kịnị mingirima-mingirima-a ye-mịẹ-ḅara inetẹ í ḍumo ḅọrọma ḅa.

Egberima-Ẹkwẹn 13:22

Iḅi tomḅọ ḅe ngọ-kọn tẹ ye kọnma ọ̀ taa-awọmẹ pịrị ḅa, kụma si-mịẹapụ ma ngọ ma sime karakaraye-mịẹapụ ma pịrị ḅa.

Egberima-Ẹkwẹn 18:11

Anị sime-ḅara sime-ḅara sọ, ngọ-kọnapụ ọkịarị mịnẹ ịna ngọ ịn gbaịn ḅọrọma ḅa, geletẹ, kụrọtẹ, opu ama gbori-ikelema wararị onu ọkụ.

Ayịzaya 15:5

Ị̀ ḅioḅẹngbọ owu pakama Mohabụ pịrịarị. Tomi ma mangị-so Zoha ama mu tẹ, pịkị Sẹlisiya ḅẹ Egilati na. Japụ owu-owu tẹ etela mẹ kpọlị iwo Luhiti muarị; jen-apụ pụkọ-pakaḅo Horona-imu muarị, owu-owu pakama ḅụ.

Ayịzaya 15:7

Tomi ma tụndụ mẹ lẹsẹrẹ-kiri, ịn kẹ Wilo sịn ye mẹ mẹnjị saḅarị, ịna asịḅị paa paka-ḅo ḅẹ ḅara, na ịn nyana aị na.

Ayịzaya 16:11

Mohabụ gotẹ arị iningiarị tẹ ḅioḅẹlẹ-a; à kururu Kiri Herisi pịrịarị.

Ayịzaya 63:15

KỊNỊNYANAḄỌ, So-ḅio sime tẹ wa ḍiki, ị́ ị́ fịafịa kiri sime-ḅara na ebube na ḅụ angarị yọ mẹ. Opu bala tẹ ị́ nyana wa pịrị-pịrị ye mẹ tọ-anga emi? Ị́ kụrọ tọ-anga emi? Ị́ ḅẹlẹma na sịḅị-kụrụkụrụ na tọ-anga emi? Wa ḍiki-tọrụsin ma.

Jerimaya 17:11

Kịnị mingirima ḅọkọ kẹ igbigi nyanarị ḅọ mẹ, mḅọ kịkarị ye anie feni tẹ ori koroma-a anyị kẹngẹarị feni. Ori asambịrịma sakị ḅụ ori ngọ mamgba faa ḅa, anịsakị kunoma ḅụ ori ḅarị gbọrụḅọ-sọ gbọrụḅọ-a, kụma oḅori-ḅọ.

Jerimaya 4:19

Akụ mẹ! Arị inetẹ akụ mẹ da-a! Ì ḅioḅẹngbọ kịrị ḅara kẹ kpim-kpimarị! Àrị inetẹ yaụ-sime-a; Àrị ọdụ ma fiearị ye naarị, pịkị ọmụ oloku ma sọ.

Jerimaya 48:31

Tẹ anie ḅụ arị owu Mohabụ ḅụ sime-ḅọ sime-ḅọ na Ka-hẹrẹsị ḅẹ apụ ma na pịrị ḅa.