Jerimaya 48:29 - FỊAFỊA BAỊBỤLỤ

²⁹ Mohabụ mẹ anị ḅụụ-gelema ḅakam! Ịn kẹ ḅụụ-gelema ḅara na, opu aị opu aị ḍuko ḅara na, ịna atomi ma ịna aḅụụ ọkị tẹịnma jen-apụ nẹngịarị ḅara na, ịn kẹ ịna aḅụụ ḍikiarị ḅaka ḅara mẹ na, à naa tẹẹ.

Jerimaya 48:29 Iomraidhean Croise

Devidi-Anume 138:6

Tụkụmaye ị́ kpọma gele fa à wararị sọ, í iderima kiri sime apụ kẹ ye-sịn-arị, tẹ ḅụụ-gelema apụ ma inetẹ ị́ ḅụụ ịna aḅụụ ḅọị ḅịa.

Egberima-Ẹkwẹn 18:12

Tomi mangịmarị gbọrụḅọ-sọ ofori ḅụụ-iderimarị ḅọ sikima; opu ẹkwẹn kọn-arị apụ ma ịn mẹnjị mu gulugulu-faa ḅẹ muarị.

Egberima-Ẹkwẹn 21:24

Ḅụụ-gelemaḅọ kẹ ì ḍie, tẹ yẹrị opu ẹkwẹn-kọn, opu-amịẹaị mịẹ tẹ jen-apụ kẹ kuroma ḅụ suu-suu-a ḅọ kẹ í ḍie ḅa.

Egberima-Ẹkwẹn 30:13

Japụ emi tẹ kuromarị ini iḅi lama wararị ye; yei, in kuromarị ini iḅim ḅẹ ḅara mẹ ḍiki ya!

Egberima-Ẹkwẹn 8:13

KỊNỊNYANAḄỌ ḅe mangịma mẹ anie siye ḍiki-ḅioḅu; à ḅụụ-gelemarị apụ na opu ẹkwẹn kọn-arị apụ na ḍiki-ḅioḅuarị, si etela ma na iruo ẹkwẹn ma na.

Ayịzaya 13:11

KỊNỊNYANAḄỌ ḅe ḅẹẹarị, “Arị opu ḅụụ-fụka kẹ tomikiri ḅo ḅa, tẹ fomu-ḅara kẹ si-sịḅịḅio-sụa apụ ma pịrị ḅa, ịna asi gotẹ. Ḅụụ-gelemarị ḅọ goḅọ-goḅọ arị mḅọ iderima ḅa, tẹ Opu Ẹkwẹn kọn-arị, pịkị kụrọ-kụrọ ḅara kẹ kịnị na mịẹarị ḅọ goḅọ-goḅọ à fomu ḅa.

Ayịzaya 16:6

Juda ḅẹ apụ ḅẹẹarị, “Wa naa tẹ mịnẹ Mohabụ ḅẹ apụ anie opu-amịẹaị mịẹ-mịẹ apụ. Wa nimi wararị inima anie opu ẹkwẹn kọn, kọn apụ, pịkị amịna ḅụụ ọkị jen-apụ nẹngịma, nẹngịma apụ, kụma ịna aḅụụ boma ma ḅio ye ofori.”

Danẹlị 4:37

“Mịọkụ, yẹrị, Nebukadineza, tokini na, kụn na pịkị ebube na kẹ Tamụnọ pịrịm, ori So-ḅio ama-daarị ḅọ ḅe. Ọ̀ mịẹ ye goyegoye karakaram pịkị kuram, anị kụma ọ̀ pịkị inetẹ ḅaịn ḅara kẹ ye mịẹarị ḅọ iderima ḅa.”

Luku 14:11

Amịna ḅụụ saakị-gelema ḅọ, gelema ḅọ, mḅọ iderima ḅa; anị sakị amịna ḅụụ iderima ḅọ, iderima ḅọ mḅọ opu sọ ḅa.”

Jemụsị 4:6

Kụma Tamụnọ kẹ tomi pịrịarị ḍiki-ḅụụjịrị mẹ kụrọ anị nẹngịm. Anie Fịafịa Ḍiri mẹ ḅẹẹarị ḅara, “Tamụnọ opu amịẹaị mịẹ apụ na tụḅụrụarị, kụma ò ḍiki-ḅụụjịrị nyana ḅụụ iderima apụ ma pịrịarị.”