Jerimaya 48:16 - FỊAFỊA BAỊBỤLỤ

¹⁶ Mohabụ si-so mẹ ḅoarị; anị si koro ḅẹ sakị mẹ ala-a.

Jerimaya 48:16 Iomraidhean Croise

Egberima-Ẹkwẹn 7:23

anie ịn ḍiein kẹ ò ḅioḅẹngbọ tẹịn tolu ḅẹ yọ mẹ. Ọ̀ kịkaye anie mu ịgbọ-tolu ḅio sụka ḅẹ muarị feni — ò nimi-a mịnẹ ò ḍumo mu fa ḅio sọ ḅẹ-muarị.

Ayịzaya 13:22

Tawa ma na amada-awarị ma na ḅio hayịna nwẹn-sịn ja anama pẹị-pẹị anama ma na piri-obiri ma na kọn-arị oloku mẹ arị ḅio fie ḅa. Babịlọnị sakị ḅo la tẹ! Árị ene ma kẹlẹ kọnm ḅọrọ-so fama ḅa.”

Jerimaya 1:12

KỊNỊNYANAḄỌ ḅe nwẹnị ḅẹẹ, “Ị́ karakaram, tẹ arị anị ḍiki tẹ ẹrịarị mịnẹ à ḍuko ye mẹ pakarị.”

Izikẹlị 12:23

Mịọkụ ḍuko ịn pịrịị, yẹrị Tẹịn-Ḅẹrẹtọn-Kụrọ-Nyana ḅọ ḅe nyanatẹ ḍuko ḅẹ ye aniemẹ gboloma ye ḅụ. À mịẹ tẹ anị egberi mẹ kuno ḅa. Izirẹlị ḅụ ịn ḅarị jen kẹ anị gbaa ḅịa. Anie nakara ḍuko ịn pịrị: ‘Sakị mẹ ḅo laa tẹẹ, tẹ paka ḅẹ tẹ ḍuko aị ma ḅo karakara aị soarị.’ ”

Izikẹlị 12:28

Mie ḅụ ḍuko ịn pịrị mịnẹ yẹrị Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ḅẹẹm: sakị fama ḅarị paka ḅịa. À ḍuko tẹ ye mẹ mịẹ ḅa. Yẹrị, Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe, ḍuko tẹẹ!”

Ditẹrọnọmị 32:35

Gbẹẹfị ḅii na, gbẹẹ-pịkị na ị̀ nye, ịna ḅụọ sịnịnị ḅarị sakị ḅụ; gbala ịna ḅụụ-fụka ene mẹ ḅara-ku la tẹ anịsakị ịna fịị ḅẹrẹkọn fọnya ḅoarị.

2 Pita 2:3

Ịna opu pọkọ-ḅẹngbọ ḅụ mịna iruo ye-tolumapụ ma, ini ḅarana kuroma ḅo ịlụkụ ma gbaa-gbaa ọ́ pịrị tẹ ọmịna ḅụ sọye fị ḅa. Alatẹ sakị kụra-ḅio ịn kọn ḅarị Ḅẹrẹkọnḅọ ḅe tẹlẹma tẹ emi, tẹ ịn Ḅaa guluguluma ḅarị ḅọ ḅe sọ mono-a tẹ ẹbịarị.