Jerimaya 48:27 - FỊAFỊA BAỊBỤLỤ

²⁷ Mohabụ, kẹ ḅiokoroma ọ́ kẹ Izirẹlịapụ mịẹ sime-ḅara. Ọ́ kẹ ịn mịẹ ḅara gbala ini ịn kẹ furuapụ opu ogbo ḅụ sụa kunm.”

Jerimaya 48:27 Iomraidhean Croise

Jobu 16:4

Yẹrị sọ inetẹ ị́ ẹkwẹn ḅara ẹkwẹn ḅa, ị́ à sime kiri ḅụ emi ḅẹ kụma; arị ị̀ sịḅị jike-jike ị́ pịrị tẹ, inetẹ ẹkwẹn kọn-kọn gboloma ị́ ẹngbẹsẹ ḅa.

Devidi-Anume 44:13

Wamịnị na kpeki tẹ anga apụ ma ị́ kẹ wa mịẹ ye mẹ ẹrịm, tẹ ịn wa komboarị pịkị wa ḍẹrịarị.

Devidi-Anume 64:8

Ịn kọn-arị ẹkwẹn ma ẹrẹsị ori ịn ḅaa guluguluma ḅa; ini ẹrị apụ mamgba amịna asịḅị jike ḅa.

Devidi-Anume 79:4

Wa gbori wararị asịẹ ma wa mịẹ-simarị; ịn wa ḍẹrịarị, pịkị wa komboarị.

Jerimaya 18:16

Ini amakiri mẹ kẹ sịḅị-kanakanama ye sọma tẹẹ, kịnị ḍiki-sima mu ḅẹẹ-sakị ḅẹẹ-sakị la ḅẹ ye. Mẹnjị-ḅọrọarịapụ mamgba ḅụụ-gbiripu ḅa ini ẹrịarị ye ḅụ; ịn sịḅị jike ḅa ḅụụ-bua ḅụ.

Jerimaya 2:26

KỊNỊNYANAḄỌ ḅe mẹẹ: In furuḅọ kun tẹ ọ̀ tọrụ-tuu gbọrụ ḅara mẹ mie ọmịnị Izirẹlịapụ mamgba tọrụ-tuu ḅarị ḅara, ọmịna amadapụ na opu fịrịmẹnjịapụ na, ọmịna agbamịẹapụ na ịkịankoroapụ na.

Kururu Owu-apọkọ 1:12

Ọmịnị mamgba tẹ mẹnjị-mẹnjị-ḅọrọarị apụ, anị ọmịna aḅụụ gberie-sọ la-a mọ? Ọ́ paa ḍikii, tẹ ẹrịị, ì kururu mẹ pembe kururu ḅọrọ emi ḅẹḅẹ aniemẹ tẹ ḅo ị̀ ọgọnọ gbana ye mẹ, aniemẹ tẹ KỊNỊNYANAḄỌ ḅe kẹ ọ̀ ḅalafama ịganị ene ḅụ, ì fomu ye mẹ.

Kururu Owu-apọkọ 1:7

Jeruselemu á ḅụụ-fụka na árị akụ eneḅaka na ḅụ, á ḅụụ yela aị mamgba tẹ elemu sakị ḅụ á nyana aị ma kẹ ḅiokoromam. Árị atomi ḅịkị árị ọmụḅọ ḅe ḅara-ḅio sọ, tẹ ḅarasụa á pịrị ḅẹ gbọrụḅọ-sọ ofori sakị, ọmụḅọ ḅe á ḅụụ ḅioḅẹlẹ nyanam, á ḅịkị mẹ kombo ḅụ.

Izikẹlị 25:8

Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ḅẹẹm, Mohabụ ḅẹẹ tẹ ẹrẹsị, mịnẹ Juda na osi asịẹ na gbọrụ ḅara,

Izikẹlị 35:15

anie ọmịnị Izirẹlị faa fama ye ḅẹ ḍereku kọn gbọrụ ḅara mẹ, sime ị̀ pịrị apụ ma. Seya ḅẹ tụndụ amẹẹ, inn, bebe Idọmụ amakiri mẹ faa ḅa. Anịtẹso ọrụḅọ-ọrụḅọ nimi ḅa mịnẹ yẹrị anie KỊNỊNYANAḄỌ ḅe.”

Izikẹlị 36:2

Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe, nyana ịn pịrị ye mẹ; si kẹ Izirẹlị tọn apụ ma in ḍiki tẹ ḅioḅẹlẹ-ḅẹlẹ tẹ ḅẹẹm, ‘Mịọkụ arị elemu sakị kụra ḅio ḅẹ atụndụ ma wamịna nye!’ ”

Izikẹlị 36:4

Mie ḅụ, ọmịnị yẹrị Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ḍuko ọ́ pịrịarị ye pokii — ọmịnị tụndụ ma na, kala-tụndụ ma na, ḍawọ ma ma, tụndụ asuku ma na, ọmịnị kaan-sara simearị ayọ ma na, pịkị ọmịnị kịnị mangị-so famatẹ opu ama ma tẹ ikelema-koro wararị asịẹ ma fọịntẹ opu ama ma.”

Zẹfanaya 2:10

Mị-ḅara mie Mohabụ na Amọnị na ḅọrọ tẹ fomu-ḅara da ḅarị ḅara, ịna ḅụụ-gelema na opu ẹkwẹn na ḅụ, pịkị ịn kẹ Kụrọmamgba Nyana KỊNỊNYANAḄỌ ḅe atomi ma mịẹ sima ye ẹrẹsị.

Zẹfanaya 2:8

Kụrọmamgba nyana KỊNỊNYANAḄỌ ḅe ḅẹẹarị, “À naa tẹ Mohabụ na Amọnị na ḅẹ apụ ma kẹ ị̀ atomi mịẹ sima-sima tẹ kẹ ịna ḅụụ-sịnịsịnịmarị ye mẹ, pịkị ịn ḅụụ bomarị ye mẹ na, mịnẹ, ịn kụrọ ḅara kẹ ịna kiri ọkị ḅa.

Matiyo 26:55

Anịtẹso Jizọsị ẹkwẹn tomina-ogbo mẹ pịrịm, “Ọmịnị okologie na mgbele na ọlọ tẹ paka-ḅo ì kun ḅẹm aro, gbala yẹrị ama oloko kan tẹ mangịarị ḅọ ọkụ? Ene-ḅaaene-ḅaaene à kọkọ Tamụnọ-warị mẹ ḅio lẹgị-lẹgị tẹ ye toluma, tẹ ọmịnị ì kun-a.

Matiyo 27:38

Anịtẹso ịn pịkị ama oloko kan tẹ paka-mu piri ọgọnọ jụ sime tẹ kịnị aḅara ye fọịn fọịn maa apụ sọ kẹ ẹngbẹsẹ-sịn ḅụ ḅakụm, gbọrụḅọ ori ama-ḅara anga, osi-ḅọ ori ere-ḅara anga.

Matiyo 7:2

kẹ gotẹ ọkọ ḅẹẹarị, Tamụnọ ị́ kẹ ja apụ kọn, kọn ḅara ḍiki tẹ sọ kọn ḅa, anịsakị ị́ kẹ ye tọn ja apụ pịrị, pịrị ye mẹ la ḅara mie Tamụnọ ḍiki tẹ tọn sọ pịrị ḅarịye.