Jerimaya 48:26 - FỊAFỊA BAỊBỤLỤ

²⁶ KỊNỊNYANAḄỌ ḅe ḅẹẹm, “Mịẹ tẹ Mohabụ iru ḅụụ tọrụ-ḅaamaa, anị kọngọ-kụrọma ị̀ pịrị tẹẹ ẹrẹsị. Mohabụ amịna ọsụ-aị ḅio kpeleki ḅa, tẹ kịnị anị ḍẹrị ḅa.

Jerimaya 48:26 Iomraidhean Croise

Jobu 15:25

Gbala ọ̀ Tamụnọ na tụḅụrụ ḅara kẹ ọ̀ ḅara sụn-pakama tẹ, tẹ tọrụ pakama owu kẹ Kụrọmamgba Nyanaḅọ ḅe sịn tẹ,

Jobu 9:4

Ò ye-nimim ḅioḅẹngbọ ḅụ, tẹ gburo-gburom ịnyọ ḅụ; tụḅọ amịna ekpe kẹ ọ̀ da tẹ anị mḅọ na-iḅi tẹ?

Devidi-Anume 2:4

KỊNỊNYANAḄỌ ḅe So-ḅio ori emine ọgọnọ lẹgị tẹ ịn ḍẹrịarị tẹ ịn tọn-arị papaa aị ma komboarị.

Devidi-Anume 59:8

Kụma, KỊNỊNYANAḄỌ, ị́yẹrị ịn ḍẹrịị, oru nimi apụ mamgba komboo.

Devidi-Anume 60:3

Ị́ mịẹ tẹ ị́ atomi ma opuma tọrụsiẹrị tẹ; wa pụmbụma-pụmbụmarị, iru ḅuu tọrụ-ḅaama apụ ọkụ.

Devidi-Anume 75:8

KỊNỊNYANAḄỌ ḅe ori ịganị ḅụ kụrọ tẹ iru kẹ kọpụ ḅio sụa ḅinma tẹ ọlọ wararị. Ori anị sara, sara tẹ kẹ si-sịḅịḅio-sụapụ mamgba pịrị ḅuuarị, in ḅuu nwenii tẹ tusuku mẹ ḅẹ kunoma mẹ sọ mẹnị ḅọrọmarị.

Paka-so 5:2

Kụma Fero nwẹnị ḅẹẹ, “Anị KỊNỊNYANAḄỌ ḅe anie tụḅọ, tẹ arị pọkọ poki tẹ Izirẹlị wẹrịso tẹ ịn so ḅẹ? KỊNỊNYANAḄỌ ḅe arị ò nimi-a, anịsakị anie sikima, à ḍụkụ tẹ Izirẹlị so ḅịa.”

Paka-so 9:17

Ị́ paa ị́ ḅụụ saakị-gelema tẹ ị̀ atomi ma ẹngbẹsẹ tẹ ịn wẹrịso tẹ ịn so-a.

Ayịzaya 10:15

Kụma KỊNỊNYANAḄỌ ḅe ḅẹẹm, “Kumbu inetẹ ọkị ḅẹ mịnẹ anị anị ọlọ tẹ kẹ ye pẹlẹarị tomḅọ nẹngịm? Fụkụ-fụkụma ye la anị kẹ ye pẹlẹarị tomḅọ nẹngị? Sịn-ikiḅa tomḅọ sakị gelema-gelema-a, tomḅọ anie sịn-ikiḅa sakị gelema-gelema ye.”

Ayịzaya 19:14

KỊNỊNYANAḄỌ ḅe ịn mịẹtẹ in pikiri, pikiri aị kẹ in toluma tẹ. Anị dogi-ḅo ye anie, Ijiputi mịẹarị ye goyegoye kura-aye, tẹ ịn nwẹnị iru ḅuu tọrụ-ḅaamatẹ tomḅọ amịna ọsụ aị ḅio ḅụọ sịnịnị ḅara kẹ sịnịnịarị.

Ayịzaya 28:8

Ịn lẹgị wararị anga mẹ ḅẹ adẹbịlẹ ma ọsụ-aị, ọsụ-aị arị gbaịn wararị, tẹ fịafịa gbọrụ yọ sọ ofori.

Ayịzaya 29:9

Ị́ mịẹarị ye mịẹ ma-muu, tẹ oḅori tomḅọ sọọ! Ị́ mịẹarị ye mịẹ ma-muu, tẹ tọrụngbọ-pụụntẹḅọ sọọ! Gbọrụ iru sọ ḅụ ḅuu-a ḅara kẹ iru ị́ tọrụ ḅa! Tọịn-koro iru sọ ḅịḅị la-a ḅara kẹ pụmbụma-pụmbụmaa.

Ayịzaya 51:17

Jeruselemu, saakị! Ị́ ḅụụ jike tẹ saakị sịẹ! Í fomu-ḅara da kọpụ mẹ ḅio ḅuu tẹ anie KỊNỊNYANAḄỌ ḅe ori ịganị ḅụ kẹ ị́ pịrị ḅuu ye mẹ; í ḅuu tẹ anị ị́ mịẹ tẹ ị́ pụmbụma-pụmbụmam.

Ayịzaya 63:6

Ị̀ ịganị ḅụ à bebe sịẹ-sịẹ ma nanga kọsịmam. À nwẹnị ịna ḍumo ọmbie mẹ ọsụma kiri ḅio sara.”

Jerimaya 48:39

Mohabụ kọsị-sara tẹẹ! Owu pakamaa! Mohabụ tọrụ-tuu tẹẹ. Anị sii gulugulutẹ tẹẹ, tẹ anị ikelema-koro wararị asịẹ mamgba anị komboarị. Yẹrị, KỊNỊNYANAḄỌ ḅe, ọkọ ḅẹẹm.

Jerimaya 48:42

Mohabụ gulugulu ḅa, tẹ ḅarị jen kẹ sịẹ ẹrẹ fị ḅịa, anị kọngọ-kụrọma ị̀ pịrịm ẹrẹsị.

Jerimaya 50:29

Ḍuko iboli tẹịn owiapụ ma pịrịị ini owu kẹ Babịlọnị pakaa. Iboli na ḍiein na kẹ mịẹ-mịẹ ye nimi ḅọ nimi ḅọ fịrịma pakamaa. Ọmịnị opu ama mẹ ikelema-koroo, tẹ ḍụkụtẹ gbọrụḅọ-sọ pụkọ-so ma. Ịn mịẹ tẹ aị mamgba kẹ ịn gbẹẹ, tẹ ịn kẹ jen apụ mịẹ ḅara kẹ ịn mịẹẹ, ịn ḅụụ-gelema si kẹ ị̀ mịẹm ẹrẹsị, yẹrị Izirẹlị tẹkẹarị Fịafịa Ḅọ ḅe.

Jerimaya 51:39

Ini opu-pọkọḅẹngbọ sụam aro? Arị alalị fịye mịẹ ịn pịrị tẹ mịẹ tẹ ini iru ḅuu tẹ ḅioḅẹlẹ ḅa. In mu mono tẹ ḅarị gbala-gbala saakị ḅịa.

Jerimaya 51:57

À mịẹ tẹ anị ḅẹ ḅẹrẹtọn-apụ iru ḅuu ḅa Ye-nimi atomi, sịḅịdapụ na ọmụapụ na. In mu mono tẹ ḅarị gbala-gbala saakị ḅịa. Yẹrị, amadaḅọ ḅe, ọkọ ḅẹẹm, Yẹrị, anie Kụrọmamgba nyana KỊNỊNYANAḄỌ ḅee.”

Jerimaya 51:7

Babịlonịya ị̀ ḅara-ḅio golu kọpụ kịkam, mịẹ tẹ bebe tomikiri mẹ anị ḅio ḅuuarị. Sịẹ-sịẹ ma anị ḅẹ iru mẹ ḅuum, tẹ ịn nwẹnị nọmụ.

Kururu Owu-apọkọ 1:21

Àrị iningiarị ḅara mẹ naa; ì dedema ḅẹ gbọrụḅọ-sọ ofori. Ị̀nịna fịya-a apụ mamgba ị̀ ḅụụ-fụka gbolomaye naa tẹẹ; ịn ḅioḅẹlẹarị mịnẹ ị́yẹrị anị mịẹm. Anị ene mẹ tẹ í ḍuko wasama tẹ ene mẹ ọkị-ḅoo, tẹ yee ini à sime-ḅara mẹ sime.

Kururu Owu-apọkọ 3:15

Ori akụ kẹ ì ḅio ḅụ ḅinma tẹ, ori akụarị iru na fịye na kẹ ị̀ pịrị furo ḅinma tẹ.

Kururu Owu-apọkọ 4:21

Ḍereku tẹ ḅioḅẹlẹẹ, yei Idọmụ ḅe ẹrẹḅọtụḅọ, Uzu nwẹn-sịn ama mẹ ḅụ angarị ḅọ; kụma ị́yẹrị sọ iru sụa ḅuu ye mẹ ḅọrọ ḅo ị́ la ḅa, í ḅuu tọrụ-ḅaama tẹ ị́ ḅụụ paụma sara ḅa.

Danẹlị 11:36

Siriya ḅẹ amadaḅọ ḅe ọ̀ ḅụụ-ḅẹlẹ ḅara mịẹ ḅa. Ọ̀ ḅụụ-boma ḅa mịnẹ ọ̀ tamụnọ nwẹn-sịn tẹ tamụnọ nẹngịm, ori ḍụḅa Tẹịn Tamụnọ ḅe sọ nẹngịm. Ori inetẹ miemẹ mịẹ nwenii Tamụnọ fomu-ḅara kẹ ọ̀ pịrị ḅẹ sakị la ḅa Tamụnọ ye so-a ḅara kẹ ọ̀ tọn ḅara mịẹ ḅa.

Danẹlị 5:23

Ị́ kọngọ-kụrọma So-ḅio ḅẹ KỊNỊNYANAḄỌ ḅe pịrịm tẹ ọ̀ Warị ḅio ịn fọịn ọkị amọngị ma na panị ma na ọkịm. Ị́yẹrị na, ị́ opu afịrịmẹnjịapụ na, í ereme na, í oloapụ na arị kẹ iri ḅuu-ḅuu tẹ nwẹnị in golu na, seleḅa na, ojo na, ikulele na, ḍụḅọ na pịkị ẹkẹkẹ-pakịrị kẹ tẹmẹ atamụnọ ma tokinim — oru-atamụnọ tẹ inetẹ ye ẹrị-a anịanịa ye naa-a, pịkị gberie-sọ nimi-a atamụnọ ma.

Danẹlị 8:10

Anị kụrọ la ḅẹ ḅara la tẹ owu kẹ so ḅẹ ọmụ-ogbo mẹ pakam, lolia ma ḅioju, tẹ anị ịna ḅụ ḅẹ jaị kẹ kiri gbin tẹ ịn nanga ḅọrọm.

Nahọmụ 3:11

Ị́yẹrị sọ iru ḅuu ị́ tọrụ-ḅaama ḅa, tẹ ye-nimia ḅara kẹ ye mịẹ ḅa, tẹ kịnị-na-fịya-a ḅọ ḅe ḅụụ ḅụ ḅụụ-ḅọị-yọ ḍọkị ḅa.

Habakọkụ 2:16

Ị́ sakị ḅo tẹ ḅụụ-jịrị ị́ gbaịn ḅa, kụn nakara. Í ḅioju sọ iru ḅuu tẹ pụmbụma-pụmbụma ḅa. KỊNỊNYANAḄỌ ḅe ị́ mịẹ tẹ í sime ị́ pịrị fomu-ḅara ḅẹ kọpụ mẹ ḅio sime ye ḅuu ḅa, tẹ ị́ kụn mẹ pịkị-ḅo tọrụ-tuu sọ ḅa.

2 Tẹsalonịka 2:4

Tomi kẹ tamụnọ sịn-arị, anịanịa sunsin pịrịarị ye goyegoye ori anị na tụḅụrụ ḅa, tẹ pịkị ọ̀ ḅụụ ḅẹẹ ḅa mịnẹ ori inimgba sịḅịdaḅọ. Tamụnọ-warị ḅio sọ ọ̀ sọ-mu lẹgị-sime tẹ ḅẹẹ ḅa ori Tamụnọ.

Mịẹfinji 16:19

Opu ama mẹ tẹra kiri puum, tẹ tomikiri ḅẹ asịẹ ma ḅẹ opu ama mamgba fa famam. Tamụnọ opu Babịlọnị mẹ sọ kẹ ḅio kuromam, tẹ mịẹtẹ árị ọ̀ kọpụ mẹ ḅio sime iru mẹ ḅuum — anie ori opu ịganị iru mẹ.